UP : ਧੀ ਨੇ ਪ੍ਰੇਮੀ ਨਾਲ ਮਿਲ ਕੇ ਪਹਿਲਾਂ ਮਾਂ ਦਾ ਘੁੱਟਿਆ ਗਲਾ, ਫਿਰ ਸ਼ੀਸ਼ੇ ਦੇ ਟੁਕੜੇ ਨਾਲ ਵੱਢ ਕੇ ਕੀਤਾ ਕਤਲ

ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ ਕਿ ਘਰ ਵਿੱਚ ਸਿਰਫ਼ ਊਸ਼ਾ ਸਿੰਘ ਅਤੇ ਉਸਦੀ ਧੀ ਹੀ ਰਹਿੰਦੇ ਸਨ। ਊਸ਼ਾ ਦੇ ਪਤੀ ਯੋਗੇਂਦਰ ਸਿੰਘ ਦੀ 12 ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਪੁਲਿਸ ਅਤੇ ਫੋਰੈਂਸਿਕ ਟੀਮ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਧੀ ਅਤੇ ਉਸਦੇ ਪ੍ਰੇਮੀ ਨੂੰ ਕਥਿਤ ਤੌਰ 'ਤੇ ਕਤਲ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।

Crime Updates :  ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿੱਚ ਇੱਕ ਸਨਸਨੀਖੇਜ਼ ਘਟਨਾ ਸਾਹਮਣੇ ਆਈ ਹੈ। ਪੁਲਿਸ ਨੇ ਚਿਨਹਾਟ ਇਲਾਕੇ ਵਿੱਚ ਇੱਕ ਔਰਤ ਦੀ ਨਾਬਾਲਗ ਧੀ ਅਤੇ ਉਸਦੇ ਪ੍ਰੇਮੀ ਨੂੰ ਕਥਿਤ ਤੌਰ 'ਤੇ ਕਤਲ ਕਰਨ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ। ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ (ਪੂਰਬੀ ਖੇਤਰ) ਸ਼ਸ਼ਾਂਕ ਸਿੰਘ ਨੇ ਦੱਸਿਆ ਕਿ ਐਤਵਾਰ ਸਵੇਰੇ ਚਿਨਹਟ ਥਾਣਾ ਖੇਤਰ ਵਿੱਚ 40 ਸਾਲਾ ਊਸ਼ਾ ਸਿੰਘ ਨਾਮ ਦੀ ਇੱਕ ਔਰਤ ਦੀ ਲਾਸ਼ ਉਸਦੇ ਘਰ ਵਿੱਚੋਂ ਮਿਲੀ। ਉਸਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਅਪਰਾਧ ਵਾਲੀ ਥਾਂ ਦਾ ਮੁਆਇਨਾ ਕਰਨ 'ਤੇ, ਪੁਲਿਸ ਨੂੰ ਊਸ਼ਾ ਦੀ 15 ਸਾਲ ਦੀ ਧੀ 'ਤੇ ਸ਼ੱਕ ਹੋਇਆ। ਜਦੋਂ ਉਸਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਗਈ ਤਾਂ ਉਸਨੇ ਆਪਣੀ ਮਾਂ ਦੀ ਹੱਤਿਆ ਕਰਨ ਦੀ ਗੱਲ ਕਬੂਲ ਕਰ ਲਈ। ਇਸ ਮਾਮਲੇ ਵਿੱਚ ਉਸਦੇ 17 ਸਾਲਾ ਬੁਆਏਫ੍ਰੈਂਡ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।

ਲਾਸ਼ ਦੇ ਕੱਪੜੇ ਤੱਕ ਉਤਾਰੇ

ਪੁਲਿਸ ਨੇ ਕਿਹਾ ਕਿ ਦੋਸ਼ੀਆਂ ਨੇ ਕਬੂਲ ਕੀਤਾ ਹੈ ਕਿ ਉਨ੍ਹਾਂ ਨੇ ਊਸ਼ਾ ਸਿੰਘ ਦਾ ਕੱਪੜੇ ਨਾਲ ਗਲਾ ਘੁੱਟਿਆ ਅਤੇ ਫਿਰ ਸ਼ੀਸ਼ੇ ਦੇ ਟੁਕੜੇ ਨਾਲ ਉਸਦਾ ਗਲਾ ਵੱਢ ਦਿੱਤਾ। ਪੁਲਿਸ ਨੂੰ ਗੁੰਮਰਾਹ ਕਰਨ ਲਈ, ਦੋਵਾਂ ਨੇ ਲਾਸ਼ ਦੇ ਕੱਪੜੇ ਉਤਾਰ ਦਿੱਤੇ। ਕਤਲ ਦੀ ਯੋਜਨਾ ਬਹੁਤ ਸੋਚ-ਸਮਝ ਕੇ ਬਣਾਈ ਗਈ ਸੀ ਅਤੇ ਇਸ ਘਟਨਾ ਨੂੰ ਬਲਾਤਕਾਰ ਅਤੇ ਕਤਲ ਦੇ ਮਾਮਲੇ ਵਾਂਗ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਪੁਲਿਸ ਨੇ ਕਿਹਾ, 'ਕਤਲ ਤੋਂ ਬਾਅਦ, ਧੀ ਆਪਣੇ ਬੁਆਏਫ੍ਰੈਂਡ ਨਾਲ ਬੰਗਲੁਰੂ ਭੱਜਣ ਦੀ ਯੋਜਨਾ ਬਣਾ ਰਹੀ ਸੀ ਪਰ ਪੁਲਿਸ ਟੀਮ ਨੇ ਦੋਵਾਂ ਨੂੰ ਫੜ ਲਿਆ।' ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ ਨੇ ਕਿਹਾ ਕਿ ਨਾਬਾਲਗ ਲੜਕੀ ਨੂੰ ਪਿਛਲੇ ਸਾਲ ਉਸਦੇ ਪ੍ਰੇਮੀ ਨੇ ਕਥਿਤ ਤੌਰ 'ਤੇ ਅਗਵਾ ਕਰ ਲਿਆ ਸੀ। ਬਾਅਦ ਵਿੱਚ ਊਸ਼ਾ ਸਿੰਘ ਨੇ ਉਸ ਵਿਰੁੱਧ ਕੇਸ ਦਾਇਰ ਕੀਤਾ ਸੀ। ਇਸ ਮਾਮਲੇ ਵਿੱਚ ਆਰੋਪੀ ਨੂੰ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਸੀ।

ਪਿਓ ਦੀ ਹੋ ਚੁੱਕੀ ਮੌਤ

ਪੁਲਿਸ ਅਧਿਕਾਰੀ ਸ਼ਸ਼ਾਂਕ ਸਿੰਘ ਨੇ ਕਿਹਾ, "ਕੁਝ ਮਹੀਨੇ ਪਹਿਲਾਂ ਹਿਰਾਸਤ ਤੋਂ ਰਿਹਾਅ ਹੋਣ ਤੋਂ ਬਾਅਦ, ਨੌਜਵਾਨ ਨੇ ਆਪਣੀ ਪ੍ਰੇਮਿਕਾ ਨਾਲ ਦੁਬਾਰਾ ਸੰਪਰਕ ਸਥਾਪਿਤ ਕੀਤਾ ਅਤੇ ਆਪਣੇ ਨਾਲ ਵਾਪਰੀ ਘਟਨਾ ਲਈ ਊਸ਼ਾ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਇਸ ਤੋਂ ਬਾਅਦ ਉਸਨੇ ਆਪਣੀ ਪ੍ਰੇਮਿਕਾ ਨਾਲ ਮਿਲ ਕੇ ਕਤਲ ਦੀ ਯੋਜਨਾ ਬਣਾਈ।" ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ ਕਿ ਘਰ ਵਿੱਚ ਸਿਰਫ਼ ਊਸ਼ਾ ਸਿੰਘ ਅਤੇ ਉਸਦੀ ਧੀ ਹੀ ਰਹਿੰਦੇ ਸਨ। ਊਸ਼ਾ ਦੇ ਪਤੀ ਯੋਗੇਂਦਰ ਸਿੰਘ ਦੀ 12 ਸਾਲ ਪਹਿਲਾਂ ਮੌਤ ਹੋ ਗਈ ਸੀ। ਪੁਲਿਸ ਅਤੇ ਫੋਰੈਂਸਿਕ ਟੀਮ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। 
 

• 

  ਸ਼ੌਕ ਪੂਰੇ ਕਰਨ ਲਈ ਕਰਮਚਾਰੀ ਬਣਿਆ ਚੋਰ, ਜਿਊਲਰ ਦੀ ਦੁਕਾਨ ਤੋਂ 45 ਲੱਖ ਦਾ ਸੋਨਾ ਕਰ ਲਿਆ ਚੋਰੀ

  Crime

• 

  Amritsar: ਫਰੀਨਚਰ ਸ਼ੋਅਰੂਮ 'ਤੇ ਅਣਪਛਾਤੇ ਬਾਈਕ ਸਵਾਰਾਂ ਚਲਾਈਆਂ ਗੋਲੀਆਂ,ਇਸ ਕਾਰਨ ਘਟਨਾ ਨੂੰ ਦਿੱਤਾ ਅੰਜਾਮ

  Crime

• 

  UP ‘ਚ ਸ਼ਰਮਨਾਕ ਘਟਨਾ, ਮੰਗੇਤਰ ਦੇ ਸਾਹਮਣੇ 18 ਸਾਲਾ ਕੁੜੀ ਨਾਲ Gangrape, ਵੀਡਿਓ ਕੀਤਾ ਵਾਇਰਲ

  Crime

• 

  UP ‘ਚ ਦਰਿੰਦਗੀ, ਬੱਚੇ ਦੀਆਂ ਅੱਖਾਂ ਕੱਢੀਆਂ, ਗੁਪਤ ਅੰਗ ਕੱਟਿਆ, ਚਿਹਰੇ, ਗਰਦਨ ‘ਤੇ ਚਾਕੂ ਨਾਲ ਕਈ ਵਾਰ

  Crime

• 

  ਰਾਤ ਨੂੰ ਪ੍ਰੇਮਿਕਾ ਫਲੈਟ 'ਤੇ ਆਈ... ਸਵੇਰੇ ਲਾਸ਼ ਮਿਲੀ; ਭਾਜਪਾ ਆਗੂ ਦੇ ਪੁੱਤਰ ਦੀ ਸ਼ੱਕੀ ਮੌਤ

  Crime