Punjab News: ਕੇਂਦਰੀ ਜਾਂਚ ਏਜੰਸੀ ਨੇ ਬਟਾਲਾ 'ਚ 5 ਥਾਵਾਂ 'ਤੇ ਛਾਪੇਮਾਰੀ, ਨਗਰ ਨਿਗਮ ਦੇ ਮੇਅਰ ਸਮੇਤ ਸ਼ਰਾਬ ਕਾਰੋਬਾਰੀ ਜਾਂਚ ਦੇ ਘੇਰੇ 'ਚ

ਪੰਜਾਬ ਦੇ ਬਟਾਲਾ ਵਿੱਚ ਕੇਂਦਰੀ ਜਾਂਚ ਏਜੰਸੀ ਨੇ ਅੱਜ ਸਵੇਰੇ ਕਰੀਬ 5 ਵਜੇ ਨਗਰ ਨਿਗਮ ਦੇ ਮੇਅਰ ਸੁਖਦੀਪ ਤੇਜਾ, ਸ਼ਰਾਬ ਕਾਰੋਬਾਰੀ ਰਜਿੰਦਰ ਕੁਮਾਰ ਪੱਪੂ ਅਤੇ ਉਨ੍ਹਾਂ ਦੇ ਮੈਨੇਜਰ ਗੁਰਪ੍ਰੀਤ ਸਿੰਘ ਸੁਧੀਰ ਚੰਦਾ ਬੇਅੰਤ ਖੁੱਲਰ ਦੇ ਘਰ ਛਾਪਾ ਮਾਰਿਆ। ਛਾਪੇਮਾਰੀ ਅਜੇ ਵੀ ਜਾਰੀ ਹੈ। ਜਾਣਕਾਰੀ ਅਨੁਸਾਰ ਸਾਰੇ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਸਾਥੀ ਹਨ। ਅਰਧ ਸੈਨਿਕ ਬਲ ਦੇ ਨਾਲ ਕਰੀਬ 50 ਲੋਕਾਂ ਦੀਆਂ ਪੰਜ ਟੀਮਾਂ ਹਨ।

ਪੰਜਾਬ ਨਿਊਜ। ਕੇਂਦਰੀ ਜਾਂਚ ਏਜੰਸੀ ਨੇ ਬਟਾਲਾ ਨਗਰ ਨਿਗਮ ਦੇ ਮੇਅਰ ਸੁਖਦੀਪ ਤੇਜਾ, ਸ਼ਰਾਬ ਕਾਰੋਬਾਰੀ ਰਜਿੰਦਰ ਕੁਮਾਰ ਪੱਪੂ, ਉਨ੍ਹਾਂ ਦੇ ਮੈਨੇਜਰ ਗੁਰਪ੍ਰੀਤ ਸਿੰਘ, ਸੁਧੀਰ ਚੰਦਾ, ਬੇਅੰਤ ਖੁੱਲਰ ਦੇ ਘਰਾਂ 'ਤੇ ਸਵੇਰੇ 5.30 ਵਜੇ ਤੋਂ ਛਾਪੇਮਾਰੀ ਕੀਤੀ ਹੈ। ਜਾਣਕਾਰੀ ਅਨੁਸਾਰ ਸਾਰੇ ਸੁਖਜਿੰਦਰ ਸਿੰਘ ਰੰਧਾਵਾ ਦੇ ਸਾਥੀ ਹਨ। ਰੰਧਾਵਾ ਅਤੇ ਤ੍ਰਿਪਤ ਬਾਜਵਾ ਬਟਾਲਾ ਦੇ ਮੇਅਰ ਦੇ ਘਰ ਪਹੁੰਚ ਸਕਦੇ ਹਨ।

ਇੱਕੋ ਵਾਰੀ ਤਲਾਸ਼ੀ ਕੀਤੀ ਸ਼ੁਰੂ 

ਕੇਂਦਰੀ ਜਾਂਚ ਏਜੰਸੀ ਨੇ ਸਵੇਰੇ ਸਾਢੇ ਪੰਜ ਵਜੇ ਇੱਕੋ ਸਮੇਂ ਸਾਰੇ ਪੰਜ ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਅਤੇ ਸਾਰਿਆਂ ਨੂੰ ਘਰਾਂ 'ਚ ਇਕੱਠੇ ਬਿਠਾ ਕੇ ਤਲਾਸ਼ੀ ਸ਼ੁਰੂ ਕਰ ਦਿੱਤੀ | ਛਾਪੇਮਾਰੀ ਅਜੇ ਵੀ ਜਾਰੀ ਹੈ। ਦੱਸ ਦਈਏ ਕਿ ਸ਼ੁੱਕਰਵਾਰ ਨੂੰ ਹੀ ਬਟਾਲਾ ਪਹੁੰਚੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਸਟੇਜ ਤੋਂ ਦੱਸਿਆ ਸੀ ਕਿ ਬਟਾਲਾ ਦੇ ਡੇਰੇ ਇਲਾਕੇ 'ਚ ਕਾਂਗਰਸੀ ਸ਼ਰਾਬ ਵੰਡ ਰਹੇ ਹਨ।