Last Updated :
11 April 2024, 05:57 PM IST
iPhone Spyware Alert: Apple iPhone ਉਪਭੋਗਤਾਵਾਂ 'ਤੇ ਖ਼ਤਰੇ ਦੇ ਬੱਦਲ ਮੰਡਰਾ ਰਹੇ ਹਨ। ਦਰਅਸਲ, ਕੰਪਨੀ ਨੇ ਭਾਰਤ ਸਮੇਤ 91 ਦੇਸ਼ਾਂ ਦੇ ਉਪਭੋਗਤਾਵਾਂ ਨੂੰ ਇੱਕ ਨੋਟੀਫਿਕੇਸ਼ਨ ਭੇਜਿਆ ਹੈ ਜਿਸ ਵਿੱਚ ਸਪਾਈਵੇਅਰ ਹਮਲੇ ਬਾਰੇ ਦੱਸਿਆ ਗਿਆ ਹੈ। ਇਸ ਨੋਟੀਫਿਕੇਸ਼ਨ ਵਿੱਚ ਕਿਹਾ ਗਿਆ ਹੈ ਕਿ ਇਹ ਵਾਇਰਸ ਐਨਐਸਓ ਗਰੁੱਪ ਦੇ ਪੈਗਾਸਸ ਜਿੰਨਾ ਖਤਰਨਾਕ ਹੋ ਸਕਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਕੰਪਨੀ ਇਹ ਅਲਰਟ ਉਦੋਂ ਭੇਜਦੀ ਹੈ ਜਦੋਂ ਪਤਾ ਲੱਗਦਾ ਹੈ ਕਿ ਕੋਈ ਉਸ ਦੇ ਡਿਵਾਈਸ 'ਚ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
ਕੰਪਨੀ ਦਾ ਕਹਿਣਾ ਹੈ, "ਅੱਜ ਦੀ ਸੂਚਨਾ 92 ਦੇਸ਼ਾਂ ਵਿੱਚ ਟਾਰਗੇਟਡ ਯੂਜ਼ਰਸ ਨੂੰ ਭੇਜੀ ਜਾ ਰਹੀ ਹੈ ਅਤੇ ਅੱਜ ਤੱਕ ਅਸੀਂ ਕੁੱਲ ਮਿਲਾ ਕੇ 150 ਤੋਂ ਵੱਧ ਦੇਸ਼ਾਂ ਵਿੱਚ ਯੂਜ਼ਰਸ ਨੂੰ ਨੋਟੀਫਿਕੇਸ਼ਨ ਭੇਜ ਚੁੱਕੇ ਹਾਂ।" ਇਸ 'ਚ ਭਾਰਤ 'ਚ ਆਈਫੋਨ ਯੂਜ਼ਰਸ ਵੀ ਸ਼ਾਮਲ ਹਨ।ਕੰਪਨੀ ਨੇ ਆਪਣੇ ਸਪੋਰਟ ਪੇਜ 'ਤੇ ਕਿਹਾ ਹੈ, ''ਐਪਲ ਯੂਜ਼ਰਸ ਦੇ ਐਪਲ ਆਈਡੀ ਨਾਲ ਜੁੜੇ ਈਮੇਲ ਪਤੇ ਅਤੇ ਫੋਨ ਨੰਬਰਾਂ 'ਤੇ ਮੇਲ ਅਤੇ iMessage ਨੋਟੀਫਿਕੇਸ਼ਨ ਭੇਜ ਰਹੀ ਹੈ।'' ਹਾਲਾਂਕਿ ਇਹ ਅਜੇ ਸਪੱਸ਼ਟ ਨਹੀਂ ਹੈ। ਭਾਰਤ ਵਿੱਚ ਕਿੰਨੇ ਉਪਭੋਗਤਾ ਹਨ ਅਤੇ ਕਿਹੜੇ ਉਪਭੋਗਤਾਵਾਂ ਨੂੰ ਇਹ ਸੂਚਨਾ ਭੇਜੀ ਗਈ ਹੈ।
ਹੋ ਰਿਹਾ ਸਪਾਈਵੇਅਰ ਅਟੈਕ
ਫੋਨ ਉਪਭੋਗਤਾਵਾਂ ਨੂੰ ਭੇਜੀ ਜਾ ਰਹੀ ਨੋਟੀਫਿਕੇਸ਼ਨ ਵਿੱਚ ਲਿਖਿਆ ਹੈ, “ਐਪਲ ਨੂੰ ਪਤਾ ਲੱਗਾ ਹੈ ਕਿ ਉਪਭੋਗਤਾ ਦੀ ਐਪਲ ਆਈਡੀ ਨਾਲ ਜੁੜੇ ਆਈਫੋਨ 'ਤੇ ਸਪਾਈਵੇਅਰ ਅਟੈਕ ਹੋ ਰਿਹਾ ਹੈ। "ਇਸਦੇ ਨਾਲ, ਉਪਭੋਗਤਾਵਾਂ ਦੇ ਡਿਵਾਈਸਾਂ ਦਾ ਰਿਮੋਟ ਕੰਟਰੋਲ ਹੈਕਰਾਂ ਕੋਲ ਜਾਂਦਾ ਹੈ।" ਐਪਲ ਨੇ ਫਿਲਹਾਲ ਇਹ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ ਕਿ ਇਹ ਹਮਲਾ ਕਿੱਥੋਂ ਹੋਇਆ।
iPhone ਯੂਜਰਸ ਤੋਂ ਕਿਵੇਂ ਬਚ ਸਕਦੇ ਹਾਂ
ਆਈਫੋਨ ਉਪਭੋਗਤਾਵਾਂ ਨੂੰ ਈਮੇਲ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਇਸ ਸਮੱਸਿਆ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ। ਇਸਦੇ ਲਈ, ਕੰਪਨੀ ਨੇ ਸਲਾਹ ਦਿੱਤੀ ਹੈ ਕਿ ਉਪਭੋਗਤਾਵਾਂ ਨੂੰ ਤੁਰੰਤ ਲਾਕਡਾਊਨ ਮੋਡ ਨੂੰ ਚਾਲੂ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ ਡਿਵਾਈਸ ਨੂੰ ਲੇਟੈਸਟ iOS 17.4.1 ਵਰਜ਼ਨ 'ਤੇ ਅਪਡੇਟ ਕਰਨਾ ਹੋਵੇਗਾ। ਅਜਿਹੇ ਸੰਦੇਸ਼ਾਂ ਨੂੰ ਵੀ ਨਜ਼ਰਅੰਦਾਜ਼ ਕਰੋ ਜਿਨ੍ਹਾਂ ਵਿੱਚ ਲਿੰਕ ਹਨ। ਕਿਉਂਕਿ ਜੇਕਰ ਤੁਸੀਂ ਗਲਤੀ ਨਾਲ ਵੀ ਅਜਿਹੇ ਲਿੰਕ 'ਤੇ ਕਲਿੱਕ ਕਰਦੇ ਹੋ ਤਾਂ ਤੁਹਾਡੀ ਜਾਣਕਾਰੀ ਹੈਕਰਾਂ ਤੱਕ ਪਹੁੰਚ ਸਕਦੀ ਹੈ।
