ਵਟਸਐਪ: ਹੁਣ ਤੁਸੀਂ ਭੇਜੇ ਗਏ ਮੈਸੇਜ ਨੂੰ ਐਡਿਟ ਕਰ ਸਕੋਂਗੇ

ਵਟਸਐਪ ਨੇ ਆਖਰਕਾਰ ਇੱਕ ਨਵੇਂ ਐਡਿਟ ਬਟਨ ਦੀ ਵਿਸੇਸ਼ਤਾ ਨੂੰ ਲਾਂਚ ਕੀਤਾ ਹੈ। ਪਲੇਟਫਾਰਮ ਨੇ ਹਾਲ ਹੀ ਵਿੱਚ ਤੁਹਾਨੂੰ ਕੁਝ ਨਿੱਜੀ ਚੈਟਾਂ ਨੂੰ ਲਾਕ ਕਰਨ ਵਾਲਾ ਇੱਕ ਵਿਕਲਪ ਸ਼ਾਮਲ ਕੀਤਾ ਹੈ ਅਤੇ ਇਸਨੇ ਹੁਣ ਮੈਸੇਜਿੰਗ ਐਪ ‘ਤੇ ਇੱਕ ਹੋਰ ਵੱਡਾ ਅਪਡੇਟ ਲਿਆਂਦਾ ਹੈ। ਵਟਸਐਪ ਉਪਭੋਗਤਾਵਾਂ ਨੂੰ ਗਲਤ ਮੈਸੇਜਾਂ ਵਿੱਚ ਕੋਈ ਬਦਲਾਅ ਕਰਨ ਲਈ 15-ਮਿੰਟ ਤੱਕ […]

ਵਟਸਐਪ ਨੇ ਆਖਰਕਾਰ ਇੱਕ ਨਵੇਂ ਐਡਿਟ ਬਟਨ ਦੀ ਵਿਸੇਸ਼ਤਾ ਨੂੰ ਲਾਂਚ ਕੀਤਾ ਹੈ। ਪਲੇਟਫਾਰਮ ਨੇ ਹਾਲ ਹੀ ਵਿੱਚ ਤੁਹਾਨੂੰ ਕੁਝ ਨਿੱਜੀ ਚੈਟਾਂ ਨੂੰ ਲਾਕ ਕਰਨ ਵਾਲਾ ਇੱਕ ਵਿਕਲਪ ਸ਼ਾਮਲ ਕੀਤਾ ਹੈ ਅਤੇ ਇਸਨੇ ਹੁਣ ਮੈਸੇਜਿੰਗ ਐਪ ‘ਤੇ ਇੱਕ ਹੋਰ ਵੱਡਾ ਅਪਡੇਟ ਲਿਆਂਦਾ ਹੈ। ਵਟਸਐਪ ਉਪਭੋਗਤਾਵਾਂ ਨੂੰ ਗਲਤ ਮੈਸੇਜਾਂ ਵਿੱਚ ਕੋਈ ਬਦਲਾਅ ਕਰਨ ਲਈ 15-ਮਿੰਟ ਤੱਕ ਦੀ ਵਿੰਡੋ ਦੇਵੇਗਾ ਜੋ ਯੂਜਰਾਂ ਨੂੰ ਕਿਸੇ ਵੀ ਭੇਜੇ ਗਏ ਮੈਸੇਜ ਨੂੰ ਐਡਿਟ ਕਰਨ ਦੀ ਯੋਗਤਾ ਪ੍ਰਦਾਨ ਕਰਦਾ ਹੈ। ਇਹ ਇੱਕ ਬਹੁਤ ਹੀ ਲਾਭਦਾਇਕ ਵਿਸ਼ੇਸ਼ਤਾ ਹੈ ਕਿਉਂਕਿ ਹੁਣ ਕਿਸੇ ਨੂੰ ਵੀ ਪੂਰੇ ਮੈਸੇਜਾਂ ਨੂੰ ਮਿਟਾਉਣ ਦੀ ਲੋੜ ਨਹੀਂ ਹੋਵੇਗੀ ਕਿਉਂਕਿ ਐਡਿਟ ਬਟਨ ਤੁਹਾਨੂੰ ਉਹਨਾਂ ਵਾਕਾਂ ਜਾਂ ਸ਼ਬਦਾਂ ਨੂੰ ਠੀਕ ਕਰਨ ਦੇਵੇਗਾ ਜੋ ਤੁਸੀਂ ਸੋਚਦੇ ਹੋ ਕਿ ਪਹਿਲਾਂ ਸਹੀ ਨਹੀਂ ਲਿਖੇ ਗਏ।

ਕੰਪਨੀ ਨੇ ਇੱਕ ਬਲਾਗ ਪੋਸਟ ਵਿੱਚ ਕਿਹਾ ਕਿ ਅਸੀਂ ਉਤਸ਼ਾਹਿਤ ਹਾਂ ਕਿ ਹੁਣ ਤੁਹਾਡੇ ਕੋਲ ਆਪਣੀਆਂ ਚੈਟਾਂ ‘ਤੇ ਵਧੇਰੇ ਨਿਯੰਤਰਣ ਹੋਵੇਗਾ, ਜਿਵੇਂ ਕਿ ਗਲਤ ਸ਼ਬਦ-ਜੋੜਾਂ ਨੂੰ ਠੀਕ ਕਰਨਾ ਜਾਂ ਮੈਸੇਜ ਵਿੱਚ ਹੋਰ ਸੰਦਰਭ ਜੋੜਨਾ। ਇਸ ਦੇ ਲਈ ਮੈਸੇਜ ਭੇਜਣ ਦੇ 15 ਮਿੰਟ ਦੇ ਅੰਦਰ-ਅੰਦਰ ਤੁਹਾਨੂੰ ਉਸ ਮੈਸੇਜ ਨੂੰ ਕੁਝ ਦੇਰ ਲਈ ਟੈਪ ਕਰਨਾ ਹੋਵੇਗਾ ਅਤੇ ਫਿਰ ਮੀਨੂ ਤੋਂ ‘ਐਡਿਟ ਦਾ ਵਿਕਲਪ ਚੁਣਨਾ ਹੋਵੇਗਾ।

ਵਟਸਐਪ ਦਾ ਨਵੀਂ ਵਿਸੇਸ਼ਤਾ ਲੋਕਾਂ ਨੂੰ ਗਲਤ ਮੈਸੇਜਾਂ ਦੀ ਪਰੇਸ਼ਾਨੀ ਤੋਂ ਬਚਾਏਗਾ। 15-ਮਿੰਟ ਦੀ ਸਮਾਂ ਸੀਮਾ ਬਹੁਤ ਛੋਟੀ ਨਹੀਂ ਹੈ ਅਤੇ ਬਹੁਤਿਆਂ ਲਈ ਕਾਫੀ ਹੋਣੀ ਚਾਹੀਦੀ ਹੈ। ਹਾਲਾਂਕਿ ਜੇਕਰ ਤੁਸੀਂ ਬਹੁਤ ਲੰਮਾ ਮੈਸੇਜ ਭੇਜਦੇ ਹੋ ਤਾਂ ਮੈਸੇਜ ਐਡਿਟ ਕਰਨ ਦੀ ਸਮਾਂ ਸੀਮਾ ਥੋੜੀ ਛੋਟੀ ਲੱਗ ਸਕਦੀ ਹੈ।

ਮੈਟਾ ਦੀ ਮਲਕੀਅਤ ਵਾਲੀ ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਉਸਨੇ ਯੂਜਰਾਂ ਲਈ ਨਵਾਂ ਅਪਡੇਟ ਲਿਆਉਣਾ ਸ਼ੁਰੂ ਕੀਤਾ ਹੈ, ਪਰ ਇਹ ਧਿਆਨ ਵਿੱਚ ਰੱਖੋ ਕਿ ਇਹ ਸਾਰੇ ਯੂਜਰਾਂ ਲਈ ਤੁਰੰਤ ਉਪਲਬਧ ਨਹੀਂ ਹੋਵੇਗਾ ਕਿਉਂਕਿ ਐਪ ਦੀ ਵਰਤੋਂ ਅਰਬਾਂ ਲੋਕਾਂ ਦੁਆਰਾ ਹੁੰਦੀ ਹੈ ਅਤੇ ਇਸ ਲਈ ਇਸ ਨੂੰ ਸਾਰਿਆਂ ਤੱਕ ਪਹੁੰਚਣ ਲਈ ਕੁਝ ਦਿਨ ਲੱਗ ਸਕਦੇ ਹਨ। ਇੱਥੇ ਤੁਸੀਂ ਵਟਸਐਪ ‘ਤੇ ਆਪਣੇ ਮੈਸੇਜ ਨੂੰ ਕਿਵੇਂ ਐਡਿਟ ਕਰਨਾ ਹੈ ਬਾਰੇ ਜਾਣ ਸਕਦੇ ਹੋਂ।

ਸਟੈਪ 1: ਵਟਸਐਪ ਐਪ ਖੋਲ੍ਹੋ ਅਤੇ ਕਿਸੇ ਵੀ ਚੈਟ ‘ਤੇ ਜਾਓ।

ਕਦਮ 2: ਤੁਹਾਡੇ ਦੁਆਰਾ ਗਲਤੀ ਨਾਲ ਭੇਜੇ ਗਏ ਮੈਸੇਜ ਨੂੰ ਦੇਰ ਤੱਕ ਦਬਾਓ।

ਸਟੈਪ 3: ਤੁਹਾਨੂੰ ਹੁਣ ਐਡਿਟ ਮੈਸੇਜ ਵਿਕਲਪ ਮਿਲੇਗਾ, ਜਿਸ ‘ਤੇ ਤੁਹਾਨੂੰ ਟੈਕਸਟ ਬਦਲਣ ਲਈ ਟੈਪ ਕਰਨ ਦੀ ਲੋੜ ਹੈ।

ਨੋਟ: ਯਾਦ ਰੱਖੋ ਕਿ ਮੈਸੇਜਿੰਗ ਪਲੇਟਫਾਰਮ ਤੁਹਾਨੂੰ ਤੁਹਾਡੇ ਮੈਸੇਜਾਂ ਨੂੰ ਐਡਿਟ ਕਰਨ ਲਈ ਸਿਰਫ 15-ਮਿੰਟ ਦਾ ਹੀ ਸਮਾਂ ਦੇਵੇਗਾ।  

• 

  ਵਜ਼ਨ ਘਟਾਉਣ ਦਾ ਨਵਾਂ ਟ੍ਰੈਂਡ Oatzempic: ਕੀ ਇਹ ਡ੍ਰਿੰਕ ਸੱਚਮੁੱਚ ਘਟਾਉਂਦੀ ਹੈ ਵਜ਼ਨ ਜਾਂ ਸਿਰਫ਼ ਸੋਸ਼ਲ ਮੀਡੀਆ ਹਾਈਪ?

  Technology

• 

  ਏਆਈ ਦੀ ਮਦਦ ਨਾਲ ਬਣੀ ਖਾਸ ਵੈਕਸੀਨ ਨੇ ਬਚਾਇਆ ਡੌਗੀ ਦਾ ਜੀਵਨ, ਟਿਊਮਰ ਅੱਧਾ ਰਹਿ ਗਿਆ

  Technology

• 

  ਗਰਮੀ ਵਿੱਚ ਏਸੀ ਨਾਲ ਪੱਖਾ ਚਲਾਉਣਾ ਠੀਕ ਜਾਂ ਗਲਤ ਜਾਣੋ ਬਿਜਲੀ ਬਚਾਉਣ ਦਾ ਅਸਲੀ ਤਰੀਕਾ

  Technology

• 

  ਮੈਟਾ ਦਾ ਵੱਡਾ ਫੈਸਲਾ ਇੰਸਟਾਗ੍ਰਾਮ ਦੀ ਐਂਡ ਟੂ ਐਂਡ ਐਨਕ੍ਰਿਪਟ ਚੈਟ ਬੰਦ ਹੋਵੇਗੀ ਹੁਣ

  Technology

• 

  ਇੰਸਟਾਗ੍ਰਾਮ ਅਚਾਨਕ ਠੱਪ, ਹਜ਼ਾਰਾਂ ਯੂਜ਼ਰ ਹੈਰਾਨ… ਡੀਐਮ ਬੰਦ ਹੋਏ ਤਾਂ ਉਠਿਆ ਇਰਾਨ ਵਾਲਾ ਸਵਾਲ ਕਿਉਂ

  Technology