Last Updated :
21 May 2023, 03:14 PM IST
ਅਦਾਕਾਰਾ ਸੁਸ਼ਮਿਤਾ ਸੇਨ ਨੇ ਐਤਵਾਰ ਨੂੰ ਆਪਣੀ ਮਿਸ ਯੂਨੀਵਰਸ ਦੀ ਜਿੱਤ ਦੇ 29 ਸਾਲ ਪੂਰੇ ਹੋਣ ’ਤੇ ਜਸ਼ਨ ਮਨਾਇਆ। 21 ਮਈ ਦਾ ਦਿਨ ਸੁਸ਼ਮਿਤਾ ਦੇ ਜੀਵਨ ਵਿੱਚ ਇੱਕ ਖਾਸ ਮਹੱਤਵ ਰੱਖਦਾ ਹੈ ਕਿਉਂਕਿ ਉਸ ਨੇ 29 ਸਾਲ ਪਹਿਲਾਂ ਇਸੇ ਤਾਰੀਖ ਨੂੰ ਮਿਸ ਯੂਨੀਵਰਸ ਦਾ ਤਾਜ ਪਹਿਨਿਆ ਸੀ।
ਐਤਵਾਰ ਸਵੇਰੇ ਸੁਸ਼ਮਿਤਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਇੱਕ ਪੁਰਾਣੀ ਤਸਵੀਰ ਸਾਂਝੀ ਕੀਤੀ ਅਤੇ ਇਸ ਖਾਸ ਮੌਕੇ ‘ਤੇ ਭਾਵਪੂਰਨ ਨੋਟ ਵੀ ਲਿਖਿਆ।
‘ਆਰੀਆ’ ਅਭਿਨੇਤਰੀ ਨੇ ਕਿਹਾ ਕਿ ਭਾਰਤ ਲਈ ਜਿੱਤਣਾ ਸਨਮਾਨ ਦੀ ਗੱਲ ਸੀ ਅਤੇ ਇਹ ਅੱਜ ਵੀ ਖੁਸ਼ੀ ਦੇ ਹੰਝੂ ਲਿਆਉਂਦਾ ਹੈ। ਇਸ ਮੌਕੇ ਉਸਨੇ ਮਿਸ ਯੂਨੀਵਰਸ ਦੀ ਜਿੱਤ ਦੇ 29 ਸਾਲ ਪੂਰੇ ਹੋਣ ਦਾ ਜਸ਼ਨ ਮਨਾਇਆ।
ਉਸਨੇ ਲਿਖਿਆ ਕਿ ਇਹ ਤਸਵੀਰ ਬਿਲਕੁਲ 29 ਸਾਲ ਪੁਰਾਣੀ ਹੈ, ਜਿਸਨੂੰ ਮਹਾਂਨ ਵਿਅਕਤੀ ਅਤੇ ਫੋਟੋਗ੍ਰਾਫਰ ਪ੍ਰਬੁੱਧਦਾਸਗੁਪਤਾ ਦੁਆਰਾ ਸ਼ੂਟ ਕੀਤਾ ਗਿਆ। ਇਸ ਤਸਵੀਰ ਵਿੱਚ ਉਸਨੇ ਇੱਕ 18 ਸਾਲ ਉਮਰ ਦੀ, ਭਾਵ ਮੈਨੂੰ ਮੁਸਕਰਾਉਂਦੇ ਹੋਏ ਵਧੀਆ ਤਰੀਕੇ ਨਾਲ ਤਸਵੀਰ ਵਿੱਚ ਲਿਆ… ਕੀ ਤੁਸੀਂ ਮਹਿਸੂਸ ਕੀਤਾ ਕਿ ਤੁਸੀਂ ਪਹਿਲੇ ਮਿਸ ਯੂਨੀਵਰਸ ਹੋ ਜਿਸ ਦੀਆਂ ਮੈਂ ਤਸਵੀਰਾਂ ਲਈਆਂ…ਮੈਂ ਮਾਣ ਨਾਲ ਕਿਹਾ, ਇਹ ਅਸਲ ਵਿੱਚ ਭਾਰਤ ਦੀ ਪਹਿਲੀ ਮਿਸ ਯੂਨੀਵਰਸ ਹੈ।
ਪੁਰਾਣੀ ਯਾਦ ਨੂੰ ਤਾਜਾ ਕਰਦੇ ਹੋਏ, ਸੁਸ਼ਮਿਤਾ ਨੇ ਅੱਗੇ ਕਿਹਾ ਕਿ ਮੇਰਾ ਮਾਤ ਭੂਮੀ ਦੀ ਨੁਮਾਇੰਦਗੀ ਕਰਨਾ ਅਤੇ ਜਿੱਤਣ ਬਹੁਤ ਅਹਿਮ ਅਤੇ ਸਨਮਾਨਜਨਕ ਸੀ, ਇਹ ਅੱਜ ਵੀ ਮੇਰੇ ਲਈ ਖੁਸ਼ੀ ਦੇ ਹੰਝੂ ਲਿਆਉਂਦਾ ਹੈ…29 ਸਾਲਾਂ ਬਾਅਦ ਅੱਜ ਵੀ ਮੈਂ ਜਸ਼ਨ ਮਨਾਉਂਦੀ ਹਾਂ। ਇਸ ਦਿਨ ਨੂੰ ਬੜੇ ਮਾਣ ਨਾਲ ਯਾਦ ਰੱਖੋ ਕਿਉਂਕਿ ਇਤਿਹਾਸ ਗਵਾਹ ਹੈ ਕਿ ਭਾਰਤ ਨੇ ਮਨੀਲਾ, ਫਿਲੀਪੀਨਜ਼ ਵਿੱਚ 21 ਮਈ 1994 ਨੂੰ ਪਹਿਲੀ ਵਾਰ ਮਿਸ ਯੂਨੀਵਰਸ ਜਿੱਤੀ ਸੀ। ਤੁਹਾਡਾ ਸਭ ਦਾ ਧੰਨਵਾਦ ਅਤੇ ਸਭ ਨੂੰ ਬਹੁਤ ਬਹੁਤ ਪਿਆਰ, ਸ਼ੁਭ ਕਾਮਨਾਵਾਂ ਅਤੇ ਸਭ ਤੋਂ ਖੂਬਸੂਰਤ ਸੰਦੇਸ਼… ਹਮੇਸ਼ਾ ਹਸਦੇ ਵਸਦੇ ਰਹੋ! ਤੁਹਾਨੂੰ ਸਭ ਨੂੰ ਮੇਰੇ ਵਲੋਂ ਬਹੁਤ ਸਾਰਾ ਪਿਆਰ!
ਸੁੰਦਰਤਾ ਦੀ ਰਾਣੀ ਤੋਂ ਅਭਿਨੇਤਰੀ ਬਣੀ ਸੁਸ਼ਮਿਤਾ ਨੇ ਦੁਨੀਆ ਭਰ ਦੇ 77 ਦੇਸ਼ਾਂ ਦੇ ਪ੍ਰਤੀਯੋਗੀਆਂ ਨਾਲ ਮੁਕਾਬਲਾ ਕੀਤਾ ਅਤੇ 1994 ਵਿੱਚ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤਣ ਵਾਲੀ ਪਹਿਲੀ ਭਾਰਤੀ ਮਹਿਲਾ ਬਣੀ। ਉਸੇ ਸਾਲ ਐਸ਼ਵਰਿਆ ਰਾਏ ਬੱਚਨ ਨੇ ਵੀ ਮਿਸ ਵਰਲਡ ਦਾ ਤਾਜ ਜਿੱਤਿਆ ਸੀ। ਸੁਸ਼ਮਿਤਾ ਦੀਆਂ ਦੋ ਧੀਆਂ ਵੀ ਹਨ।
ਵਰਕ ਫਰੰਟ ‘ਤੇ, ਸੁਸ਼ਮਿਤਾ ਅਗਲੀ ਵਾਰ ‘ਆਰਿਆ’ ਸੀਜ਼ਨ 3 ਵਿੱਚ ਦਿਖਾਈ ਦੇਵੇਗੀ ਜੋ ਡਿਜ਼ਨੀ + ਹੌਟਸਟਾਰ ‘ਤੇ ਸਟ੍ਰੀਮ ਕਰੇਗੀ।
ਇਸ ਤੋਂ ਇਲਾਵਾ ਉਸ ਕੋਲ ‘ਤਾਲੀ’ ਵੀ ਹੈ ਜੋ ਗੌਰੀ ਸਾਵੰਤ ਦੀ ਜ਼ਿੰਦਗੀ ‘ਤੇ ਆਧਾਰਿਤ ਹੈ।
