Last Updated :
16 April 2023, 04:50 PM IST
ਚੀਨ ਨੇ ਐਤਵਾਰ ਨੂੰ ਇੱਕ ਮੌਸਮੀ ਉਪਗ੍ਰਹਿ ਲਾਂਚ ਕੀਤਾ ਜਿਸ ਨੂੰ ਧਿਆਨ ਵਿੱਚ ਰਖਦੇ ਹੋਏ ਨਾਗਰਿਕ ਉਡਾਣਾਂ ਨੇ ਤਾਈਵਾਨ ਦੇ ਉੱਤਰ ਵਿੱਚ ਚੀਨ ਦੁਆਰਾ ਘੋਸ਼ਿਤ ਕੀਤੇ ਗਏ ਨੋ ਫਲਾਈ ਜ਼ੋਨ ਤੋਂ ਬਚਣ ਲਈ ਆਪਣੇ ਰੂਟ ਬਦਲ ਦਿੱਤੇ, ਅਜਿਹਾ ਬੀਜਿੰਗ ਦੁਆਰਾ ਰਾਕੇਟ ਦੇ ਮਲਬੇ ਦੇ ਡਿੱਗਣ ਦੀ ਸੰਭਾਵਨਾ ਵਜੋਂ ਕੀਤਾ।
ਤਾਈਵਾਨ ਦੇ ਟਰਾਂਸਪੋਰਟ ਮੰਤਰਾਲੇ ਨੇ ਕਿਹਾ ਕਿ ਬੀਜਿੰਗ ਨੇ ਸ਼ੁਰੂ ਵਿੱਚ ਤਾਈਪੇ ਨੂੰ ਸੂਚਿਤ ਕੀਤਾ ਸੀ ਕਿ ਉਹ ਐਤਵਾਰ ਤੋਂ ਮੰਗਲਵਾਰ ਤੱਕ ਨੋ-ਫਲਾਈ ਜ਼ੋਨ ਲਗਾਏਗਾ ਪਰ ਬਾਅਦ ਵਿੱਚ ਕਿਹਾ ਕਿ ਤਾਈਵਾਨ ਦੇ ਵਿਰੋਧ ਤੋਂ ਬਾਅਦ ਐਤਵਾਰ ਸਵੇਰ ਨੂੰ ਇਸ ਮਿਆਦ ਨੂੰ ਘਟਾ ਕੇ 27 ਮਿੰਟ ਕਰ ਦਿੱਤਾ ਗਿਆ ਸੀ।
ਚੀਨ-ਤਾਈਵਾਨ ਟਕਰਾਅ: ਚੀਨ ਦੁਆਰਾ ਤਾਈਵਾਨ ਦੇ ਆਲੇ ਦੁਆਲੇ ਨਵੀਆਂ ਜੰਗੀ ਤਿਆਰੀਆਂ ਦੇ ਆਯੋਜਨ ਕਰਨ ਤੋਂ ਥੋੜ੍ਹੀ ਦੇਰ ਬਾਅਦ ਨੋ-ਫਲਾਈ ਜ਼ੋਨ ਦੀ ਘੋਸ਼ਣਾ ਨੇ ਸਥਾਨਿਕ ਵਾਸੀਆਂ ਨੂੰ ਝੰਜੋੜ ਕੇ ਰੱਖ ਦਿੱਤਾ। ਅਸਲ ਵਿੱਚ ਬੀਜਿੰਗ ਇਸ ਖੇਤਰ ਨੂੰ ਆਪਣੀ ਚੀਨੀ ਪ੍ਰਭੂਸੱਤਾ ਦੇ ਖੇਤਰ ਵਜੋਂ ਮੰਨਦਾ ਹੈ। ਆਪਣੇ ਸਪੇਸ ਪ੍ਰੋਗਰਾਮ ਲਈ ਚੀਨ ਦੇ ਮੁੱਖ ਠੇਕੇਦਾਰ, ਚਾਈਨਾ ਏਰੋਸਪੇਸ ਸਾਇੰਸ ਐਂਡ ਟੈਕਨਾਲੋਜੀ ਕਾਰਪੋਰੇਸ਼ਨ ਨੇ ਕਿਹਾ ਕਿ ਮੌਸਮ ਉਪਗ੍ਰਹਿ ਫੇਂਗਯੁਨ 3ਜੀ ਨੇ ਉੱਤਰ-ਪੱਛਮੀ ਸੂਬੇ ਗਾਂਸੂ ਤੋਂ ਸਵੇਰੇ 9:36 ਵਜੇ ਤੋਂ (0136 GMT) ਸਫਲਤਾਪੂਰਵਕ ਲਾਂਚ ਕੀਤਾ ਸੀ। ਇਸ ਦੌਰਾਨ ਇਹ ਨਹੀਂ ਦੱਸਿਆ ਗਿਆ ਕਿ ਇਸ ਨੂੰ ਲੈ ਕੇ ਜਾਣ ਵਾਲੇ ਰਾਕੇਟ ਦੀ ਉਡਾਣ ਦਾ ਮਾਰਗ (ਪੱਥ) ਕੀ ਸੀ, ਪਰ ਸਮਾਂ ਨੋ-ਫਲਾਈ ਜ਼ੋਨ ਬਾਰੇ ਕੀਤੀ ਚੀਨ ਦੀ ਪਹਿਲੀ ਘੋਸ਼ਣਾ ਨਾਲ ਮੇਲ ਖਾਂਦਾ ਸੀ।
ਚੀਨ ਨੇ ਕਿਹਾ ਹੈ ਕਿ ਇਸਨੂੰ ਨੋ-ਫਲਾਈ ਜ਼ੋਨ ਕਹਿਣਾ ਗਲਤ ਹੈ, ਹਾਲਾਂਕਿ ਤਾਈਵਾਨ ਨੇ ਏਅਰਮੈਨ ਜਾਂ ਨੋਟਮ ਨੂੰ ਇੱਕ ਨੋਟਿਸ ਜਾਰੀ ਕੀਤਾ ਹੈ, ਜੋ ‘ਏਰੋਸਪੇਸ ਫਲਾਈਟ ਗਤੀਵਿਧੀ ਕਾਰਨ ਏਅਰਸਪੇਸ ਬਲੌਕ’ ਕਰਨ ਦੀ ਸਮਰੱਥਾ ਰੱਖਦਾ ਹੈ।
ਫਲਾਈਟਟਰੇਡਰ24 ‘ਤੇ ਪਤਾ ਕੀਤੇ ਗਏ ਰੂਟਾਂ ਅਨੁਸਾਰ, ਐਤਵਾਰ ਦੀ ਸਵੇਰ ਨੂੰ ਜ਼ੋਨ ਦੇ ਆਲੇ-ਦੁਆਲੇ ਤੋ ਜਾਣ ਵਾਲੀਆਂ ਉਡਾਣਾ ਵਿੱਚੋਂ ਤਾਈਵਾਨ ਅਤੇ ਚੀਨ, ਤਾਈਵਾਨ ਅਤੇ ਦੱਖਣੀ ਕੋਰੀਆ ਅਤੇ ਤਾਈਵਾਨ ਤੋਂ ਜਾਪਾਨ ਲਈ ਉਡਾਣਾਂ ਸਨ। ਇਹ ਜ਼ੋਨ ਤਾਈਵਾਨ ਦੇ ਥੋੜ੍ਹਾ ਉੱਤਰ-ਪੂਰਬ ਵੱਲ ਪੂਰਬੀ ਚੀਨ ਸਾਗਰ ਦੇ ਇੱਕ ਖੇਤਰ ਵਿੱਚ ਹੈ ਜਿੱਥੇ ਨਿਯਮਤ ਤੌਰ ‘ਤੇ ਬਹੁਤ ਸਾਰੀਆਂ ਨਾਗਰਿਕ ਉਡਾਣਾਂ ਦੀ ਆਵਾਜਾਈ ਰਹਿੰਦੀ ਹੈ। ਤਾਈਵਾਨ ਨੇ ਕਿਹਾ ਹੈ ਕਿ ਉਸਨੂੰ ਲਗਭਗ 33 ਉਡਾਣਾਂ ਪ੍ਰਭਾਵਿਤ ਹੋਣ ਦੀ ਉਮੀਦ ਹੈ ਅਤੇ ਸ਼ਿਪਿੰਗ ਨੂੰ ਇੱਥੋਂ ਦੂਰ ਰਹਿਣ ਦੀ ਚੇਤਾਵਨੀ ਦਿੱਤੀ ਗਈ ਹੈ।
ਚੀਨ ਨੇ ਆਪਣੀਆਂ ਚੀਨੀ ਪੁਲਾੜ ਗਤੀਵਿਧੀਆਂ ਅਤੇ ਤਾਈਵਾਨ ਦੇ ਰਸਤੇ ਦੇ ਪਾਰ ਟਕਰਾਅ ਨੂੰ ਵਧਾਉਣ ਦੀ ਕੋਸ਼ਿਸ਼ ਦੇ ਮੱਦੇਨਜ਼ਰ ਕੀਤੇ ਜਾ ਰਹੇ ਪ੍ਰਚਾਰ ਦੀ ਨਿੰਦਾ ਕੀਤੀ ਹੈ।
