Last Updated :
07 August 2023, 01:27 PM IST
ਦੇਸ਼ 15 ਅਗਸਤ ਨੂੰ ਆਪਣਾ 77ਵਾਂ ਸੁਤੰਤਰਤਾ ਦਿਵਸ ਮਨਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਦਿਨ 76 ਸਾਲ ਪਹਿਲਾਂ ਬ੍ਰਿਟਿਸ਼ ਰਾਜ ਤੋਂ ਦੇਸ਼ ਦੀ ਆਜ਼ਾਦੀ ਨੂੰ ਦਰਸਾਉਂਦਾ ਹੈ। ਇਹ ਦਿਨ ਸਾਡੇ ਆਜ਼ਾਦੀ ਘੁਲਾਟੀਆਂ, ਸਾਡੇ ਦੇਸ਼ ਦੇ ਇਤਿਹਾਸ, ਇਸ ਦੇ ਸੱਭਿਆਚਾਰ ਅਤੇ ਦੇਸ਼ ਦੀਆਂ ਪ੍ਰਾਪਤੀਆਂ ਦਾ ਸਨਮਾਨ ਪ੍ਰਗਟਾਉਂਦਾ ਹੈ। ਜੇਕਰ ਤੁਸੀਂ ਵੀ ਆਪਣੇ ਪਰਿਵਾਰ ਨਾਲ ਸੁਤੰਤਰਤਾ ਦਿਵਸ ਮਨਾਉਣ ਦੀ ਯੋਜਨਾ ਬਣਾਉਂਦੇ ਹੋ ਤਾਂ ਸਾਡੇ ਕੋਲ ਕੁਝ ਵਿਲੱਖਣ ਵਿਚਾਰ ਹਨ ਜੋ ਨਿਮਨਲਿਖਿਤ ਹਨ।
ਇਸ ਦਿਨ ਤੁਸੀਂ ਪਰਿਵਾਰ ਨਾਲ ਇਕੱਠੇ ਖਾਣਾ ਬਣਾਉਂਦੇ ਹੋਏ ਤਿਰੰਗੇ ਦੀ ਥੀਮ ਦਿੰਦੇ ਹੋਏ ਉਹ ਚੀਜ਼ਾਂ ਚੁਣੋ ਜੋ ਤੁਹਾਡੇ ਪਰਿਵਾਰ ਦੇ ਮੈਂਬਰ ਖਾਣ ਦਾ ਆਨੰਦ ਲੈਂਦੇ ਹਨ ਅਤੇ ਉਹ ਤਰੀਕੇ ਲੱਭੋ ਜੋ ਤੁਸੀਂ ਤਿਰੰਗਿਆਂ ਵਿੱਚ ਬਣਾ ਸਕਦੇ ਹੋ।
ਸੁਤੰਤਰਤਾ ਦਿਵਸ ਦੀਆਂ ਛੁੱਟੀਆਂ ਵਿੱਚ ਕਿਉਂ ਨਾ ਤੁਸੀਂ ਆਪਣੇ ਸ਼ਹਿਰ ਦੇ ਨੇੜੇ ਯਾਤਰਾ ਕਰੋਂ। ਤੁਸੀਂ ਜਾਂ ਤਾਂ ਮੌਨਸੂਨ ਦਾ ਅਨੁਭਵ ਕਰਨ ਲਈ ਪਹਾੜੀਆਂ ‘ਤੇ ਜਾ ਸਕਦੇ ਹੋ ਜਾਂ ਬੀਚ ‘ਤੇ ਨਜਾਰੇ ਮਾਣ ਹੋ ਸਕਦੇ ਹੋ।
ਲੋਕਾਂ ਦੀਆਂ ਕੁਰਬਾਨੀਆਂ ਬਾਰੇ ਸਿੱਖਣਾ ਅਤੇ ਇਤਿਹਾਸ ਨੂੰ ਜਾਨਣ ਦਾ ਇਹ ਇੱਕ ਵਧੀਆ ਮੌਕਾ ਹੈ। ਇਸ ਲਈ, ਸੁਤੰਤਰਤਾ ਦਿਵਸ ‘ਤੇ, ਦੇਸ਼ ਭਗਤੀ ਦੇ ਵਿਸ਼ਿਆਂ ਬਾਰੇ ਫਿਲਮਾਂ ਜਾਂ ਦਸਤਾਵੇਜ਼ੀ ਫਿਲਮਾਂ ਦੀ ਚੋਣ ਕਰਨ ਅਤੇ ਦੇਖਣ ਲਈ ਆਪਣੇ ਪਰਿਵਾਰ ਨਾਲ ਬੈਠੋ।
ਇਸ ਦਿਨ ਸਾਰਾ ਦਿਨ ਲੋਕ ਪਰੰਪਰਾਗਤ ਕੱਪੜਿਆਂ ਵਿਚ ਸਜੇ, ਆਪਣੇ ਛੱਤਾਂ ‘ਤੇ ਰੰਗ-ਬਿਰੰਗੇ ਪਤੰਗ ਉਡਾਉਂਦੇ ਹਨ ਅਤੇ ਲਾਊਡਸਪੀਕਰਾਂ ‘ਤੇ ਦੇਸ਼ ਭਗਤੀ ਦਾ ਸੰਗੀਤ ਸੁਣਦੇ ਹਨ। ਤੁਸੀਂ ਆਪਣੇ ਪਰਿਵਾਰ ਨਾਲ ਇਸ ਗਤੀਵਿਧੀ ਦਾ ਪੂਰਾ ਆਨੰਦ ਲੈ ਸਕਦੇ ਹੋ।
ਤੁਸੀਂ ਸੁਤੰਤਰਤਾ ਦਿਵਸ ’ਤੇ ਭਾਰਤੀ ਝੰਡੇ ਦੇ ਸ਼ੇਡਾਂ ਵਿੱਚੋਂ ਇੱਕ ਰੰਗ ਚੁਣੋ ਜਾਂ ਸਾਰੇ ਸ਼ੇਡ ਪਹਿਨੋ। ਇਸ ਤੋਂ ਇਲਾਵਾ, ਤੁਸੀਂ ਆਪਣੇ ਪਰਿਵਾਰ ਨੂੰ ਵੀ ਇਹਨਾਂ ਰੰਗਾਂ ਦੇ ਪਹਿਰਾਵੇ ਪਹਿਨਣ ਲਈ ਕਹਿ ਸਕਦੇ ਹੋ।
ਦੇਸ਼ ਦੇ ਇਤਿਹਾਸ ਨੂੰ ਲੈ ਕੇ ਜਾਣ ਵਾਲੀਆਂ ਕਿਤਾਬਾਂ ਪੜ੍ਹਨਾ ਤੁਹਾਡੇ ਸੁਤੰਤਰਤਾ ਦਿਵਸ ਦੀਆਂ ਛੁੱਟੀਆਂ ਆਪਣੇ ਪਰਿਵਾਰ ਨਾਲ ਬਿਤਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ। ਕੁਝ ਕਿਤਾਬਾਂ ਦੇ ਸੁਝਾਅ ਵੀ ਹਨ ਜਿਵੇਂ ਕਿ ਦ ਡਿਸਕਵਰੀ ਆਫ਼ ਇੰਡੀਆ, ਜਲ੍ਹਿਆਂਵਾਲਾ ਬਾਗ, 1919: ਦ ਰੀਅਲ ਸਟੋਰੀ, ਸ਼ਸ਼ੀ ਥਰੂਰ ਦੁਆਰਾ ਐਨ ਏਰਾ ਆਫ਼ ਡਾਰਕਨੇਸ ਅਤੇ ਹੋਰ।
ਫਿਲਮਾਂ ਤੋਂ ਇਲਾਵਾ, ਤੁਸੀਂ ਦੇਸ਼ ਪ੍ਰਤੀ ਮਾਣ ਅਤੇ ਪਿਆਰ ਦੀ ਭਾਵਨਾ ਪੈਦਾ ਕਰਨ ਲਈ ਘਰ ਵਿੱਚ ਦੇਸ਼ ਭਗਤੀ ਦੇ ਗੀਤ ਵੀ ਚਲਾ ਸਕਦੇ ਹੋ।
