Last Updated :
12 October 2024, 03:50 PM IST
ਉੱਤਰਾਖੰਡ। ਹਰਿਦੁਆਰ ਜੇਲ੍ਹ ਤੋਂ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਇਸ ਸਮੇਂ ਦੇਸ਼ ਭਰ 'ਚ ਦੁਸਹਿਰੇ ਦਾ ਤਿਉਹਾਰ ਜ਼ੋਰਾਂ 'ਤੇ ਹੈ ਅਤੇ ਕਈ ਥਾਵਾਂ 'ਤੇ ਰਾਮਲੀਲਾ ਦਾ ਮੰਚਨ ਕੀਤਾ ਜਾ ਰਿਹਾ ਹੈ। ਦੁਸਹਿਰੇ ਮੌਕੇ ਹਰਿਦੁਆਰ ਦੀ ਰੋਸ਼ਨਾਬਾਦ ਜੇਲ੍ਹ ਵਿੱਚ ਰਾਮਲੀਲਾ ਦਾ ਆਯੋਜਨ ਕੀਤਾ ਗਿਆ। ਇੱਥੇ ਸ਼ੁੱਕਰਵਾਰ ਨੂੰ ਰਾਮਲੀਲਾ ਦੌਰਾਨ ਦੋ ਕੈਦੀ ਮੌਕਾ ਪਾ ਕੇ ਫਰਾਰ ਹੋ ਗਏ। ਇਹ ਦੋਵੇਂ ਕੈਦੀ ਬਾਂਦਰਾਂ ਦੀ ਭੂਮਿਕਾ ਨਿਭਾ ਰਹੇ ਸਨ।
ਰਾਮਲੀਲਾ ਦੇ ਮੰਚਨ ਦੌਰਾਨ ਜਦੋਂ ਸੀਤਾ ਦੀ ਤਲਾਸ਼ ਚੱਲ ਰਹੀ ਸੀ ਤਾਂ ਇਹ ਦੋਵੇਂ ਕੈਦੀ ਬਾਂਦਰਾਂ ਦੀ ਭੂਮਿਕਾ ਵਿੱਚ ਸਨ। ਮਾਤਾ ਸੀਤਾ ਦੀ ਤਲਾਸ਼ ਦੇ ਬਹਾਨੇ ਇਹ ਦੋਵੇਂ ਕੈਦੀ ਜੇਲ੍ਹ ਦੀ ਹੱਦ ਪਾਰ ਕਰਕੇ ਫਰਾਰ ਹੋ ਗਏ। ਇਸ ਗੱਲ ਦਾ ਕਿਸੇ ਨੂੰ ਪਤਾ ਨਹੀਂ ਸੀ ਕਿਉਂਕਿ ਲੋਕ ਰਾਮਲੀਲਾ ਦਾ ਆਨੰਦ ਮਾਣ ਰਹੇ ਸਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਜੇਲ੍ਹ ਵਿੱਚ ਉਸਾਰੀ ਦਾ ਕੰਮ ਚੱਲ ਰਿਹਾ ਸੀ। ਇਹ ਦੋਵੇਂ ਖੌਫਨਾਕ ਕੈਦੀ ਇਸ ਦਾ ਫਾਇਦਾ ਉਠਾਉਂਦੇ ਹੋਏ ਪੌੜੀਆਂ ਦੀ ਮਦਦ ਨਾਲ ਕੰਧ ਟੱਪ ਕੇ ਫਰਾਰ ਹੋ ਗਏ। ਇਸ ਤੋਂ ਬਾਅਦ ਜੇਲ ਪ੍ਰਸ਼ਾਸਨ 'ਚ ਹੜਕੰਪ ਮਚ ਗਿਆ। ਪੁਲਿਸ ਦੋਵਾਂ ਕੈਦੀਆਂ ਦੀ ਭਾਲ ਕਰ ਰਹੀ ਹੈ।
#WATCH | Uttarakhand | Two prisoners escaped from Haridwar jail during Ramleela, yesterday.
— ANI (@ANI) October 12, 2024
SSP Haridwar, Pramendra Singh Dobal says, "We got the information through the control room this morning that two prisoners - one convicted and another one under trial escaped from the… pic.twitter.com/xE914T47rw
ਕਤਲ ਅਤੇ ਅਗਵਾ ਦੇ ਕੇਸ ਦਰਜ
ਜੇਲ੍ਹ ਵਿੱਚੋਂ ਫਰਾਰ ਹੋਏ ਖ਼ੌਫ਼ਨਾਕ ਕੈਦੀਆਂ ਵਿੱਚੋਂ ਇੱਕ ਖ਼ਿਲਾਫ਼ ਕਤਲ ਦਾ ਕੇਸ ਦਰਜ ਹੈ ਜਦਕਿ ਦੂਜੇ ਖ਼ਿਲਾਫ਼ ਅਗਵਾ ਦਾ ਕੇਸ ਦਰਜ ਹੈ। ਜੇਲ ਤੋਂ ਫਰਾਰ ਹੋਏ ਕੈਦੀਆਂ ਦੇ ਨਾਂ ਪੰਕਜ ਅਤੇ ਰਾਜਕੁਮਾਰ ਹਨ। ਪੰਕਜ ਰੁੜਕੀ ਦਾ ਰਹਿਣ ਵਾਲਾ ਹੈ ਜਦਕਿ ਰਾਜਕੁਮਾਰ ਗੋਂਡਾ, ਉੱਤਰ ਪ੍ਰਦੇਸ਼ ਦਾ ਰਹਿਣ ਵਾਲਾ ਹੈ। ਪੰਕਜ ਦੀ ਗੱਲ ਕਰੀਏ ਤਾਂ ਉਹ ਇੱਕ ਕਤਲ ਕੇਸ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਰਿਹਾ ਹੈ। ਰਾਜਕੁਮਾਰ 'ਤੇ ਅਗਵਾ ਕਰਨ ਦੇ ਦੋਸ਼ ਹਨ ਅਤੇ ਉਸ 'ਤੇ ਕੇਸ ਚੱਲ ਰਿਹਾ ਹੈ।
ਕੈਦੀਆਂ ਦੀ ਭਾਲ ਜਾਰੀ ਹੈ
ਇਸ ਘਟਨਾ ਦੇ ਸਾਹਮਣੇ ਆਉਣ ਤੋਂ ਬਾਅਦ ਜੇਲ ਪ੍ਰਸ਼ਾਸਨ ਸਵਾਲਾਂ ਦੇ ਘੇਰੇ 'ਚ ਹੈ। ਜੇਲ੍ਹ ਦੇ ਸੁਰੱਖਿਆ ਪ੍ਰਬੰਧਾਂ ਵਿੱਚ ਗੰਭੀਰ ਕੁਤਾਹੀ ਦੀ ਹਰ ਪਾਸੇ ਚਰਚਾ ਹੈ। ਪੁਲਿਸ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਦੋਵਾਂ ਕੈਦੀਆਂ ਦੀ ਭਾਲ ਜਾਰੀ ਹੈ।
