Last Updated :
23 May 2023, 03:41 PM IST
ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) 2023 ਤੋਂ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਗੈਰ ਰਸਮੀ ਤੌਰ ‘ਤੇ ਬਾਹਰ ਹੋਣ ਤੋਂ ਬਾਅਦ ਆਪਣੀ ਚੁੱਪੀ ਤੋੜਦੇ ਹੋਏ, ਸਾਬਕਾ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ 16ਵੇਂ ਐਡੀਸ਼ਨ ਵਿੱਚ ਫਾਫ ਡੂ ਪਲੇਸਿਸ ਐਂਡ ਕੰਪਨੀ ਦੇ ਨਿਚਲੇ ਸਤੱਰ ਦੇ ਪ੍ਰਦਰਸ਼ਨ ‘ਤੇ ਅਫਸੋਸ ਜਤਾਇਆ ਹੈ। ਖ਼ਿਤਾਬ ਦੇ ਮਜ਼ਬੂਤ ਦਾਅਵੇਦਾਰਾਂ ਵਿੱਚੋਂ ਇੱਕ ਵਜੋਂ ਸ਼ੁਰੂਆਤ ਕਰਨ ਦੇ ਬਾਵਜੂਦ, ਕੋਹਲੀ-ਸਟਾਰਰ ਟੀਮ ਮਸ਼ਹੂਰ ਟੂਰਨਾਮੈਂਟ ਦੇ ਅੰਤ ਤੱਕ ਪਹੁੰਚਣ ਵਿੱਚ ਅਸਫਲ ਰਹੀ ਹੈ। ਆਰਸੀਬੀ ਨੇ 16 ਐਡੀਸ਼ਨ ਬਿਨਾਂ ਆਈਪੀਐਲ ਟਰਾਫੀ ਜਿੱਤੇ ਖੇਡੇ ਹਨ।
ਬੰਗਲੌਰ ਐਤਵਾਰ ਨੂੰ ਐਮ. ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਆਈਪੀਐਲ 2023 ਦੇ ਫਾਈਨਲ ਲੀਗ ਮੈਚ ਵਿੱਚ ਮੌਜੂਦਾ ਚੈਂਪੀਅਨ ਨੂੰ ਗੁਜਰਾਤ ਟਾਈਟਨਜ਼ (ਜੀਟੀ) ਦੇ ਹੱਥੋਂ ਹਰਾ ਮਿਲੀ ਹੈ। ਆਰਸੀਬੀ ਦੇ ਆਈਪੀਐਲ ਤੋਂ ਬਾਹਰ ਹੋਣ ਬਾਅਦ ਟਵਿੱਟਰ ‘ਤੇ ਕੋਹਲੀ ਨੇ ਪੂਰੇ ਸੀਜ਼ਨ ਦੌਰਾਨ ਉਨ੍ਹਾਂ ਦੇ ਵਾਧੂ ਸਮਰਥਨ ਲਈ ਬੈਂਗਲੁਰੂ ਦੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਨ ਲਈ ਇੱਕ ਭਾਵਨਾਤਮਕ ਨੋਟ ਲਿਖਿਆ। ਉਸਨੇ ਲਿਖਿਆ ਕਿ ਇਹ ਇੱਕ ਅਜਿਹਾ ਸੀਜ਼ਨ ਸੀ ਜਿਸ ਵਿੱਚ ਅਸੀਂ ਅੱਗੇ ਵਧ ਸਕਦੇ ਸੀ ਪਰ ਬਦਕਿਸਮਤੀ ਨਾਲ ਅਸੀਂ ਟੀਚੇ ਤੋਂ ਉੱਕ ਗਏ। ਅਸੀਂ ਨਿਰਾਸ਼ ਹਾਂ ਪਰ ਸਾਨੂੰ ਆਪਣਾ ਸਿਰ ਉੱਚਾ ਰੱਖਣਾ ਚਾਹੀਦਾ ਹੈ। ਸਾਡੇ ਵਫ਼ਾਦਾਰ ਸਮਰਥਕਾਂ ਦੁਆਰਾ ਹਰ ਕਦਮ ‘ਤੇ ਸਾਡਾ ਸਮਰਥਨ ਦੇਣ ਲਈ ਅਸੀਂ ਧੰਨਵਾਦੀ ਹਾਂ।
ਆਰਸੀਬੀ ਦੇ ਸਾਬਕਾ ਕਪਤਾਨ ਕੋਹਲੀ ਨੇ ਮੈਚ ਨੰਬਰ 70 ਵਿੱਚ ਪੰਡਯਾ ਐਂਡ ਕੰਪਨੀ ਦੇ ਖਿਲਾਫ ਸ਼ਾਨਦਾਰ ਪਾਰੀ ਖੇਡੀ। ਬੱਲੇਬਾਜ਼ੀ ਆਈਕੌਨ ਨੇ ਸ਼ਾਨਦਾਰ ਸੈਂਕੜਾ ਜੜ ਕੇ ਬੰਗਲੌਰ ਨੂੰ 20 ਓਵਰਾਂ ਵਿੱਚ 197-5 ਦਾ ਚੁਣੌਤੀਪੂਰਨ ਸਕੋਰ ਬਣਾਉਣ ਵਿੱਚ ਮਦਦ ਕੀਤੀ। ਕੋਹਲੀ ਦੀ ਇਹ ਰਿਕਾਰਡ ਤੋੜ ਪਾਰੀ ਵਿਅਰਥ ਗਈ ਕਿਉਂਕਿ ਸ਼ੁਭਮਨ ਗਿੱਲ ਕਰਕੇ ਜੀਟੀ ਨੇ ਵੱਡੇ ਸਕੋਰ ਵਾਲੇ ਮੁਕਾਬਲੇ ਵਿੱਚ ਆਰਸੀਬੀ ਨੂੰ 6 ਵਿਕਟਾਂ ਨਾਲ ਹਰਾਇਆ। ਗਿੱਲ ਨੇ 52 ਗੇਂਦਾਂ ਵਿੱਚ 104 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਕੇ ਆਈਪੀਐਲ 2023 ਵਿੱਚ ਆਰਸੀਬੀ ਦੀਆਂ ਪਲੇਆਫ ’ਚ ਖੇਡਣ ਦੀਆਂ ਉਮੀਦਾਂ ਨੂੰ ਤੋੜ ਦਿੱਤਾ।
ਆਰਸੀਬੀ ਦੀ ਦਿਲ ਕੰਬਾਊ ਹਾਰ ਨੇ ਮੁੰਬਈ ਇੰਡੀਅਨਜ਼ ਦੀ ਮੌਜੂਦਾ ਸੀਜ਼ਨ ਦੇ ਪਲੇਆਫ ਪੜਾਅ ਲਈ ਕੁਆਲੀਫਾਈ ਕਰਵਾ ਦਿੱਤਾ ਹੈ। ਮੁੰਬਈ ਇੰਡੀਅਨਜ਼ ਟੀਮ ਨੇ ਸਨਰਾਈਜ਼ਰਸ ਹੈਦਰਾਬਾਦ ਨੂੰ ਆਪਣੇ ਆਖ਼ਰੀ ਲੀਗ ਮੈਚ ਵਿੱਚ ਹਰਾ ਕੇ ਇਸ ਸੀਜ਼ਨ ਦੇ ਚੌਥੇ ਅਤੇ ਆਖਰੀ ਪਲੇਆਫ ਸਥਾਨ ‘ਤੇ ਕਬਜ਼ਾ ਕਰ ਲਿਆ ਹੈ। ਰਨ-ਮਸ਼ੀਨ ਕੋਹਲੀ ਨੇ ਆਈਪੀਐਲ 2023 ਵਿੱਚ ਕਈ ਰਿਕਾਰਡ ਤੋੜ ਦਿੱਤੇ ਜਿਸਨੇ 14 ਮੈਚਾਂ ਵਿੱਚ 639 ਦੌੜਾਂ ਬਣਾਈਆਂ। 53.25 ਦੀ ਔਸਤ ਨਾਲ 34 ਸਾਲਾ ਖਿਡਾਰੀ ਨੇ ਪੈਸੇ ਨਾਲ ਮਾਲੋ ਮਾਲ ਲੀਗ ਦੇ 16ਵੇਂ ਸੀਜ਼ਨ ਵਿੱਚ ਦੋ ਸੈਂਕੜੇ ਅਤੇ ਛੇ ਅਰਧ ਸੈਂਕੜੇ ਲਗਾਏ।
