Last Updated :
25 September 2024, 08:57 PM IST
TVS Ronin Price Cut: ਜੇਕਰ ਤੁਸੀਂ ਨਵੀਂ ਬਾਈਕ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਅਸੀਂ ਤੁਹਾਡੇ ਲਈ ਇੱਕ ਹੈਰਾਨੀਜਨਕ ਖਬਰ ਲੈ ਕੇ ਆਏ ਹਾਂ। ਇਸ ਤਿਉਹਾਰੀ ਸੀਜ਼ਨ ਵਿੱਚ, TVS ਨੇ ਆਪਣੀ ਇੱਕ ਬਾਈਕ 'ਤੇ ਭਾਰੀ ਡਿਸਕਾਊਂਟ ਦਿੱਤਾ ਹੈ, ਜਿਸ ਤੋਂ ਬਾਅਦ ਤੁਸੀਂ ਘੱਟ ਕੀਮਤ 'ਤੇ ਨਵੀਂ ਬਾਈਕ ਘਰ ਲਿਆ ਸਕਦੇ ਹੋ। TVS Ronin ਦੀ ਕੀਮਤ 15,000 ਰੁਪਏ ਘਟਾਈ ਗਈ ਹੈ, ਜਿਸ ਨਾਲ ਬੇਸ SS ਵੇਰੀਐਂਟ ਦੀ ਕੀਮਤ 1.35 ਲੱਖ ਰੁਪਏ (ਐਕਸ-ਸ਼ੋਰੂਮ) ਰੱਖੀ ਗਈ ਹੈ। ਕੀਮਤ 'ਚ ਕਟੌਤੀ ਤੋਂ ਇਲਾਵਾ ਇਸ ਬਾਈਕ 'ਚ ਹੋਰ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਇਸ ਤੋਂ ਇਲਾਵਾ TVS ਮੋਟਰ ਕੰਪਨੀ ਨੇ ਰੋਨਿਨ ਦਾ ਨਵਾਂ ਤਿਉਹਾਰੀ ਐਡੀਸ਼ਨ ਵੀ ਲਾਂਚ ਕੀਤਾ ਹੈ, ਜਿਸ 'ਚ ਮਿਡਨਾਈਟ ਬਲੂ ਅਤੇ ਫਲੋਰੋਸੈਂਟ ਗ੍ਰੀਨ ਗ੍ਰਾਫਿਕਸ ਦੀ ਨਵੀਂ ਕਲਰ ਸਕੀਮ ਦਿੱਤੀ ਗਈ ਹੈ। ਇਸ ਨੂੰ ਰੋਨਿਨ ਦੇ ਟਾਪ-ਸਪੈਕ ਵੇਰੀਐਂਟ 'ਚ ਹੀ ਉਪਲੱਬਧ ਕਰਵਾਇਆ ਗਿਆ ਹੈ। TVS Ronin ਚਾਰ ਵੇਰੀਐਂਟਸ ਵਿੱਚ ਉਪਲਬਧ ਹੈ ਜਿਸ ਵਿੱਚ SS, TS, TD ਅਤੇ TD ਸਪੈਸ਼ਲ ਐਡੀਸ਼ਨ ਸ਼ਾਮਲ ਹਨ। ਇਨ੍ਹਾਂ ਦੀਆਂ ਕੀਮਤਾਂ 1.35 ਲੱਖ ਰੁਪਏ ਤੋਂ 1.73 ਲੱਖ ਰੁਪਏ (ਸਾਰੀਆਂ ਕੀਮਤਾਂ ਐਕਸ-ਸ਼ੋਰੂਮ, ਦਿੱਲੀ) ਤੱਕ ਹਨ।
TVS Ronin 'ਚ ਹੈ ਖਾਸ
TVS ਰੋਨਿਨ 225.9 cc ਸਿੰਗਲ-ਸਿਲੰਡਰ ਇੰਜਣ ਦੁਆਰਾ ਸੰਚਾਲਿਤ ਹੈ ਜੋ ਤੇਲ-ਕੂਲਡ ਹੈ ਅਤੇ 20 hp ਅਤੇ 19.93 Nm ਪੀਕ ਟਾਰਕ ਪੈਦਾ ਕਰਦਾ ਹੈ। ਇਸ ਦਾ ਇੰਜਣ ਸਲਿਪਰ ਅਤੇ ਅਸਿਸਟ ਕਲਚ ਦੇ ਨਾਲ 5-ਸਪੀਡ ਗਿਅਰਬਾਕਸ ਨਾਲ ਜੁੜਿਆ ਹੋਇਆ ਹੈ। ਮੋਟਰਸਾਈਕਲ ਦੇ ਅਗਲੇ ਪਾਸੇ USD ਫੋਰਕ ਅਤੇ ਪਿਛਲੇ ਪਾਸੇ ਮੋਨੋਸ਼ੌਕ ਹੈ। ਦੋਵਾਂ ਸਿਰਿਆਂ 'ਤੇ ਡਿਊਲ-ਚੈਨਲ ABS ਦੇ ਨਾਲ 17-ਇੰਚ ਦੇ ਪਹੀਏ ਅਤੇ ਡਿਸਕ ਬ੍ਰੇਕ ਵੀ ਦਿੱਤੇ ਗਏ ਹਨ। ਇਸ ABS ਲਈ ਦੋ ਮੋਡ ਹਨ ਜਿਨ੍ਹਾਂ ਵਿੱਚ ਅਰਬਨ ਅਤੇ ਰੇਨ ਸ਼ਾਮਲ ਹਨ।
TVS ਰੋਨਿਨ ਵਿੱਚ ਪੂਰੀ LED ਲਾਈਟਿੰਗ, ਆਫਸੈੱਟ, ਸਿੰਗਲ-ਪੌਡ ਡਿਜੀਟਲ ਇੰਸਟਰੂਮੈਂਟ ਕੰਸੋਲ, ਬਲੂਟੁੱਥ ਕਨੈਕਟੀਵਿਟੀ ਅਤੇ ਐਡਜਸਟੇਬਲ ਲੀਵਰ ਹਨ। TVS ਰੋਨਿਨ ਭਾਰਤ ਵਿੱਚ ਰਾਇਲ ਐਨਫੀਲਡ ਹੰਟਰ 350 ਨਾਲ ਮੁਕਾਬਲਾ ਕਰਦੀ ਹੈ। ਜੇਕਰ ਤੁਸੀਂ ਨਵੀਂ ਬਾਈਕ ਬੁੱਕ ਕਰਵਾਉਣ ਬਾਰੇ ਸੋਚ ਰਹੇ ਹੋ ਤਾਂ ਇਹ ਇਕ ਵਧੀਆ ਆਪਸ਼ਨ ਸਾਬਤ ਹੋ ਸਕਦਾ ਹੈ।
