ਅੱਜ ਦੇ ਦਿਨ ਵਿਆਹ ਦੇ ਬੰਧਨ ਵਿੱਚ ਬੰਧੇ ਸਨ ਦੀਪਿਕਾ ਅਤੇ ਰਣਵੀਰ, ਰਾਮਲੀਲਾ' ਦੇ ਸੈੱਟ 'ਤੇ ਦੋਵਾਂ ਵਿਚਾਲੇ ਫੁਟਿੱਆ ਸੀ ਪਿਆਰ

ਰਣਵੀਰ ਨੇ ਦੱਸਿਆ, "ਸੰਜੇ ਲੀਲਾ ਭੰਸਾਲੀ ਸਮੁੰਦਰ ਵੱਲ ਰਹਿੰਦੇ ਹਨ। ਤੇਜ਼ ਹਵਾ ਦਾ ਝੱਖੜ ਆਇਆ ਅਤੇ ਫਿਰ ਦਰਵਾਜ਼ਾ ਖੁੱਲ੍ਹਿਆ। ਦੀਪਿਕਾ ਪਾਦੁਕੋਣ ਚਿੱਟੇ ਚਿਕਨਕਾਰੀ ਕੁੜਤੇ ਵਿੱਚ ਸਾਹਮਣੇ ਖੜ੍ਹੀ ਸੀ।" ਦੀਪਿਕਾ ਨੂੰ ਪਹਿਲੀ ਵਾਰ ਦੇਖਦਿਆਂ ਹੀ ਉਨ੍ਹਾਂ ਦੇ ਮੂੰਹੋਂ ਇੱਕ ਹੀ ਗੱਲ ਨਿਕਲੀ, ਓ ਮਾਈ ਗੌਡ।

ਗਲੈਮਰ ਦੀ ਦੁਨੀਆ 'ਚ ਕਈ ਅਜਿਹੇ ਫਿਲਮੀ ਸਿਤਾਰੇ ਹਨ, ਜਿਨ੍ਹਾਂ ਦੀ ਅਸਲ ਜ਼ਿੰਦਗੀ ਦੀ ਕੈਮਿਸਟਰੀ ਪ੍ਰਸ਼ੰਸਕਾਂ 'ਚ ਹਰਮਨ ਪਿਆਰੀ ਹੈ। ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੂਕੋਣ ਵੀ ਫਿਲਮ ਇੰਡਸਟਰੀ ਦੇ ਮਸ਼ਹੂਰ ਜੋੜਿਆਂ ਵਿੱਚੋਂ ਇੱਕ ਹਨ। ਆਪਣੀ ਸਿਜ਼ਲਿੰਗ ਕੈਮਿਸਟਰੀ ਲਈ ਮਸ਼ਹੂਰ ਇਸ ਜੋੜੇ ਦੀ ਅੱਜ 5ਵੀਂ ਵਰ੍ਹੇਗੰਢ ਹੈ। ਕਈ ਸੁਪਰਹਿੱਟ ਫਿਲਮਾਂ 'ਚ ਕੰਮ ਕਰ ਚੁੱਕੇ ਰਣਵੀਰ ਅਤੇ ਦੀਪਿਕਾ ਦੀ ਪ੍ਰੇਮ ਕਹਾਣੀ ਕਿਸੇ ਫਿਲਮੀ ਕਹਾਣੀ ਤੋਂ ਘੱਟ ਨਹੀਂ ਹੈ। ਸਾਲ 2018 'ਚ ਇਸ ਦਿਨ ਰਣਵੀਰ ਅਤੇ ਦੀਪਿਕਾ ਵਿਆਹ ਦੇ ਪਵਿੱਤਰ ਬੰਧਨ 'ਚ ਬੱਝ ਗਏ ਸਨ। ਇਸ ਜੋੜੇ ਨੇ ਇਕ ਨਹੀਂ ਸਗੋਂ ਦੋ ਰੀਤੀ-ਰਿਵਾਜ਼ਾਂ ਮੁਤਾਬਕ ਵਿਆਹ ਕਰਵਾਇਆ ਸੀ। 
ਪਹਿਲੀ ਨਜ਼ਰ ਦਾ ਪਿਆਰ
ਰਣਵੀਰ ਅਤੇ ਦੀਪਿਕਾ ਨੇ 2013 ਵਿੱਚ ਰਿਲੀਜ਼ ਹੋਈ 'ਗੋਲਿਓਂ ਕੀ ਰਾਸਲੀਲਾ: ਰਾਮਲੀਲਾ' ਵਿੱਚ ਆਪਣੀਆਂ ਭੂਮਿਕਾਵਾਂ ਨਾਲ ਇਤਿਹਾਸ ਰਚਿਆ ਸੀ। ਉਨ੍ਹਾਂ ਦੀ ਅਸਲ ਪ੍ਰੇਮ ਕਹਾਣੀ ਇਸ ਫਿਲਮ ਤੋਂ ਸ਼ੁਰੂ ਹੋਈ ਸੀ। ਅਭਿਨੇਤਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਹਿਲੀ ਨਜ਼ਰ 'ਚ ਹੀ ਦੀਪਿਕਾ ਨਾਲ ਪਿਆਰ ਹੋ ਗਿਆ ਸੀ, ਜਦੋਂ ਅਭਿਨੇਤਰੀ ਚਿਕਨਕਾਰੀ ਕੁਰਤੀ 'ਚ ਸੰਜੇ ਲੀਲਾ ਭੰਸਾਲੀ ਦੇ ਦਫਤਰ 'ਚ ਦਾਖਲ ਹੋਈ ਸੀ।

ਫਿਲਮ ਸੈੱਟ 'ਤੇ ਵਧੀ ਸੀ ਨੇੜਤਾ 
ਫਿਲਮ 'ਰਾਮਲੀਲਾ' ਦੇ ਸੈੱਟ 'ਤੇ ਦੋਵਾਂ ਵਿਚਾਲੇ ਪਿਆਰ ਫੁੱਲਣ ਲੱਗਾ। ਪੂਰੀ ਟੀਮ ਨੇ ਦੋਵਾਂ ਵਿਚਾਲੇ ਪਿਆਰ ਦੇ ਫੁੱਲ ਨੂੰ ਦੇਖਿਆ ਸੀ। ਇੱਕ ਸੀਨ ਦੌਰਾਨ ਰਣਵੀਰ ਅਤੇ ਦੀਪਿਕਾ ਨੂੰ ਇੱਕ ਦੂਜੇ ਨੂੰ ਕਿੱਸ ਕਰਨਾ ਪਿਆ। ਦੋਵੇਂ ਇਸ ਸ਼ਾਟ 'ਚ ਇੰਨੇ ਗੁਆਚ ਗਏ ਕਿ ਕੱਟ ਕਹਿਣ ਤੋਂ ਬਾਅਦ ਵੀ ਕਾਫੀ ਦੇਰ ਤੱਕ ਇਕ-ਦੂਜੇ ਨੂੰ ਕਿੱਸ ਕਰਦੇ ਰਹੇ। ਸ਼ੂਟਿੰਗ ਖਤਮ ਹੋਣ ਤੱਕ ਦੋਵੇਂ ਇੱਕ ਦੂਜੇ ਨੂੰ ਡੇਟ ਕਰਨ ਲੱਗੇ। ਕਰੀਬ 2 ਸਾਲ ਤੱਕ ਇੱਕ ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ, ਜੋੜੇ ਨੇ 2015 ਵਿੱਚ ਗੁਪਤ ਰੂਪ ਵਿੱਚ ਮੰਗਣੀ ਕਰ ਲਈ। ਇਟਲੀ ਦੇ ਲੇਕ ਕੋਮੋ ਵਿੱਚ ਵਿਲਾ ਡੇਲ ਬਾਲਬਿਆਨੇਲੋ ਵਿੱਚ ਇੱਕ ਰਵਾਇਤੀ ਰਸਮ ਵਿੱਚ ਸੱਤ ਸਮੁੰਦਰ ਪਾਰ ਦੋਨਾਂ ਨੇ ਵਿਆਹ ਕਰਵਾ ਲਿਆ ਗਿਆ। 14 ਨਵੰਬਰ ਨੂੰ, ਜੋੜੇ ਦਾ ਕੋਂਕਣੀ ਵਿਆਹ ਸੀ, ਜਿਸ ਵਿੱਚ ਅਦਾਕਾਰਾ ਨੇ ਆਪਣੀ ਮਾਂ ਦੁਆਰਾ ਦਿੱਤੀ ਕਾਂਜੀਵਰਮ ਸਾੜੀ ਪਹਿਨੀ ਸੀ। 15 ਨਵੰਬਰ ਨੂੰ ਸਿੰਧੀ ਰੀਤੀ-ਰਿਵਾਜਾਂ ਮੁਤਾਬਕ ਵਿਆਹ ਹੋਇਆ ਸੀ, ਜਿਸ 'ਚ ਦੀਪਿਕਾ ਨੇ ਸਬਿਆਸਾਚੀ ਦਾ ਡਿਜ਼ਾਈਨਰ ਲਹਿੰਗਾ ਪਾਇਆ ਸੀ।