Last Updated :
22 April 2025, 03:15 PM IST
Courtesy: file photo
ਪ੍ਰਿਯੰਕਾ ਚੋਪੜਾ ਦੇ ਪਤੀ ਨਿਕ ਜੋਨਸ ਸਿਰਫ਼ 13 ਸਾਲ ਦੀ ਉਮਰ ਵਿੱਚ ਟਾਈਪ 1 ਡਾਇਬਟੀਜ਼ ਦਾ ਸ਼ਿਕਾਰ ਹੋ ਗਏ ਸਨ। ਗਾਇਕ ਅਤੇ ਅਦਾਕਾਰ ਨਿਕ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਭਾਵੁਕ ਪੋਸਟ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਨਿਕ ਨੇ ਦੱਸਿਆ ਕਿ ਜਦੋਂ ਉਹਨਾਂ ਨੂੰ ਪਹਿਲੀ ਵਾਰ ਪਤਾ ਲੱਗਾ ਕਿ ਉਹ ਸ਼ੂਗਰ ਵਰਗੀ ਬਿਮਾਰੀ ਤੋਂ ਪੀੜਤ ਹਨ ਤਾਂ ਉਹਨਾਂ ਨੂੰ ਕਿਵੇਂ ਮਹਿਸੂਸ ਹੋਇਆ। ਨਿਕ ਨੇ ਆਪਣੀ ਪੋਸਟ ਵਿੱਚ ਲਿਖਿਆ ਹੈ ਕਿ ਅਜਿਹਾ ਮਹਿਸੂਸ ਹੋਇਆ ਜਿਵੇਂ ਕਿਸੇ ਨੇ 13 ਸਾਲ ਦੇ ਨੌਜਵਾਨ ਲਈ ਸੁਪਨਿਆਂ ਦੇ ਦਰਵਾਜ਼ੇ ਬੰਦ ਕਰ ਦਿੱਤੇ ਹੋਣ। ਹਾਲਾਂਕਿ, ਨਿਕ ਨੇ ਹੌਲੀ-ਹੌਲੀ ਆਪਣੀ ਬਿਮਾਰੀ 'ਤੇ ਪੂਰਾ ਕਾਬੂ ਪਾ ਲਿਆ ਅਤੇ ਅੱਜ ਉਹ ਇੱਕ ਸਿਹਤਮੰਦ ਜੀਵਨਸ਼ੈਲੀ ਜੀ ਰਹੇ ਹਨ।
ਨਿਕ ਜੋਨਸ ਨੇ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਇੱਕ ਫੋਟੋ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਹ ਸੋਫੇ 'ਤੇ ਬੈਠੇ ਦਿਖਾਈ ਦੇ ਰਹੇ ਹਨ। ਉਹਨਾਂ ਨੇ ਸ਼ੂਗਰ ਦੀ ਮਾਨੀਟਰਿੰਗ ਲਈ ਇੱਕ ਪੈਚ ਵੀ ਲਗਾਇਆ ਹੋਇਆ ਹੈ। ਇਸ ਪੋਸਟ ਵਿੱਚ ਉਹਨਾਂ ਨੇ ਆਪਣੇ ਬਚਪਨ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹਨ ਜਦੋਂ ਉਹਨਾਂ ਨੂੰ ਪਹਿਲੀ ਵਾਰ ਆਪਣੀ ਬਿਮਾਰੀ ਬਾਰੇ ਪਤਾ ਲੱਗਾ ਸੀ। ਨਿਕ ਆਪਣੇ ਭਰਾਵਾਂ ਨਾਲ ਇੱਕ ਗਾਇਕੀ ਦਾ ਪ੍ਰਦਰਸ਼ਨ ਕਰ ਰਹੇ ਸੀ ਅਤੇ ਉਦੋਂ ਹੀ ਉਹਨਾਂ ਨੂੰ ਇਸ ਬਾਰੇ ਪਤਾ ਲੱਗਾ। ਤਸਵੀਰਾਂ ਵਿੱਚ ਬਚਪਨ ਯਾਨੀ 13 ਸਾਲ ਦਾ ਨਿਕ ਅਤੇ ਅੱਜ ਦਾ ਨੌਜਵਾਨ ਨਿਕ ਜੋਨਸ ਇਕੱਠੇ ਦਿਖਾਈ ਦੇ ਰਹੇ ਹਨ। ਇਸ ਪੋਸਟ ਨੂੰ ਸਾਂਝਾ ਕਰਦੇ ਹੋਏ ਨਿਕ ਜੋਨਸ ਨੇ ਲਿਖਿਆ ਹੈ, '13 ਸਾਲ ਦੀ ਉਮਰ ਵਿੱਚ ਟਾਈਪ 1 ਡਾਇਬਟੀਜ਼ ਦਾ ਪਤਾ ਲੱਗਣ ਤੋਂ ਬਾਅਦ, ਮੈਨੂੰ ਅਜਿਹਾ ਲੱਗਾ ਜਿਵੇਂ ਕੋਈ ਮੇਰੇ ਸੁਪਨਿਆਂ ਦੇ ਦਰਵਾਜ਼ੇ ਬੰਦ ਕਰ ਰਿਹਾ ਹੋਵੇ।' ਹੁਣ, ਬ੍ਰੌਡਵੇ ਸਟੇਜ 'ਤੇ ਵਾਪਸ ਆ ਕੇ, ਮੈਂ ਵਾਪਸ ਜਾ ਕੇ ਆਪਣੇ ਨੌਜਵਾਨ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਸਭ ਕੁਝ ਮੇਰੀ ਕਲਪਨਾ ਨਾਲੋਂ ਵੀ ਵਧੀਆ ਹੋ ਰਿਹਾ ਹੈ।
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਨਿਕ ਜੋਨਸ ਸ਼ੂਗਰ ਬਾਰੇ ਗੱਲ ਕਰ ਚੁੱਕੇ ਹਨ। 2023 ਵਿੱਚ ਇੱਕ ਪੋਸਟ ਸਾਂਝੀ ਕਰਦੇ ਹੋਏ, ਨਿਕ ਜੋਨਸ ਨੇ ਆਪਣੀ ਧੀ ਮਾਲਤੀ ਬਾਰੇ ਚਿੰਤਾ ਪ੍ਰਗਟ ਕੀਤੀ। ਉਹਨਾਂ ਨੇ ਇਹ ਵੀ ਦੱਸਿਆ ਕਿ ਜਦੋਂ ਉਸਨੂੰ ਸ਼ੂਗਰ ਸੀ ਤਾਂ ਉਸਨੂੰ ਕਿਹੜੇ ਲੱਛਣ ਮਹਿਸੂਸ ਹੋਏ। ਵਾਰ-ਵਾਰ ਪਿਸ਼ਾਬ ਆਉਣਾ ਬਹੁਤ ਜ਼ਿਆਦਾ ਪਿਆਸ, ਬਹੁਤ ਜ਼ਿਆਦਾ ਭੁੱਖ ਲੱਗਣੀ, ਸੱਟਾਂ ਠੀਕ ਨਹੀਂ ਹੋਣਾ, ਘੱਟ ਨਜ਼ਰ ਆਉਣਾ , ਸੁੰਨ ਹੋਣਾ ਅਤੇ ਕਮਜ਼ੋਰੀ ਮਹਿਸੂਸ ਹੋਣਾ ਬਿਨਾਂ ਕਿਸੇ ਸਪੱਸ਼ਟ ਕਾਰਨ ਦੇ ਭਾਰ ਘਟਣਾ ਲੱਛਣ ਮਹਿਸੂਸ ਹੋਏ ਸੀ।
