ਸਾਲਾਰ ਦਾ ਬਾਕਸ ਆਫਿਸ 'ਤੇ ਜਲਵਾ ਬਰਕਰਾਰ, ਹੁਣ ਤੱਕ 470.05 ਕਰੋੜ ਕਮਾਏ

ਤੁਹਾਨੂੰ ਦੱਸ ਦੇਈਏ, ਸਾਲਾਰ ਦਾ ਨਿਰਦੇਸ਼ਨ ਪ੍ਰਸ਼ਾਂਤ ਨੀਲ ਦੁਆਰਾ ਕੀਤਾ ਗਿਆ ਹੈ ਅਤੇ ਫਿਲਮ ਵਿੱਚ ਪ੍ਰਭਾਸ ਤੋਂ ਇਲਾਵਾ ਪ੍ਰਿਥਵੀਰਾਜ ਸੁਕੁਮਾਰਨ ਅਤੇ ਸ਼ਰੂਤੀ ਹਾਸਨ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆ ਰਹੇ ਹਨ।

ਸ਼ਾਹਰੁਖ ਖਾਨ ਦੀ ਡੰਕੀ ਅਤੇ ਪ੍ਰਭਾਸ ਦੀ ਫਿਲਮ ਸਾਲਾਰ ਬਾਕਸ ਆਫਿਸ 'ਤੇ ਚੰਗਾ ਕਲੈਕਸ਼ਨ ਕਰ ਰਹੀਆਂ ਹਨ, ਪਰ ਡੰਕੀ ਦੇ ਮੁਕਾਬਲੇ ਸਾਲਾਰ ਦੀ ਕਮਾਈ ਦੁੱਗਣੀ ਹੋ ਗਈ ਹੈ। ਰਿਲੀਜ਼ ਦੇ 20 ਦਿਨਾਂ ਬਾਅਦ ਵੀ ਸਾਲਾਰ ਦੀ ਕਮਾਈ ਨਵੇਂ ਰਿਕਾਰਡ ਬਣਾ ਰਹੀ ਹੈ। ਇਸ ਫਿਲਮ ਨੇ 20ਵੇਂ ਦਿਨ ਦੇਸ਼ ਵਿੱਚ 400 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਇਸ ਹਫਤੇ ਦੇ ਅੰਤ ਤੱਕ ਇਹ ਕਮਾਈ ਹੋਰ ਵਧ ਸਕਦੀ ਹੈ। ਬਾਕਸ ਆਫਿਸ ਟਰੈਕਰ ਸਕਨੀਲਕ ਦੇ ਸ਼ੁਰੂਆਤੀ ਅੰਕੜਿਆਂ ਦੇ ਅਨੁਸਾਰ, ਸਾਲਾਰ ਨੇ 20ਵੇਂ ਦਿਨ 2.05 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਦੇਸ਼ ਵਿੱਚ ਇਸ ਦੀ ਕੁੱਲ ਕਮਾਈ 470.05 ਕਰੋੜ ਰੁਪਏ ਅਤੇ ਵਿਸ਼ਵ ਭਰ ਵਿੱਚ 603.05 ਕਰੋੜ ਰੁਪਏ ਹੋ ਗਈ ਹੈ।

 

ਸ਼ਾਨਦਾਰ ਰਹੀ ਸੀ ਓਪਨਿੰਗ 

ਪਹਿਲੇ ਦਿਨ 90.7 ਕਰੋੜ ਦੀ ਸ਼ਾਨਦਾਰ ਓਪਨਿੰਗ ਕਰਨ ਵਾਲੀ ਸਾਲਾਰ ਨੇ ਦੂਜੇ ਦਿਨ 56.35 ਕਰੋੜ, ਤੀਜੇ ਦਿਨ 62.05 ਕਰੋੜ, ਚੌਥੇ ਦਿਨ 46.3 ਕਰੋੜ, ਪੰਜਵੇਂ ਦਿਨ 24.9 ਕਰੋੜ, ਛੇਵੇਂ ਦਿਨ 15.6 ਕਰੋੜ ਅਤੇ ਸੱਤਵੇਂ ਦਿਨ 12.1 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਜਿਸ ਤੋਂ ਬਾਅਦ ਪਹਿਲੇ ਹਫਤੇ ਦੀ ਕੁਲੈਕਸ਼ਨ 308 ਕਰੋੜ ਰੁਪਏ ਹੋ ਗਈ ਹੈ। ਜਦੋਂ ਕਿ ਡੰਕੀ ਇਸ ਦਾ ਅੱਧ ਹੀ ਕਮਾ ਸਕੀ ਹੈ।