Last Updated :
24 December 2023, 04:38 PM IST
ਸ਼ਾਹਰੁਖ ਖਾਨ, ਰਣਵੀਰ ਸਿੰਘ, ਸ਼ਿਲਪਾ ਸ਼ੈਟੀ ਕੁੰਦਰਾ, ਸਿਧਾਰਥ ਮਲਹੋਤਰਾ, ਆਲੀਆ ਭੱਟ, ਭੂਮੀ ਪੇਡਨੇਕਰ, ਕਿਆਰਾ ਅਡਵਾਨੀ, ਸ਼ਹਿਨਾਜ਼ ਗਿੱਲ ਅਤੇ ਦੀਪਿਕਾ ਪਾਦੁਕੋਣ ਉਮੰਗ 2023 ਦਾ ਹਿੱਸਾ ਹੋਣਗੇ। ਪਰ ਚਰਚਾ ਹੋ ਰਹੀ ਹੈ ਸਲਮਾਨ ਖਾਨ ਦੇ ਦਿਲ ਨੂੰ ਛੂਹ ਲੈਣ ਵਾਲੀ ਵੀਡੀਓ ਦੀ, ਜਿਸ ਨੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ। ਦਰਅਸਲ, ਵੀਡੀਓ 'ਚ ਸਲਮਾਨ ਖਾਨ ਮਸ਼ਹੂਰ ਗਾਇਕਾ ਊਸ਼ਾ ਉਥੁਪ ਦੇ ਪੈਰਾਂ ਨੂੰ ਛੂਹਦੇ ਅਤੇ ਗਲੇ ਲਗਾਉਂਦੇ ਨਜ਼ਰ ਆ ਰਹੇ ਹਨ, ਜਿਸ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਪਾਪਰਾਜ਼ੀ ਦੁਆਰਾ ਸ਼ੇਅਰ ਕੀਤੀ ਗਈ ਵੀਡੀਓ ਵਿੱਚ ਸਲਮਾਨ ਖਾਨ ਨੂੰ ਉਮੰਗ 2023 ਵਿੱਚ ਐਂਟਰੀ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਦੌਰਾਨ ਉਹ ਨੇਵੀ ਬਲੂ ਰੰਗ ਦੀ ਕਮੀਜ਼, ਬਲੈਕ ਪੈਂਟ ਅਤੇ ਬਲੈਕ ਬਲੇਜ਼ਰ 'ਚ ਨਜ਼ਰ ਆ ਰਹੇ ਹਨ। ਅੰਦਰ ਦਾਖਲ ਹੋਣ ਸਮੇਂ, ਉਹ ਊਸ਼ਾ ਉਥੁਪ ਨੂੰ ਜੱਫੀ ਪਾ ਕੇ ਗੱਲ ਕਰਦੇ ਦਿਖਦੇ ਹਨ।
ਯੂਜ਼ਰਾਂ ਨੇ ਦਿੱਤੀ ਪ੍ਰਤੀਕ੍ਰਿਆ
ਵੀਡੀਓ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ, ਉਫ ਸਲਮਾਨ ਸਰ ਦਾ ਚੱਲਣ ਦਾ ਸਟਾਈਲ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਇਹ ਭਾਈਜਾਨ ਦਾ ਪਿਆਰ ਹੈ। ਤੀਜੇ ਯੂਜ਼ਰ ਨੇ ਲਿਖਿਆ, ਭਾਈ ਹਮੇਸ਼ਾ ਦਿਲ ਜਿੱਤਦੇ ਹਨ। ਚੌਥੇ ਯੂਜ਼ਰ ਨੇ ਲਿਖਿਆ, ਇਸ ਸ਼ਖਸ ਨੇ ਮੇਰਾ ਦਿਲ ਜਿੱਤ ਲਿੱਆ। ਲੋਕਾਂ ਨੇ ਇਸ ਵੀਡੀਓ 'ਤੇ ਦਿਲ ਦਾ ਇਮੋਜੀ ਸ਼ੇਅਰ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਸਲਮਾਨ ਖਾਨ ਦਾ ਇੱਕ ਵੀਡੀਓ ਵਾਇਰਲ ਹੋਇਆ ਸੀ, ਜਿਸ ਵਿੱਚ ਉਹ ਅਭਿਸ਼ੇਕ ਬੱਚਨ ਅਤੇ ਅਮਿਤਾਭ ਬੱਚਨ ਨੂੰ ਜੱਫੀ ਪਾਉਂਦੇ ਨਜ਼ਰ ਆ ਰਹੇ ਸਨ। ਇਸ ਵੀਡੀਓ ਨੂੰ ਵੀ ਪ੍ਰਸ਼ੰਸਕਾਂ ਨੇ ਕਾਫੀ ਪਿਆਰ ਦਿੱਤਾ ਸੀ।
