Last Updated :
26 May 2023, 04:30 PM IST
ਨੋਵਾਕ ਜੋਕੋਵਿਚ 2004 ਤੋਂ ਬਾਅਦ ਪਹਿਲੀ ਵਾਰ ਆਪਣੇ ਪੁਰਾਣੇ ਵਿਰੋਧੀ ਰਾਫੇਲ ਨਡਾਲ ਦੇ ਬਿਨਾਂ ਫ੍ਰੈਂਚ ਓਪਨ ਵਿੱਚ ਰਿਕਾਰਡ ਤੋੜ 23ਵੇਂ ਗ੍ਰੈਂਡ ਸਲੈਮ ਖਿਤਾਬ ਨੂੰ ਹਾਸਲ ਕਰਨ ਲਈ ਖੇਡਣਗੇ, ਜਦਕਿ ਇਗਾ ਸਵਿਤੇਕ 16 ਸਾਲਾਂ ਵਿੱਚ ਖਿਤਾਬ ਦਾ ਬਚਾਅ ਕਰਨ ਵਾਲੀ ਪਹਿਲੀ ਮਹਿਲਾ ਬਣਨ ਦੀ ਕੋਸ਼ਿਸ਼ ਕਰੇਗੀ।
ਕੂਹਣੀ ਦੀ ਸੱਟ ਨਾਲ ਜੂਝਣ ਅਤੇ ਇਸ ਸੀਜ਼ਨ ਵਿੱਚ ਹੁਣ ਤੱਕ ਆਪਣੇ ਤਿੰਨ ਕਲੇਅ-ਕੋਰਟ ਮੁਕਾਬਲਿਆਂ ਵਿੱਚ ਕੁਆਰਟਰ ਫਾਈਨਲ ਵਿੱਚ ਪਹੁੰਚਣ ਵਿੱਚ ਅਸਫਲ ਰਹਿਣ ਤੋਂ ਬਾਅਦ ਸਰਬੀਆਈ ਅਨੁਭਵੀ ਜੋਕੋਵਿਚ ਖ਼ਿਤਾਬ ਲਈ ਪਸੰਦੀਦਾ ਦਾਵੇਦਾਰ ਖਿਡਾਰੀ ਨਹੀਂ ਹੋਵੇਗਾ।
ਕਾਰਲੋਸ ਅਲਕਾਰਜ਼ ਨੇ ਬਾਰਸੀਲੋਨਾ ਅਤੇ ਮੈਡਰਿਡ ਓਪਨ ਜਿੱਤ ਕੇ ਜੋਕੋਵਿਚ ਤੋਂ ਵਿਸ਼ਵ ਨੰਬਰ ਇੱਕ ਖਿਡਾਰੀ ਦਾ ਅਹੁਦਾ ਖੋਹ ਲਿਆ ਹੈ, ਜਦਕਿ ਡੈਨੀਲ ਮੇਦਵੇਦੇਵ ਰੋਮ ਵਿੱਚ ਆਪਣੇ ਪਹਿਲੇ ਕਲੇਅ ਟੂਰਨਾਮੇਂਟ ਰੋਲੈਂਡ ਗੈਰੋਸ ਦੀ ਜਿੱਤ ਤੋਂ ਬਾਅਦ ਦੂਜੇ ਦਰਜੇ ’ਤੇ ਪਹੁੰਚਿਆ ਹੈ।
ਇਸ ਵਾਰ ਜੋਕੋਵਿਚ ਨੂੰ ਪਤਾ ਹੋਵੇਗਾ ਕਿ ਇਹ 14 ਵਾਰ ਦੇ ਫਰੈਂਚ ਓਪਨ ਵਿੱਚ ਸਭ ਤੋਂ ਵੱਧ ਪੁਰਸ਼ ਸਲੈਮ ਸਿੰਗਲਜ਼ ਖਿਤਾਬਾਂ ਦੀ ਸੂਚੀ ਦੇ ਸਿਖਰ ‘ਤੇ ਰਹਿਣ ਵਾਲੇ ਜੇਤੂ ਖਿਡਾਰੀ ਨਡਾਲ ਦੇ ਰਿਕਾਰਡ ਨੂੰ ਤੋੜਨ ਦਾ ਇੱਕ ਵੱਡਾ ਮੌਕਾ ਹੈ।
ਦੋ ਵਾਰ ਦਾ ਚੈਂਪੀਅਨ ਜੋਕੋਵਿਚ, ਨਡਾਲ ਨਾਲ ਹੋਈਆਂ ਆਪਣੀਆਂ 10 ਫ੍ਰੈਂਚ ਓਪਨ ਗੇਮਾਂ ਵਿੱਚੋਂ ਹੁਣ ਤੱਕ ਅੱਠ ਹਾਰ ਚੁੱਕਾ ਹੈ ਅਤੇ ਇਸ ਸਾਲ ਨਡਾਲ ਆਸਟ੍ਰੇਲੀਅਨ ਓਪਨ ਵਿੱਚ ਕਮਰ ਦੀ ਸੱਟ ਕਾਰਨ ਟੂਰਨਾਮੇਂਟ ਤੋਂ ਬਾਹਰ ਹੈ।
ਇਟਾਲੀਅਨ ਓਪਨ ਦੇ ਆਖ਼ਰੀ ਅੱਠ ਵਿੱਚ ਹੋਲਗਰ ਰੂਨ ਤੋਂ ਹਾਰਨ ਬਾਅਦ ਜੋਕੋਵਿਚ ਨੇ ਕਿਹਾ ਕਿ ਮੈਂ ਜਾਣਦਾ ਹਾਂ ਕਿ ਮੈਂ ਹਮੇਸ਼ਾ ਬਿਹਤਰ ਖੇਡ ਸਕਦਾ ਹਾਂ। ਉਸਨੇ ਕਿਹਾ ਕਿ ਯਕੀਨੀ ਤੌਰ ‘ਤੇ ਮੈਂ ਆਪਣੀ ਖੇਡ ਅਤੇ ਆਪਣੇ ਸਰੀਰ ਦੇ ਵੱਖ-ਵੱਖ ਪਹਿਲੂਆਂ ‘ਤੇ ਕੰਮ ਕਰਨ ਲਈ ਉਤਸੁਕ ਹਾਂ, ਉਮੀਦ ਹੈ ਕਿ ਮੈਂ ਆਪਣੇ ਆਪ ਨੂੰ 100 ਫ਼ੀਸਦੀ ਝੋਕ ਦੇਵਾਂਗਾ ਤੇ ਇਹੀ ਮੇਰਾ ਟੀਚਾ ਹੈ।
ਮਹਿਲਾ ਮੁਕਾਬਲਿਆਂ ਵਿੱਚ ਪਸੰਦੀਦਾ ਵਜੋਂ ਜੇਤੂਆਂ ਦੀ ਦੌੜ ਵਿੱਚ ਮਹਿਲਾ ਸਿੰਗਲਜ਼ ਦੀ ਮੌਜੂਦਾ ਜੇਤੂ ਚੈਂਪੀਅਨ ਸਵਿਏਟੇਕ, ਆਸਟ੍ਰੇਲੀਅਨ ਓਪਨ ਜੇਤੂ ਆਰੀਨਾ ਸਬਲੇਨਕਾ ਅਤੇ ਏਲੇਨਾ ਰਾਇਬਾਕੀਨਾ ਦੀ ਤਿਕੜੀ ਵਿੱਚ ਮੁਕਾਬਲਾ ਹੈ।
ਪਰ ਫ਼ਿਰ ਵੀ ਸਵਿਏਟੇਕ, ਜੋ ਟੂਰਨਾਮੈਂਟ ਦੌਰਾਨ 22 ਸਾਲ ਦੀ ਹੋ ਜਾਂਦੀ ਹੈ, ਚਹੇਤੀ ਖਿਡਾਰੀ ਰਹੇਗੀ ਕਿਉਂਕਿ ਉਸਨੇ 2007 ਵਿੱਚ ਜਸਟਿਨ ਹੇਨਿਨ ਦੁਆਰਾ ਲਗਾਤਾਰ ਤੀਜਾ ਫ੍ਰੈਂਚ ਓਪਨ ਜਿੱਤਣ ਤੋਂ ਬਾਅਦ ਤੀਜੀ ਰੋਲੈਂਡ ਗੈਰੋਸ ਦੀ ਜਿੱਤ ਅਤੇ ਪਹਿਲੀ ਸਫਲ ਮਹਿਲਾ ਖਿਤਾਬੀ ਦਾਵੇਦਾਰੀ ਦੇ ਬਚਾਅ ਨੂੰ ਬਣਾਕੇ ਰੱਖਿਆ ਹੈ।
ਖਿਤਾਬ ਦੀ ਉਮੀਦ ਰੱਖਣ ਵਾਲਿਆਂ ਵਿੱਚ ਪਿਛਲੇ ਸਾਲ ਦੀ ਉਪ ਜੇਤੂ ਕੋਕੋ ਗੌਫ, ਟਿਊਨੀਸ਼ੀਅਨ ਓਨਸ ਜਬਿਊਰ ਅਤੇ ਵਿਸ਼ਵ ਦੀ ਤੀਜੇ ਨੰਬਰ ਦੀ ਜੇਸਿਕਾ ਪੇਗੁਲਾ ਵੀ ਸ਼ਾਮਲ ਹਨ।
