Last Updated :
04 July 2026, 09:51 AM IST
Courtesy: pinterest
ਗੁਰੂਗ੍ਰਾਮ: ਹਰਿਆਣਾ ਦੇ ਗੁਰੂਗ੍ਰਾਮ ਤੋਂ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਪ੍ਰਸ਼ਾਸਨ ਨੇ ਗੈਰ-ਕਾਨੂੰਨੀ ਉਸਾਰੀਆਂ ਖਿਲਾਫ਼ ਵੱਡੀ ਕਾਰਵਾਈ ਕੀਤੀ। ਸ਼ੁੱਕਰਵਾਰ ਨੂੰ ਪ੍ਰਸ਼ਾਸਨ ਨੇ ਗੁਰੂਗ੍ਰਾਮ ਦੇ ਡੀਐਲਐਫ ਫੇਜ਼ 3 ਦੇ ਐਸ ਬਲਾਕ 'ਤੇ ਬੁਲਡੋਜ਼ਰ ਚਲਵਾਇਆ ਗਿਆ ਤੇ ਗੈਰ-ਕਾਨੂਨੀ ਬਣੇ ਕਮਰਿਆਂ ਨੂੰ ਤੋੜਿਆ ਗਿਆ। ਇਸ ਅਭਿਆਨ ਦੇ ਲਪੇਟੇ 'ਚ ਅਭਿਨੇਤਾ ਚੰਦਰਚੂੜ ਸਿੰਘ ਦਾ ਘਰ ਵੀ ਆ ਗਿਆ, ਜਿੱਥੇ ਉਨ੍ਹਾਂ ਦੇ ਘਰ ਦੇ ਬਾਹਰ ਬਣੇ ਕੁੱਝ ਗੈਰ-ਕਾਨੂੰਨੀ ਹਿੱਸਿਆ ਤੇ ਬੁਲਡੋਜ਼ਰ ਚਲਾਇਆ ਗਿਆ। ਕਾਰਵਾਈ ਦੌਰਾਨ ਭਾਰੀ ਪੁਲਿਸ ਫੋਰਸ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀ ਮੌਕੇ 'ਤੇ ਮੌਜੂਦ ਸਨ।
ਟਾਊਨ ਐਂਡ ਕੰਟਰੀ ਪਲੈਨਿੰਗ ਵਿਭਾਗ ਦੇ ਡੀਟੀਪੀਈ (ਜ਼ਿਲ੍ਹਾ ਟਾਊਨ ਪਲੈਨਰ - ਇਨਫੋਰਸਮੈਂਟ) ਅਮਿਤ ਮਾਧੋਲੀਆ ਦੀ ਅਗਵਾਈ ਵਿੱਚ, ਇਹ ਕਾਰਵਾਈ ਦੁਪਹਿਰ 1:00 ਵਜੇ ਦੇ ਕਰੀਬ ਹਾਊਸ ਨੰਬਰ ਐਸਆਰ 18/1 ਵਿਖੇ ਇੱਕ ਗੈਰ-ਕਾਨੂੰਨੀ ਤੌਰ 'ਤੇ ਚੱਲ ਰਹੇ ਪੀਜੀ (ਪੇਇੰਗ ਗੈਸਟ ਰਿਹਾਇਸ਼) ਨੂੰ ਸੀਲ ਕਰਨ ਨਾਲ ਸ਼ੁਰੂ ਹੋਈ। ਇਸ ਪੀਜੀ ਦੇ 90 ਪ੍ਰਤੀਸ਼ਤ ਕਮਰੇ ਪਹਿਲਾਂ ਹੀ ਖਾਲੀ ਸਨ। ਬਾਕੀ 10 ਪ੍ਰਤੀਸ਼ਤ ਵਿੱਚ ਕੁਝ ਨੌਜਵਾਨ ਰਹਿ ਰਹੇ ਸਨ। 26 ਕਮਰਿਆਂ ਵਾਲੇ ਪੀਜੀ ਨੂੰ ਸੀਲ ਕਰਨ ਤੋਂ ਪਹਿਲਾਂ ਉਨ੍ਹਾਂ ਨੂੰ ਆਪਣਾ ਸਮਾਨ ਹਟਾਉਣ ਲਈ ਅੱਧੇ ਘੰਟੇ ਦੀ ਮੋਹਲਤ ਦਿੱਤੀ ਗਈ ਸੀ। ਹਾਊਸ ਨੰਬਰ 18/18 ਵਿਖੇ, ਸਟਿਲਟ ਪਾਰਕਿੰਗ ਖੇਤਰ ਵਿੱਚ ਇੱਕ ਗੈਰ-ਕਾਨੂੰਨੀ ਤੌਰ 'ਤੇ ਬਣਾਇਆ ਗਿਆ ਡਰਾਇੰਗ ਰੂਮ ਇੱਕ ਛੋਟੇ ਬੁਲਡੋਜ਼ਰ ਦੀ ਵਰਤੋਂ ਕਰਕੇ ਢਾਹ ਦਿੱਤਾ ਗਿਆ। ਛੇ ਕਮਰੇ ਸੀਲ ਕਰ ਦਿੱਤੇ ਗਏ। ਇਸ ਤੋਂ ਇਲਾਵਾ, ਪੰਜਵੀਂ ਮੰਜ਼ਿਲ 'ਤੇ ਇੱਕ ਗੈਰ-ਕਾਨੂੰਨੀ ਤੌਰ 'ਤੇ ਬਣਾਇਆ ਗਿਆ ਬੈੱਡਰੂਮ ਸੀਲ ਕਰ ਦਿੱਤਾ ਗਿਆ।
ਜਾਰੀ ਰੱਖਣ ਲਈ ਮੁਹਿੰਮ
ਅਮਿਤ ਮਧੋਲੀਆ ਨੇ ਕਿਹਾ ਕਿ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੇ ਹੁਕਮਾਂ ਦੀ ਪਾਲਣਾ ਵਿੱਚ, ਸਟਿਲਟ ਪਾਰਕਿੰਗ ਖੇਤਰਾਂ ਅਤੇ ਰਿਹਾਇਸ਼ੀ ਘਰਾਂ ਦੇ ਅੰਦਰ ਚੱਲ ਰਹੇ ਪੀਜੀ ਜਾਂ ਗੈਸਟ ਹਾਊਸਾਂ ਵਿੱਚ ਗੈਰ-ਕਾਨੂੰਨੀ ਉਸਾਰੀ ਵਿਰੁੱਧ ਮੁਹਿੰਮ ਜਾਰੀ ਰਹੇਗੀ।
ਚੰਦਰਚੂੜ ਸਿੰਘ ਨੇ ਕੀਤੀ ਅਧਿਕਾਰੀ ਨਾਲ ਮੁਲਾਕਾਤ
ਬੁਲਡੋਜ਼ਰ ਚੱਲਣ ਦੀ ਕਾਰਵਾਈ ਦੌਰਾਨ ਐਕਟਰ ਚੰਦਰਚੂੜ ਵੀ ਉੱਥੇ ਨਜ਼ਰ ਆਏ ਤੇ ਉਨ੍ਹਾਂ ਨੇ ਡੀਟੀਪੀ ਅਧਿਕਾਰੀ ਅਮਿਤ ਮਧੋਲੀਆ ਨਾਲ ਗੱਲਬਾਤ ਕੀਤੀ ਤੇ ਪੁੱਛਿਆ ਕਿ ਇਹ ਤੋੜਫੋੜ ਸਿਰਫ਼ ਘਰ ਦੇ ਬਾਹਰ ਹੋਵੇਗੀ ਜਾਂ ਘਰ ਦੇ ਅੰਦਰ ਵੀ ਕਰਵਾਈ ਜਾਵੇਗੀ। ਇਸ ਤੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਕਾਰਵਾਈ ਸਿਰਫ਼ ਗੈਰ ਕਾਨੂਨੀ ਬਣੇ ਹਿੱਸਿਆਂ ਤੇ ਕੀਤੀ ਜਾ ਰਹੀ ਹੈ।
ਇਸ ਦੌਰਾਨ ਦਾ ਚੰਦਰਚੂੜ ਦਾ ਵੀਡਿਓ ਵੀ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਅਭਿਨੇਤਾ ਖ਼ੁਦ ਘਰ ਦੇ ਬਾਹਰ ਅਧਿਕਾਰੀਆਂ ਨਾਲ ਮੁਲਾਕਾਤ ਕਰਦੇ ਨਜ਼ਰ ਆ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਅਮਿਤ ਮਧੋਲੀਆ ਨੇ ਖੁਦ ਇਸ ਕਾਰਵਾਈ ਦੀ ਜਾਣਕਾਰੀ ਐਕਟਰ ਨੂੰ ਦਿੱਤੀ।
ਗੁਰੂਗ੍ਰਾਮ ਦੇ ਡੀਐਲਐਫ ਫੇਜ਼ 1 ਤੋਂ ਫੇਜ਼ 5 ਵਿੱਚ ਇਸ ਸਮੇਂ ਗੈਰ-ਕਾਨੂੰਨੀ ਉਸਾਰੀਆਂ ਵਿਰੁੱਧ ਇੱਕ ਵੱਡੀ ਮੁਹਿੰਮ ਚੱਲ ਰਹੀ ਹੈ। ਪ੍ਰਸ਼ਾਸਨ ਉਨ੍ਹਾਂ ਖੇਤਰਾਂ ਵਿਰੁੱਧ ਕਾਰਵਾਈ ਕਰ ਰਿਹਾ ਹੈ ਜਿੱਥੇ ਬਿਨਾਂ ਇਜਾਜ਼ਤ ਦੇ ਉਸਾਰੀ ਕੀਤੀ ਗਈ ਹੈ ਜਾਂ ਜਿੱਥੇ ਸਰਕਾਰੀ ਨਿਯਮਾਂ ਦੀ ਉਲੰਘਣਾ ਕੀਤੀ ਗਈ। ਡੀਐਲਐਫ ਫੇਜ਼ 1 ਤੋਂ ਫੇਜ਼ 5 ਤੱਕ ਲਗਭਗ 5,000 ਘਰਾਂ ਦੀ ਪਛਾਣ ਕੀਤੀ ਗਈ ਹੈ। ਇਨ੍ਹਾਂ ਨੂੰ ਸੀਲ ਕਰਕੇ ਢਾਹ ਦਿੱਤਾ ਜਾਵੇਗਾ। ਇਹ ਮੁਹਿੰਮ ਪਿਛਲੇ ਕਈ ਦਿਨਾਂ ਤੋਂ ਵੱਖ-ਵੱਖ ਖੇਤਰਾਂ ਵਿੱਚ ਜਾਰੀ ਹੈ।
ਦੱਸ ਦੇਈਏ, ਚੰਦਰਚੂੜ ਸਿੰਘ ਨੇ "ਮੈਚਸਟਿਕ," "ਤੇਰੇ ਮੇਰੇ ਸਪਨੇ," "ਜੋਸ਼," ਅਤੇ "ਦਾਗ: ਦ ਫਾਇਰ" ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਸੁਸ਼ਮਿਤਾ ਸੇਨ ਦੀ ਵੈੱਬ ਸੀਰੀਜ਼ "ਆਰਿਆ" ਵਿੱਚ ਵੀ ਮੁੱਖ ਭੂਮਿਕਾ ਨਿਭਾਈ, ਜਿਸਨੂੰ ਲੋਕਾਂ ਨੇ ਖੂਬ ਪਸੰਦ ਕੀਤਾ ਸੀ।
