Last Updated :
26 December 2023, 08:01 PM IST
ਨਵੀਂ ਦਿੱਲੀ ਜ਼ਿਲ੍ਹੇ ਵਿੱਚ ਸਥਿਤ ਇਜ਼ਰਾਈਲੀ ਦੂਤਾਵਾਸ ਦੇ ਪਿੱਛੇ ਖਾਲੀ ਪਲਾਟ ਵਿੱਚ ਧਮਾਕਾ ਹੋਣ ਦੀ ਸੂਚਨਾ ਮਿਲੀ ਹੈ। ਸੁਰੱਖਿਆ ਬਲ ਮੌਕੇ 'ਤੇ ਪਹੁੰਚ ਗਏ ਹਨ। ਸੁਰੱਖਿਆ ਕਰਮੀਆਂ ਨੇ ਆਲੇ-ਦੁਆਲੇ ਦੇ ਇਲਾਕੇ ਨੂੰ ਆਪਣੇ ਕਬਜ਼ੇ 'ਚ ਲੈ ਲਿਆ ਹੈ। ਜਾਣਕਾਰੀ ਮੁਤਾਬਕ ਕਿਸੇ ਨੇ ਪੀਸੀਆਰ ਕਾਲ ਕਰ ਕੇ ਧਮਾਕੇ ਦੀ ਸੂਚਨਾ ਦਿੱਤੀ ਸੀ। ਘਟਨਾ ਸੱਤ ਵਜੇ ਦੇ ਕਰੀਬ ਵਾਪਰੀ।
ਦੋ ਸਾਲ ਪਹਿਲਾਂ ਵੀ ਇੱਥੇ ਧਮਾਕਾ ਹੋਇਆ ਸੀ
#WATCH | Delhi Police Crime Unit team and forensics team near the Israel Embassy in Delhi to hold a probe after a call was received about a blast today evening pic.twitter.com/nJjDlIWZsF
— ANI (@ANI) December 26, 2023
ਦੱਸ ਦਈਏ ਕਿ ਜਨਵਰੀ 2021 'ਚ ਵੀ ਨਵੇਂ ਸਾਲ ਦੀ ਸ਼ਾਮ ਨੂੰ ਦੂਤਾਵਾਸ ਦੇ ਨੇੜੇ ਇੱਕ ਕਾਰ 'ਚ ਧਮਾਕਾ ਹੋਇਆ ਸੀ। ਬੰਬ ਕਾਰ ਦੇ ਪਿਛਲੇ ਪਾਸੇ ਲਗਾਇਆ ਹੋਇਆ ਸੀ। ਬੰਬ ਧਮਾਕੇ ਕਾਰਨ ਕੁਝ ਸਮੇਂ ਲਈ ਹਫੜਾ-ਦਫੜੀ ਮੱਚ ਗਈ ਸੀ। ਇਸ ਦੌਰਾਨ ਕਈ ਕਾਰਾਂ ਨੁਕਸਾਨੀਆਂ ਗਈਆਂ ਸਨ। ਧਮਾਕੇ 'ਚ ਕਈ ਕਾਰਾਂ ਦੇ ਸ਼ੀਸ਼ੇ ਟੁੱਟ ਗਏ।
ਸਾਲ 2012 'ਚ ਵੀ ਹੋਇਆ ਸੀ ਧਮਾਕਾ
ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਇਜ਼ਰਾਇਲੀ ਦੂਤਘਰ ਦੇ ਕੋਲ ਇੱਕ ਕਾਰ ਉੱਤੇ ਹਮਲਾ ਹੋਇਆ ਸੀ। ਇਹ ਧਮਾਕਾ ਫਰਵਰੀ 2012 ਵਿੱਚ ਇਜ਼ਰਾਇਲੀ ਦੂਤਘਰ ਦੀ ਕਾਰ ਵਿੱਚ ਹੋਇਆ ਸੀ। ਬਦਮਾਸ਼ਾਂ ਨੇ ਇਸ ਘਟਨਾ ਨੂੰ ਦੁਪਹਿਰ ਕਰੀਬ 3.30 ਵਜੇ ਅੰਜਾਮ ਦਿੱਤਾ ਸੀ। ਦਿੱਲੀ ਪੁਲਿਸ ਮੁਤਾਬਕ ਦੋ ਹਮਲਾਵਰ ਸਫ਼ਦਰਜੰਗ ਰੋਡ 'ਤੇ ਬਾਈਕ 'ਤੇ ਦੂਤਾਵਾਸ ਨੇੜੇ ਆਏ ਸਨ। ਉਨ੍ਹਾਂ ਨੇ ਦੂਤਘਰ ਦੀ ਇਨੋਵਾ ਗੱਡੀ ਦੀ ਖਿੜਕੀ 'ਤੇ ਕੋਈ ਚੀਜ਼ ਚਿਪਕਾਈ ਅਤੇ ਭੱਜ ਗਏ। ਕੁਝ ਮਿੰਟਾਂ ਬਾਅਦ ਧਮਾਕਾ ਹੋਇਆ।
