ਲੜਦੇ-ਲੜਦੇ ਬਿਆਸ ਦਰਿਆ 'ਚ ਡਿੱਗੇ 2 ਡਰਾਈਵਰ

ਮਿੰਨੀ ਬੱਸ ਤੇ ਐਸਯੂਵੀ ਡਰਾਈਵਰਾਂ ਵਿਚਕਾਰ ਲੜਾਈ ਹੋਈ। ਗੱਡੀ ਨੂੰ ਓਵਰਟੇਕ ਕਰਦੇ ਸਮੇਂ ਮਾਮੂਲੀ ਬਹਿਸ ਨੇ ਹਿੰਸਕ ਰੂਪ ਧਾਰਨ ਕਰ ਲਿਆ। ਹਾਲੇ ਤੱਕ ਲਾਪਤਾ ਡਰਾਈਵਰਾਂ ਦਾ ਪਤਾ ਨਹੀਂ ਲੱਗਿਆ ਹੈ। 

ਚੰਡੀਗੜ੍ਹ-ਮਨਾਲੀ ਰਾਸ਼ਟਰੀ ਰਾਜਮਾਰਗ 'ਤੇ ਹੋਈ ਲੜਾਈ ਦੌਰਾਨ ਦੋ ਡਰਾਈਵਰ ਬਿਆਸ ਦਰਿਆ 'ਚ ਡਿੱਗ ਗਏ। ਬਚਾਅ ਟੀਮਾਂ ਦੋਵਾਂ ਦੀ ਭਾਲ ਕਰ ਰਹੀਆਂ ਹਨ।ਸੂਤਰਾਂ ਅਨੁਸਾਰ ਦੋਵਾਂ ਵਿੱਚ ਉਦੋਂ ਝਗੜਾ ਹੋ ਗਿਆ ਜਦੋਂ ਮਿੰਨੀ ਬੱਸ ਚਲਾ ਰਹੇ ਡਰਾਈਵਰ ਨੇ ਐਸਯੂਵੀ ਗੱਡੀ ਨੂੰ ਓਵਰਟੇਕ ਕਰਨ ਦੀ ਕੋਸ਼ਿਸ਼ ਕੀਤੀ। ਲੜਾਈ ਹਿੰਸਕ ਹੋ ਗਈ ਅਤੇ ਦੋਵੇਂ ਵਿਅਕਤੀ ਲੜਦੇ-ਲੜਦੇ ਦਰਿਆ ਵਿੱਚ ਡਿੱਗ ਗਏ।

ਭਾਲ ਵਿੱਚ ਲੱਗੀਆਂ ਬਚਾਅ ਟੀਮਾਂ 

ਚਸ਼ਮਦੀਦਾਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ ਜਿਨ੍ਹਾਂ ਨੇ ਸਟੇਟ ਡਿਜ਼ਾਸਟਰ ਰਿਸਪਾਂਸ ਫੋਰਸ (SDRF) ਨਾਲ ਸੰਪਰਕ ਕੀਤਾ। ਡਰਾਈਵਰਾਂ ਦਾ ਪਤਾ ਲਗਾਉਣ ਲਈ ਮੁਹਿੰਮ ਚਲਾਈ ਗਈ। ਘਟਨਾ ਕਾਰਨ ਇਲਾਕੇ 'ਚ ਟ੍ਰੈਫਿਕ ਜਾਮ ਹੋ ਗਿਆ ਪਰ ਸਥਿਤੀ 'ਤੇ ਕਾਬੂ ਪਾ ਲਿਆ ਗਿਆ। ਬਚਾਅ ਟੀਮਾਂ ਡਰਾਈਵਰਾਂ ਦੀ ਭਾਲ ਕਰ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਮਿੰਨੀ ਬੱਸ ਵਾਲਾ ਡਰਾਈਵਰ ਸੈਲਾਨੀਆਂ ਨੂੰ ਲੈ ਕੇ ਜਾ ਰਿਹਾ ਸੀ ਤਾਂ ਉਸਨੇ ਐਸਯੂਵੀ ਨੂੰ ਓਵਰਟੇਕ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸੇ ਦੌਰਾਨ ਝਗੜਾ ਹੋ ਗਿਆ।