Canada ਵਿੱਚ ਭੱਖਿਆ ਚੋਣ ਅਖਾੜਾ, ਲਿਬਰਲ ਅਤੇ ਕੰਜ਼ਰਵੇਟਿਵ ਪਾਰਟੀ ਵਿਚਕਾਰ ਨੇੜੇ ਦੀ ਟੱਕਰ, ਮਾਮਲਾ 50-50

ਐਨਡੀਪੀ ਦੇ ਆਗੂ ਜਗਮੀਤ ਸਿੰਘ ਦੇ ਸਮਰਥਨ ਵਿੱਚ ਘਾਟ ਦੇਖੀ ਗਈ ਹੈ, ਜਿਸ ਨਾਲ ਪਾਰਟੀ ਨੂੰ ਸਿਰਫ 10-15 ਸੀਟਾਂ ਦੀ ਉਮੀਦ ਹੈ। ਬਲਾਕ ਕਿਊਬੇਕੁਆ ਨੇਤਾ ਈਵ-ਫ੍ਰਾਂਸੁਆ ਬਲਾਂਚੇ ਅਤੇ ਗਰੀਨ ਪਾਰਟੀ ਦੇ ਸਹਿ-ਨੇਤਾ ਐਲਿਜ਼ਾਬੈਥ ਮੇ ਅਤੇ ਜੋਨਾਥਨ ਪੈਡਨੋ ਵੀ ਆਪੋ-ਆਪਣੇ ਖੇਤਰਾਂ ਵਿੱਚ ਪ੍ਰਭਾਵ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।

Canada Elections 2025  : ਕੈਨੇਡਾ ਦੀ 45ਵੀਂ ਫੈਡਰਲ ਚੋਣਾਂ 28 ਅਪ੍ਰੈਲ ਨੂੰ ਹੋਣ ਜਾ ਰਹੀਆਂ ਹਨ, ਇਨ੍ਹਾਂ ਨੂੰ ਲੈ ਕੇ ਪ੍ਰਚਾਰ ਹੁਣ ਆਪਣੇ ਸਿਖਰ ‘ਤੇ ਪਹੁੰਚ ਰਿਹਾ ਹੈ। ਸਰਵੇਖਣਾਂ ਮੁਤਾਬਕ ਲਿਬਰਲ ਪਾਰਟੀ ਅਤੇ ਕੰਜ਼ਰਵੇਟਿਵ ਪਾਰਟੀ ਵਿਚਕਾਰ ਨੇੜੇ ਦੀ ਟੱਕਰ ਹੈ, ਜਿਸ ਨੇ ਵੋਟਰਾਂ ਦੀ ਉਤਸੁਕਤਾ ਨੂੰ ਹੋਰ ਵਧਾ ਦਿੱਤਾ ਹੈ। ਇਸ ਚੋਣ ਦਾ ਮੁੱਖ ਮੁਕਾਬਲਾ ਲਿਬਰਲ ਨੇਤਾ ਮਾਰਕ ਕਾਰਨੀ ਅਤੇ ਕੰਜ਼ਰਵੇਟਿਵ ਨੇਤਾ ਪੀਅਰ ਪੌਲੀਐਵ ਵਿਚਕਾਰ ਹੈ, ਜਦਕਿ ਐਨਡੀਪੀ, ਬਲਾਕ ਕਿਊਬੇਕੁਆ ਅਤੇ ਗਰੀਨ ਪਾਰਟੀ ਵੀ ਮਹੱਤਵਪੂਰਨ ਭੂਮਿਕਾ ਨਿਭਾ ਰਹੀਆਂ ਹਨ। ਕੁਝ ਸਰਵੇਖਣਾਂ ਵਿੱਚ ਜਿੱਥੇ ਲਿਬਰਲ ਪਾਰਟੀ ਅੱਗੇ ਹੈ, ਉੱਥੇ ਹੀ ਕੰਜ਼ਰਵੇਟਿਵ ਪਾਰਟੀ ਦੀ ਲੋਕਪ੍ਰਿਯਤਾ ਵੀ ਤੇਜ਼ੀ ਨਾਲ ਵਧ ਰਹੀ ਹੈ, ਖਾਸਕਰ ਓਨਟਾਰੀਓ ਅਤੇ ਪ੍ਰੈਰੀ ਸੂਬਿਆਂ ਵਿੱਚ। ਐਨਡੀਪੀ ਦੇ ਆਗੂ ਜਗਮੀਤ ਸਿੰਘ ਦੇ ਸਮਰਥਨ ਵਿੱਚ ਘਾਟ ਦੇਖੀ ਗਈ ਹੈ, ਜਿਸ ਨਾਲ ਪਾਰਟੀ ਨੂੰ ਸਿਰਫ 10-15 ਸੀਟਾਂ ਦੀ ਉਮੀਦ ਹੈ। ਬਲਾਕ ਕਿਊਬੇਕੁਆ ਨੇਤਾ ਈਵ-ਫ੍ਰਾਂਸੁਆ ਬਲਾਂਚੇ ਅਤੇ ਗਰੀਨ ਪਾਰਟੀ ਦੇ ਸਹਿ-ਨੇਤਾ ਐਲਿਜ਼ਾਬੈਥ ਮੇ ਅਤੇ ਜੋਨਾਥਨ ਪੈਡਨੋ ਵੀ ਆਪੋ-ਆਪਣੇ ਖੇਤਰਾਂ ਵਿੱਚ ਪ੍ਰਭਾਵ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।

ਜੀਵਨ ਖਰਚ ਅਤੇ ਮਹਿੰਗਾਈ ਮੁੱਖ ਮੁੱਦਾ

ਇੱਕ ਮਹੱਤਵਪੂਰਨ ਸਰਵੇਖਣ ਮੁਤਾਬਕ, 31% ਵੋਟਰ ਜੀਵਨ ਖਰਚਿਆਂ ਅਤੇ ਮਹਿੰਗਾਈ ਨੂੰ ਆਪਣਾ ਮੁੱਖ ਮੁੱਦਾ ਮੰਨਦੇ ਹਨ, ਜਦਕਿ 19% ਅਮਰੀਕਾ ਨਾਲ ਵਪਾਰਕ ਜੰਗ ਅਤੇ ਸਰਹੱਦੀ ਸੁਰੱਖਿਆ ਨੂੰ ਅਹਿਮ ਮੁੱਦਾ ਸਮਝਦੇ ਹਨ। ਸਿਹਤ ਸੰਭਾਲ, ਮਕਾਨ ਸੰਕਟ ਅਤੇ ਜਲਵਾਯੂ ਤਬਦੀਲੀ ਵੀ ਵੋਟਰਾਂ ਦੇ ਮੁੱਖ ਮੁੱਦਿਆਂ ਵਿੱਚ ਸ਼ਾਮਲ ਹਨ। ਚੋਣ ਪ੍ਰਚਾਰ ਦੌਰਾਨ ਸਾਰੀਆਂ ਪਾਰਟੀਆਂ ਨੇ ਵੋਟਰਾਂ ਨੂੰ ਲੁਭਾਉਣ ਲਈ ਵੱਡੇ ਵਾਅਦੇ ਕੀਤੇ ਹਨ। ਲਿਬਰਲ ਪਾਰਟੀ ਨੇ ਮਕਾਨ ਸੰਕਟ ਨੂੰ ਹੱਲ ਕਰਨ ਲਈ ਸਸਤੇ ਮਕਾਨਾਂ ਦੀ ਉਸਾਰੀ, ਸਿਹਤ ਸੰਭਾਲ ਵਿੱਚ ਵਾਧੂ ਨਿਵੇਸ਼ ਅਤੇ ਸਾਫ਼ ਊਰਜਾ ਨੂੰ ਉਤਸ਼ਾਹਿਤ ਕਰਨ ਦੀ ਯੋਜਨਾ ਦਾ ਐਲਾਨ ਕੀਤਾ ਹੈ। ਮਾਰਕ ਕਾਰਨੀ ਨੇ ਅਮਰੀਕਾ ਨਾਲ ਵਪਾਰਕ ਸਬੰਧਾਂ ਨੂੰ ਮਜ਼ਬੂਤ ਕਰਨ ਅਤੇ ਇੱਕ “ਪੂਰਬ-ਪੱਛਮ” ਬਿਜਲੀ ਗਰਿੱਡ ਬਣਾਉਣ ਦਾ ਵਾਅਦਾ ਕੀਤਾ ਹੈ।

ਵਾਅਦਿਆਂ ਦੀ ਝੜੀ

ਕੰਜ਼ਰਵੇਟਿਵ ਪਾਰਟੀ ਦਾ ਫੋਕਸ ਟੈਕਸਾਂ ਵਿੱਚ ਕਟੌਤੀ, ਅਪਰਾਧ ਨੂੰ ਘਟਾਉਣ ਅਤੇ ਸਰਕਾਰੀ ਖਰਚਿਆਂ ਨੂੰ ਨਿਯੰਤਰਿਤ ਕਰਨ ‘ਤੇ ਹੈ। ਪੀਅਰ ਪੌਲੀਐਵ ਨੇ “ਕਾਮਨ ਸੈਂਸ” ਨੀਤੀਆਂ ‘ਤੇ ਜ਼ੋਰ ਦਿੱਤਾ ਹੈ, ਜਿਸ ਵਿੱਚ ਸਰਕਾਰੀ ਨੌਕਰਸ਼ਾਹੀ ਨੂੰ ਘਟਾਉਣਾ ਸ਼ਾਮਲ ਹੈ। ਐਨਡੀਪੀ ਨੇ ਸਿਹਤ ਸੰਭਾਲ ਨੂੰ ਮਜ਼ਬੂਤ ਕਰਨ, ਅਮੀਰਾਂ ‘ਤੇ ਟੈਕਸ ਵਧਾਉਣ ਅਤੇ ਮਜ਼ਦੂਰਾਂ ਦੇ ਹੱਕਾਂ ਨੂੰ ਸੁਰੱਖਿਅਤ ਕਰਨ ਦੀ ਗੱਲ ਕੀਤੀ ਹੈ। ਬਲਾਕ ਕਿਊਬੇਕੁਆ ਨੇ ਕਿਊਬੈਕ ਦੀ ਸਭਿਆਚਾਰਕ ਪਛਾਣ ‘ਤੇ ਜ਼ੋਰ ਦਿੱਤਾ, ਜਦਕਿ ਗਰੀਨ ਪਾਰਟੀ ਨੇ ਜਲਵਾਯੂ ਸੰਕਟ ਨਾਲ ਨਜਿੱਠਣ ਲਈ ਤੁਰੰਤ ਕਾਰਵਾਈ ਦੀ ਮੰਗ ਕੀਤੀ।

ਰੈਲੀਆਂ ਵਿੱਚ ਹਜ਼ਾਰਾਂ ਲੋਕ ਸ਼ਾਮਲ ਹੋ ਰਹੇ 

ਚੋਣ ਪ੍ਰਚਾਰ ਦੇ ਤੀਜੇ ਹਫ਼ਤੇ, ਵੱਖ ਵੱਖ ਆਗੂਆਂ ਦੀਆਂ ਰੈਲੀਆਂ ਵਿੱਚ ਹਜ਼ਾਰਾਂ ਲੋਕ ਸ਼ਾਮਲ ਹੋ ਰਹੇ ਹਨ। ਪੌਲੀਐਵ ਦੀਆਂ ਰੈਲੀਆਂ ਵਿੱਚ ਭੀੜ ਨੂੰ ਵੇਖਦਿਆਂ ਕੰਜ਼ਰਵੇਟਿਵ ਸਮਰਥਕਾਂ ਵਿੱਚ ਜੋਸ਼ ਨਜ਼ਰ ਆ ਰਿਹਾ ਹੈ, ਪਰ ਮਾਹਿਰਾਂ ਦਾ ਕਹਿਣਾ ਹੈ ਕਿ ਰੈਲੀਆਂ ਦਾ ਆਕਾਰ ਹਮੇਸ਼ਾ ਜਿੱਤ ਦੀ ਗਾਰੰਟੀ ਨਹੀਂ ਹੁੰਦਾ। ਦੂਜੇ ਪਾਸੇ, ਕਾਰਨੀ ਦੀਆਂ ਨੀਤੀਆਂ, ਖਾਸਕਰ ਅਮਰੀਕਾ ਨਾਲ ਵਪਾਰਕ ਸਬੰਧਾਂ ਨੂੰ ਲੈ ਕੇ, ਵੋਟਰਾਂ ਵਿੱਚ ਮਿਸ਼ਰਤ ਪ੍ਰਤੀਕਿਰਿਆ ਪੈਦਾ ਕਰ ਰਹੀਆਂ ਹਨ।

ਵੋਟਰਾਂ ਵਿੱਚ ਪਹਿਲਾਂ ਨਾਲੋਂ ਵੱਧ ਉਤਸ਼ਾਹ 

ਚੋਣ ਨੂੰ ਪ੍ਰਭਾਵਿਤ ਕਰਨ ਵਾਲੇ ਮੁੱਦਿਆਂ ਵਿੱਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀਆਂ ਵਪਾਰਕ ਧਮਕੀਆਂ ਵੀ ਸ਼ਾਮਲ ਹਨ, ਜਿਨ੍ਹਾਂ ਕਾਰਨ ਕੈਨੇਡਾ ਨੇ ਅਮਰੀਕੀ ਵਸਤੂਆਂ ‘ਤੇ ਜਵਾਬੀ ਟੈਰਿਫ ਲਗਾਏ ਹਨ। ਇਸ ਨੇ ਵੋਟਰਾਂ ਦੇ ਮਨਾਂ ਵਿੱਚ ਆਰਥਿਕ ਸੁਰੱਖਿਆ ਦਾ ਮੁੱਦਾ ਹੋਰ ਅਹਿਮ ਕਰ ਦਿੱਤਾ ਹੈ। ਇਸ ਵਾਰ ਵੋਟਰਾਂ ਵਿੱਚ ਪਹਿਲਾਂ ਨਾਲੋਂ ਵੱਧ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ। ਇਲੈਕਸ਼ਨਜ਼ ਕੈਨੇਡਾ ਮੁਤਾਬਕ, 1 ਲੱਖ ਤੋਂ ਵੱਧ ਲੋਕ ਪਹਿਲਾਂ ਹੀ ਵੋਟ ਪਾ ਚੁੱਕੇ ਹਨ। ਅਗਾਊਂ ਵੋਟਿੰਗ 18 ਤੋਂ 22 ਅਪ੍ਰੈਲ ਤੱਕ ਹੋਵੇਗੀ, ਅਤੇ ਵੋਟਰਾਂ ਨੂੰ ਆਪਣੇ ਨੇੜਲੇ ਵੋਟਿੰਗ ਸਟੇਸ਼ਨ ਦੀ ਜਾਣਕਾਰੀ ਲਈ ਇਲੈਕਸ਼ਨਜ਼ ਕੈਨੇਡਾ ਦੀ ਵੈਬਸਾਈਟ ਦੀ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।
 

• 

  ਕੈਨੇਡਾ ‘ਚ ਸਟਡੀ ਵੀਜ਼ੇ ‘ਤੇ ਗਏ ਤਿੰਨ ਪੰਜਾਬੀ ਮੁੰਡੇ ਗ੍ਰਿਫ਼ਤਾਰ, ਸੁਪਨੇ ਟੁੱਟੇ ਜਾਂ ਸੱਚ ਸਾਹਮਣੇ ਆਇਆ?

  punjabtocanada

• 

  ਕੈਨੇਡਾ ਵਿਚ ਬਿਸ਼ਨੋਈ ਗੈਂਗ ਨੂੰ ਭਾਰਤ ਨਾਲ ਜੋੜਿਆ ਗਿਆ, ਗੁਪਤ ਪੁਲਿਸ ਰਿਪੋਰਟ ਨਾਲ ਵੱਡਾ ਖੁਲਾਸਾ

  punjabtocanada

• 

  ਕੈਨੇਡਾ ਵਿੱਚ ਅਣਅਧਿਕਾਰਤ ਖਾਲਿਸਤਾਨ ਰੈਫਰੈਂਡਮ ਵਿੱਚ ਤਿਰੰਗੇ ਦਾ ਅਪਮਾਨ ਹੋਣ ਤੋਂ ਬਾਅਦ ਗੁੱਸਾ

  punjabtocanada

• 

  ਬਿਸ਼ਨੋਈ ਗੈਂਗ ਦੀ ਕੈਨੇਡਾ ਦਹਿਸ਼ਤ: ਭਾਰਤੀ ਮੂਲ ਦੇ ਕਾਰੋਬਾਰੀ ਦੀ ਹੱਤਿਆ, ਪੰਜਾਬੀ ਗਾਇਕ ਦੇ ਘਰ ਨੂੰ ਬਣਾਇਆ ਨਿਸ਼ਾਨਾ

  National

• 

  ਪੰਜਾਬ: ਕੰਟਰੈਕਟ ਮੈਰਿਜ... ਆਈਲੈਟਸ ਪਾਸ ਕਰਨ ਵਾਲੀ ਕੁੜੀ ਨਾਲ ਵਿਆਹ, ਪਤੀ ਨੇ ਕੈਨੇਡਾ ਭੇਜਣ ਲਈ 33 ਲੱਖ ਰੁਪਏ ਖਰਚ ਕੀਤੇ ਅਤੇ ਫਿਰ ਮਿਲਿਆ ਧੋਖਾ

  punjabtocanada