Last Updated :
09 April 2023, 01:15 PM IST
ਸੀਨੀਅਰ ਭਾਰਤੀ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਨੇ ਕਾਊਂਟੀ ਚੈਂਪੀਅਨਸ਼ਿਪ ਡਿਵੀਜ਼ਨ ਚ ਡਰਹਮ ਖਿਲਾਫ ਪਹਿਲੀ ਪਾਰੀ ਚ ਸਸੇਕਸ ਲਈ ਸੈਂਕੜਾ ਲਗਾਇਆ। ਉਨਾਂ ਦੀ ਇਸ ਪਾਰੀ ਅਤੇ ਇਸ ਟੂਰਨਾਮੈਂਟ ਵਿੱਚ ਖੇਡਣ ਨੂੰ ਆਉਣ ਵਾਲੇ ਵਿਸ਼ਵ ਟੈੱਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਦੀ ਤਿਆਰੀ ਵਜੋਂ ਦੇਖਿਆ ਜਾ ਰਿਹਾ ਹੈ। ਪੁਜਾਰਾ ਨੂੰ ਇਸ ਸੀਜ਼ਨ ਲਈ ਸਸੇਕਸ ਨੇ ਕਪਤਾਨ ਬਣਾਇਆ ਹੈ।
ਪੁਜਾਰਾ, ਜਿਸ ਨੂੰ ਇਸ ਸੀਜ਼ਨ ਲਈ ਕਪਤਾਨ ਬਣਾਇਆ ਗਿਆ ਹੈ, ਨੇ ਦੂਜੇ ਦਿਨ 55ਵੇਂ ਓਵਰ ਚ ਬ੍ਰਾਈਡਨ ਕਾਰਸੇ ਤੇ 134ਵੀ ਗੇਂਦ ਤੇ ਚੌਕੇ ਲਗਾ ਕੇ ਆਪਣਾ ਸੈਂਕੜਾ ਪੂਰਾ ਕੀਤਾ। ਮੱਧ ਤੱਕ ਪਹੁੰਚਦੇ ਹੋਏ ਜਦੋਂ ਉਸਦੀ ਟੀਮ 2 ਵਿਕਟਾਂ ਤੇ 44 ਦੌੜਾਂ ਤੇ ਸੀ, ਪੁਜਾਰਾ ਨੇ 163 ਗੇਂਦਾਂ ਤੇ 115 ਦੌੜਾਂ ਬਣਾ ਕੇ ਡਰਹਮ ਦੀ ਬੜ੍ਹਤ ਨੂੰ ਛੋਟਾ ਕੀਤਾ ਕਿਉਂਕਿ ਉਸਨੇ ਟਾਮ ਕਲਾਰਕ ਨਾਲ 112 ਦੌੜਾਂ ਦੀ ਮਹੱਤਵਪੂਰਨ ਸਾਂਝੇਦਾਰੀ ਕੀਤੀ। ਸਸੇਕਸ ਨੇ ਡਰਹਮ ਨੂੰ ਪਹਿਲੀ ਪਾਰੀ ਚ 376 ਦੌੜਾਂ ਤੇ ਆਊਟ ਕਰ ਦਿੱਤਾ ਸੀ।ਪੁਜਾਰਾ ਨੂੰ ਆਖ਼ਰਕਾਰ ਮੱਧਮ ਤੇਜ਼ ਗੇਂਦਬਾਜ਼ ਬੇਨ ਰੇਨ ਦੁਆਰਾ ਲੱਤ ਤੇ ਬਾਲ ਫਸਾ ਕੇ ਆਊਟ ਕਰ ਦਿੱਤਾ ਗਿਆ। ਪੁਜਾਰਾ, ਜੋ ਜੂਨ ਵਿੱਚ ਲੰਡਨ ਦੇ ਓਵਲ ਵਿੱਚ ਆਸਟਰੇਲੀਆ ਵਿਰੁੱਧ ਡਬਲਯੂਟੀਸੀ ਫਾਈਨਲ ਖੇਡਣ ਵਾਲੀ ਭਾਰਤੀ ਟੀਮ ਦਾ ਇੱਕ ਮਹੱਤਵਪੂਰਣ ਮੈਂਬਰ ਹਨ , ਨੇ ਆਪਣੀ ਪਾਰੀ ਦੌਰਾਨ 13 ਵਾਰ ਗੇਂਦ ਨੂੰ ਫੈਂਸ ਦੇ ਪਾਰ ਭੇਜਿਆ । ਉਨਾਂ ਦੀ ਇਸ ਪਾਰੀ ਅਤੇ ਇਸ ਟੂਰਨਾਮੈਂਟ ਵਿੱਚ ਖੇਡਣ ਨੂੰ ਆਉਣ ਵਾਲੇ ਵਿਸ਼ਵ ਟੈੱਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਦੀ ਤਿਆਰੀ ਵਜੋਂ ਦੇਖਿਆ ਜਾ ਰਿਹਾ ਹੈ। ਪਿਛਲੇ ਸੀਜ਼ਨ ਵਿੱਚ, ਪੁਜਾਰਾ ਨੇ ਪੰਜ ਸੈਂਕੜੇ ਬਣਾਏ ਸਨ, ਅਤੇ ਅੱਠ ਮੈਚਾਂ ਵਿੱਚ 1094 ਦੌੜਾਂ ਬਣਾ ਕੇ ਚੈਂਪੀਅਨਸ਼ਿਪ ਵਿੱਚ ਚੌਥੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਸਨ। ਭਾਰਤ ਦਾ ਓਵਲ ਵਿੱਚ 7 ਜੂਨ ਤੋਂ ਹੋਣ ਵਾਲੇ ਡਬਲਯੂਟੀਸੀ ਫਾਈਨਲ ਵਿੱਚ ਆਸਟਰੇਲੀਆ ਨਾਲ ਮੁਕਾਬਲਾ ਹੋਵੇਗਾ। ਜਦੋਂ ਕਿ ਆਸਟਰੇਲੀਆ ਨੇ ਪਹਿਲੀ ਵਾਰ ਡਬਲਯੂਟੀਸੀ ਲਈ ਕੁਆਲੀਫਾਈ ਕੀਤਾ ਹੈ, ਇਹ ਭਾਰਤ ਦਾ ਲਗਾਤਾਰ ਦੂਜਾ ਫਾਈਨਲ ਹੈ। ਭਾਰਤ ਨੂੰ WTC ਫਾਈਨਲ ਵਿੱਚ ਨਿਊਜ਼ੀਲੈਂਡ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।ਇਸ ਵਾਰ ਭਾਰਤੀਆ ਕ੍ਰਿਕਟ ਟੀਮ ਦੇ ਪ੍ਰਸ਼ੰਸਕ ਇਸ ਫਾਈਨਲ ਨੂੰ ਲੈ ਕੇ ਬਹੁਤ ਉਤਸਾਹਿਤ ਹਨ ਅਤੇ ਉਮੀਦ ਕਰ ਰਹੇ ਹਨ ਕਿ ਇਸ ਵਾਰ ਭਾਰਤ ਇਸ ਫਾਈਨਲ ਨੂੰ ਜਿੱਤ ਲਵੇ।
