Last Updated :
12 July 2023, 04:13 PM IST
ਮਹਾਨ ਸਪਿਨਰ ਹਰਭਜਨ ਸਿੰਘ ਦਾ ਮੰਨਣਾ ਹੈ ਕਿ ਰੋਹਿਤ ਸ਼ਰਮਾ ਨੂੰ ਆਗਾਮੀ ਸਮੇਂ ਵਿੱਚ ਭਾਰਤੀ ਕ੍ਰਿਕਟ ਅਦਾਰੇ ਤੋਂ ਹਰ ਤਰ੍ਹਾਂ ਦੇ ਸਮਰਥਨ ਦੀ ਲੋੜ ਹੈ ਕਿਉਂਕਿ ਲੋਕ ਉਸਦੀ ਕਪਤਾਨੀ ਦੀ ਬਹੁਤ ਜਿਆਦਾ ਆਲੋਚਨਾ ਕਰ ਰਹੇ ਹਨ। ਹਾਲ ਹੀ ਦੇ ਹਫ਼ਤਿਆਂ ਵਿੱਚ, ਭਾਰਤੀ ਕਪਤਾਨ ਨੂੰ ਪ੍ਰਸ਼ੰਸਕਾਂ ਅਤੇ ਸਾਬਕਾ ਕ੍ਰਿਕੇਟਰਾਂ ਤੋਂ ਬਹੁਤ ਜ਼ਿਆਦਾ ਆਲੋਚਨਾ ਮਿਲੀ ਹੈ, ਜਿਸ ਵਿੱਚ ਮਹਾਨ ਸੁਨੀਲ ਗਾਵਸਕਰ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੇ ਮਹਿਸੂਸ ਕੀਤਾ ਕਿ ਆਸਟਰੇਲੀਆ ਦੇ ਖਿਲਾਫ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂਟੀਸੀ) ਫਾਈਨਲ ਵਿੱਚ ਉਸਦੀ ਅਗਵਾਈ ਸਹੀ ਨਹੀਂ ਸੀ। ਹਾਲਾਂਕਿ, ਹਰਭਜਨ, ਜਿਸ ਨੇ ਭਾਰਤੀ ਟੀਮ ਦੇ ਨਾਲ-ਨਾਲ ਮੁੰਬਈ ਇੰਡੀਅਨਜ਼ ਦੇ ਡਰੈਸਿੰਗ ਰੂਮ ਵਿੱਚ ਵੀ ਰੋਹਿਤ ਨਾਲ ਕਾਫ਼ੀ ਸਮਾਂ ਬਿਤਾਇਆ ਹੈ ਅਤੇ ਉਸ ਨੇ ਸਾਰਿਆਂ ਨੂੰ ਯਾਦ ਕਰਵਾਇਆ ਕਿ ਉਹ ਆਪਣੇ ਸਾਥੀਆਂ ਦਾ ਕਿਨ੍ਹਾਂ ਸਤਿਕਾਰ ਕਰਦਾ ਹੈ।
ਹਰਭਜਨ ਨੇ ਵੈਸਟ ਇੰਡੀਜ਼ ਦੇ ਖਿਲਾਫ ਭਾਰਤ ਦੇ ਅਗਲੀ ਟੈਸਟ ਸੀਰੀਜ਼ ਤੋਂ ਪਹਿਲਾਂ ਇੱਕ ਇੰਟਰਵਿਊ ਵਿੱਚ ਪੀਟੀਆਈ ਨੂੰ ਕਿਹਾ, “ਮੈਨੂੰ ਲੱਗਦਾ ਹੈ ਕਿ ਲੋਕ ਥੋੜੀ ਜਿਆਦਾ ਸਖਤੀ ਦਿਖਾ ਰਹੇ ਹਨ… ਜਿਸ ਤਰ੍ਹਾਂ ਕਿ ਰੋਹਿਤ ਦੀ ਆਲੋਚਨਾ ਕੀਤੀ ਗਈ ਹੈ। ਕ੍ਰਿਕਟ ਇੱਕ ਟੀਮ ਗੇਮ ਹੈ ਅਤੇ ਇਕੱਲਾ ਵਿਅਕਤੀ ਤੁਹਾਨੂੰ ਜਿੱਤ ਨਹੀਂ ਦਿਲਵਾ ਸਕਦਾ।”.ਉਸਨੇ ਅੱਗੇ ਕਿਹਾ ਕਿ ਰੋਹਿਤ ਨੂੰ ਬੀ.ਸੀ.ਸੀ.ਆਈ. ਤੋਂ ਸਮਰਥਨ ਮਿਲਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਦਾ ਸਮਰਥਨ ਮਿਲਣ ਨਾਲ ਉਸ ਨੂੰ ਸਹੀ ਸਮੇਂ ‘ਤੇ ਸਹੀ ਤਰ੍ਹਾਂ ਦਾ ਫੈਸਲਾ ਲੈਣ ਵਿਚ ਮਦਦ ਮਿਲੇਗੀ।
ਚੇਤੇਸ਼ਵਰ ਪੁਜਾਰਾ, ਜੋ ਭਾਰਤ ਦੇ ਬੱਲੇਬਾਜ਼ੀ ਕ੍ਰਮ ਵਿੱਚ ਨੰਬਰ 3 ‘ਤੇ ਹੈ, ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ ਅਤੇ ਹਰਭਜਨ ਨੂੰ ਲੱਗਦਾ ਹੈ ਕਿ ਭਾਰਤੀ ਕ੍ਰਿਕਟ ਨੇ ਉਸ ਦੇ ਯੋਗਦਾਨ ਦੀ ਕਦਰ ਕਰਨਾ ਬਿਲਕੁਲ ਨਹੀਂ ਸਿੱਖਿਆ ਹੈ। ਉਸਨੇ ਕਿਹਾ ਕਿ ਪੁਜਾਰਾ ਦੇ ਮਾਮਲੇ ਵਿਚ ਅਸੀਂ ਟੈਸਟ ਵਿਚ ਦੌੜਾਂ ਬਣਾਉਣ ਦੇ ਉਸ ਦੇ ਸਟ੍ਰਾਈਕ-ਰੇਟ ਬਾਰੇ ਸੁਣਦੇ ਰਹਿੰਦੇ ਹਾਂ ਪਰ ਉਸ ਸਟ੍ਰਾਈਕ-ਰੇਟ ਕਾਰਨ, ਵਿਕਟਾਂ ਬਰਕਰਾਰ ਰਹਿੰਦੀਆਂ ਹਨ ਅਤੇ ਇਹ ਬਹੁਤ ਵੱਡਾ ਯੋਗਦਾਨ ਹੈ।
ਅਸ਼ਵਿਨ ਅਤੇ ਜਡੇਜਾ ਤੋਂ ਬਾਅਦ ਸਪਿਨ ਗੇਂਦਬਾਜ਼ੀ ਦੇ ਵਿਕਲਪਾਂ ‘ਤੇਭਾਰਤੀ ਟੀਮ ਨੂੰ ਘਰੇਲੂ ਟੈਸਟਾਂ ਵਿੱਚ ਰਵੀਚੰਦਰਨ ਅਸ਼ਵਿਨ (474 ਵਿਕਟਾਂ) ਅਤੇ ਰਵਿੰਦਰ ਜਡੇਜਾ (268 ਵਿਕਟਾਂ) ਨੇ ਸ਼ਲਾਘਾਯੋਗ ਕੰਮ ਕੀਤਾ ਹੈ। ਹਾਲਾਂਕਿ, ਅਸ਼ਵਿਨ 37 ਅਤੇ ਜਡੇਜਾ 35 ਦੇ ਨੇੜੇ ਹਨ, ਅਤੇ ਟੀਮ ਨੂੰ ਨੇੜਲੇ ਭਵਿੱਖ ਵਿੱਚ ਹੋਰ ਵਿਕਲਪਾਂ ਦੀ ਖੋਜ ਕਰਨ ਦੀ ਲੋੜ ਹੋਵੇਗੀ। ਉਸਨੇ ਕਿਹਾ ਕਿ ਸਪਿਨਰਾਂ ਨੂੰ ਵਿਸ਼ਵਾਸ ਦਿਬਾਉਣਾ ਹੋਵੇਗਾ ਅਤੇ ਉਨ੍ਹਾਂ ਨੂੰ ਰਣਜੀ ਟਰਾਫੀ ਖੇਡਣ ਲਈ ਪ੍ਰੇਰਿਤ ਕਰਨਾ ਹੋਵੇਗਾ ਤਾਂ ਕਿ ਉਹ ਲੰਬੇ ਸਮੇਂ ਤੱਕ ਗੇਂਦਬਾਜ਼ੀ ਕਰਨ ਦੀ ਕਲਾ ਸਿੱਖ ਸਕਣ।
