Last Updated :
23 May 2023, 01:49 PM IST
ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੇ ਸਾਬਕਾ ਸਟਾਰ ਏਬੀ ਡਿਵਿਲੀਅਰਸ ਨੇ ਕਿਹਾ ਕਿ ਐਤਵਾਰ ਨੂੰ ਬੈਂਗਲੁਰੂ ਦੇ ਚਿੰਨਾਸਵਾਮੀ ਸਟੇਡੀਅਮ ‘ਚ ਗੁਜਰਾਤ ਟਾਈਟਨਸ ਤੋਂ ਟੀਮ ਦੀ ਛੇ ਵਿਕਟਾਂ ਨਾਲ ਹਾਰ ਨੂੰ ਸਵੀਕਾਰ ਕਰਨਾ ਬੜਾ ਔਖਾ ਹੈ। ਇਸ ਹਾਰ ਦਾ ਮਤਲਬ ਹੈ ਕਿ ਮੇਜ਼ਬਾਨ ਟੀਮ ਇੰਡੀਅਨ ਪ੍ਰੀਮੀਅਰ ਲੀਗ 2023 ਦੇ ਚੱਲ ਰਹੇ ਸੀਜ਼ਨ ਵਿੱਚ ਪਲੇਆਫ ਲਈ ਕੁਆਲੀਫਾਈ ਨਹੀਂ ਕਰ ਸਕੀ।
ਡਿਵਿਲੀਅਰਸ ਨੇ ਟਵਿੱਟਰ ‘ਤੇ ਲਿਖਿਆ ਕਿ ਇਸ ਹਾਰ ਨੂੰ ਸਹਿਣਾ ਕਰਨਾ ਬੜਾ ਔਖਾ ਹੈ। ਆਰਸੀਬੀ ਦੁਆਰਾ ਚੰਗੀ ਕੋਸ਼ਿਸ਼ ਕੀਤੀ ਗਈ। ਸ਼ੁਭਮਨ ਗਿੱਲ ਅਤੇ ਟਾਈਟਨਸ ਅੱਜ ਬਹੁਤ ਵਧੀਆ ਖੇਡੇ। 39 ਸਾਲਾ ਖਿਡਾਰੀ ਨੇ ਵਿਰਾਟ ਕੋਹਲੀ ਦੀ ਇਹ ਕਹਿੰਦੇ ਹੋਏ ਸ਼ਲਾਘਾ ਵੀ ਕੀਤੀ ਕਿ ਵਿਰਾਟ ਉਦੋਂ ਮੌਜੂਦ ਹੁੰਦਾ ਹੈ ਜਦੋਂ ਸਾਨੂੰ ਉਸਦੀ ਲੋੜ ਹੁੰਦੀ ਹੈ।
ਕੋਹਲੀ ਦੇ ਸੈਂਕੜੇ ਦੇ ਬਾਵਜੂਦ ਆਰਸੀਬੀ ਦੀ ਟੀਮ ਉਸ ਮੁਕਾਮ ਨੂੰ ਸਰ ਨਹੀਂ ਕਰ ਸਕੀ ਕਿਉਂਕਿ ਸ਼ੁਭਮਨ ਗਿੱਲ ਨੇ ਸ਼ਾਨਦਾਰ ਸੈਂਕੜਾ ਲਗਾਇਆ। ਨਤੀਜੇ ਨੇ ਚੌਥੀ ਟੀਮ ਦੇ ਪਲੇਆਫ ਵਿੱਚ ਮੁੰਬਈ ਇੰਡੀਅਨਜ਼ ਦੇ ਦਾਖਲੇ ਦਾ ਰਾਹ ਪੱਧਰਾ ਕਰ ਦਿੱਤਾ। ਕੋਹਲੀ ਨੇ ਆਈਪੀਐਲ ਵਿੱਚ ਸੱਤਵਾਂ ਸੈਂਕੜਾ ਲਗਾਇਆ ਸੀ।
ਜੀਟੀ ਨੇ 19.1 ਓਵਰਾਂ ਵਿੱਚ ਟੀਚਾ ਹਾਸਲ ਕਰਕੇ ਆਰਸੀਬੀ ਦੀਆਂ ਉਮੀਦਾਂ ‘ਤੇ ਪਾਣੀ ਫੇਰ ਦਿੱਤਾ। ਜੀਟੀ ਲਈ ਫਾਰਮ ਵਿੱਚ ਚੱਲ ਰਿਹਾ ਖਿਡਾਰੀ ਜੋ ਕਿ 52 ਗੇਂਦਾਂ ਵਿੱਚ 104 ਦੌੜਾਂ ਬਣਾ ਕੇ ਅਜੇਤੂ ਰਿਹਾ, ਦੂਜੇ ਪਾਸੇ ਵਿਜੇ ਸ਼ੰਕਰ ਨੇ ਮੀਂਹ ਕਾਰਨ ਦੇਰੀ ਵਾਲੇ ਮੈਚ ਵਿੱਚ 35 ਗੇਂਦਾਂ ਵਿੱਚ 53 ਦੌੜਾਂ ਬਣਾਈਆਂ।
ਪਹਿਲਾਂ ਬੱਲੇਬਾਜ਼ੀ ਦੀ ਚੁਨੌਤੀ ਮਿਲਣ ਤੋਂ ਬਾਅਦ ਆਰਸੀਬੀ ਦੇ ਫਾਫ ਡੂ ਪਲੇਸਿਸ ਸਮੇਤ ਵਿਰਾਟ ਕੋਹਲੀ ਨੇ ਆਪਣੀ ਮਰਜ਼ੀ ਅਨੁਸਾਰ ਚੌਕੇ ਲਗਾ ਕੇ ਪਾਰੀ ਦੀ ਤੇਜ਼ ਸ਼ੁਰੂਆਤ ਕੀਤੀ। ਕੋਹਲੀ ਦਾ ਇਹ ਲਗਾਤਾਰ ਦੂਜਾ ਸੈਂਕੜਾ ਸੀ।
ਡੂ ਪਲੇਸਿਸ ਹਾਰ ਤੋਂ ਬਾਅਦ ਆਪਣੀ ਨਿਰਾਸ਼ਾ ਨੂੰ ਛੁਪਾ ਨਹੀਂ ਸਕੇ ਅਤੇ ਕਿਹਾ ਕਿ ਮੈਂ ਮੁੰਡਿਆਂ ਤੋਂ ਹੋਰ ਬਿਹਤਰ ਕਰਨ ਦੀ ਆਸ ਨਹੀਂ ਕਰ ਸਕਦਾ ਸੀ। ਪਿਛਲੇ ਸਾਲ ਸਾਡੇ ਲਈ ਸਭ ਕੁਝ ਠੀਕ ਰਿਹਾ। ਅਸੀਂ ਹੋਰਾਂ ਤੋਂ ਚੁਣੌਤੀ ਦੀ ਉਮੀਦ ਕਰਦੇ ਸੀ। ਮੁੰਡਿਆਂ ਨੇ ਸ਼ਾਨਦਾਰ ਖੇਡ ਦਿਖਾਇਆ।
ਡੂ ਪਲੇਸਿਸ ਨੇ ਕਿਹਾ ਕਿ ਵਿਰਾਟ ਨੇ ਸਾਨੂੰ ਇੱਕ ਮੌਕਾ ਦੇਣ ਲਈ ਇੱਕ ਉੱਤਮ ਪਾਰੀ ਖੇਡੀ ਅਤੇ ਅਸੀਂ ਸੋਚਿਆ ਕਿ ਇਹ ਸਾਡੇ ਲਈ ਇੱਕ ਚੰਗਾ ਸਕੋਰ ਹੋਵੇਗਾ ਪਰ ਸ਼ੁਭਮਨ ਨੇ ਸ਼ਾਨਦਾਰ ਖੇਡ ਦਿਖਾਉਂਦੇ ਹੋਏ ਸਾਡੇ ਤੋਂ ਇਹ ਮੈਚ ਖੋਹ ਲਿਆ। ਦਿਨੇਸ਼ ਕਾਰਤਿਕ ਦੀ ਬੱਲੇਬਾਜੀ ਨੇ ਇਸ ਸੀਜ਼ਨ ਵਿੱਚ ਨਿਰਾਸ਼ ਕੀਤਾ ਜਦ ਕਿ ਪਿਛਲੇ ਸਾਲ ਉਸਨੇ ਸਾਰੇ ਪੱਖਾਂ ਤੋਂ ਬਹੁਤ ਵਧੀਆ ਖੇਡ ਦਿਖਾਈ ਸੀ ਪਰ ਇਸ ਸੀਜ਼ਨ ਵਿੱਚ ਅਜਿਹਾ ਨਹੀਂ ਹੋਇਆ।
