Last Updated :
13 August 2023, 12:17 PM IST
ਹਾਰਦਿਕ ਪੰਡਯਾ ਨੇ ਸ਼ਨੀਵਾਰ ਨੂੰ ਵੈਸਟਇੰਡੀਜ਼ ‘ਤੇ 9 ਵਿਕਟਾਂ ਨਾਲ ਜਿੱਤ ਦਰਜ ਕਰਨ ਤੋਂ ਬਾਅਦ ਭਾਰਤੀ ਬੱਲੇਬਾਜ਼ਾਂ ਨੂੰ ਸੰਦੇਸ਼ ਦਿੱਤਾ।ਟੀਮ ਇੰਡੀਆ ਨੇ ਸ਼ਨੀਵਾਰ ਨੂੰ ਲਾਡਰਹਿਲ ‘ਚ ਵੈਸਟਇੰਡੀਜ਼ ਖਿਲਾਫ ਚੌਥੇ ਟੀ-20 ਮੈਚ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਟੀ-20 ਸੀਰੀਜ਼ ‘ਚ ਵਾਪਸੀ ਕੀਤੀ। 179 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ, ਭਾਰਤੀ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ (77) ਅਤੇ ਯਸ਼ਸਵੀ ਜੈਸਵਾਲ (84*) ਨੇ 165 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਜਿਸ ਨਾਲ ਮਹਿਮਾਨ ਟੀਮ ਨੇ ਮੈਚ ਨੂੰ ਆਪਣੇ ਹੱਕ ਵਿੱਚ ਕਰ ਲਿਆ। ਇਸ ਤੋਂ ਪਹਿਲਾਂ ਅਰਸ਼ਦੀਪ ਸਿੰਘ (3/38) ਅਤੇ ਕੁਲਦੀਪ ਯਾਦਵ (2/26) ਨੇ ਭਾਰਤੀ ਗੇਂਦਬਾਜ਼ਾਂ ਵਲੋਂ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪੰਡਯਾ ਦੇ ਲੜਕਿਆਂ ਨੇ ਵੈਸਟਇੰਡੀਜ਼ ਨੂੰ 200 ਤੋਂ ਹੇਠਾਂ ਰੱਖਿਆ।ਜਿੱਤ ਦੇ ਬਾਵਜੂਦ, ਕਪਤਾਨ ਹਾਰਦਿਕ ਪੰਡਯਾ ਨੇ ਸਟਾਰ ਓਪਨਿੰਗ ਜੋੜੀ ਦੀ ਤਾਰੀਫ ਕੀਤੀ ਪਰ ਨਾਲ ਹੀ ਆਪਣੇ ਬਾਕੀ ਬੱਲੇਬਾਜ਼ਾਂ ਨੂੰ ਸਖ਼ਤ ਚੇਤਾਵਨੀ ਦਿੱਤੀ। ਪਹਿਲੇ ਅਤੇ ਦੂਜੇ ਟੀ-20 ਵਿੱਚ ਟੀਮ ਇੰਡੀਆ ਦਾ ਪ੍ਰਦਰਸ਼ਨ ਬੱਲੇ ਨਾਲ ਵਧੀਆ ਨਹੀਂ ਸੀ ਅਤੇ ਪੰਡਯਾ ਅਜੇ ਇਸ ਨੂੰ ਭੁੱਲਣ ਦੇ ਮੂਡ ਵਿੱਚ ਨਹੀਂ ਸੀ।
ਹਾਰਦਿਕ ਨੇ ਕਿਹਾ ਕਿ ” ਬੱਲੇਬਾਜ਼ੀ ਇਕਾਈ ਨੂੰ ਅੱਗੇ ਵੱਧ ਕੇ ਜ਼ਿੰਮੇਵਾਰੀ ਸਾਂਝੀ ਕਰਨੀ ਚਾਹੀਦੀ ਹੈ।ਗਿੱਲ ਅਤੇ ਜੈਸਵਾਲ ਸ਼ਾਨਦਾਰ ਸਨ। ਉਨ੍ਹਾਂ ਦੇ ਹੁਨਰ ‘ਤੇ ਕੋਈ ਸ਼ੱਕ ਨਹੀਂ ਹੈ। ਉਨ੍ਹਾਂ ਨੂੰ ਸਿਰਫ਼ ਵਿਕਟਾਂ ਦੇ ਵਿਚਕਾਰ ਕੁਝ ਸਮਾਂ ਬਿਤਾਉਣ ਦੀ ਲੋੜ ਸੀ ” । ਪੰਡਯਾ ਨੇ ਮੈਚ ਤੋਂ ਬਾਅਦ ਅੱਗੇ ਕਿਹਾ ਕਿ “ਅੱਗੇ ਜਾਣ ਲਈ ਸਾਨੂੰ ਬੱਲੇਬਾਜ਼ੀ ਸਮੂਹ ਦੇ ਤੌਰ ‘ਤੇ ਜ਼ਿਆਦਾ ਜ਼ਿੰਮੇਵਾਰੀ ਲੈਣੀ ਹੋਵੇਗੀ ਅਤੇ ਗੇਂਦਬਾਜ਼ਾਂ ਦਾ ਸਮਰਥਨ ਕਰਨਾ ਹੋਵੇਗਾ। ਮੇਰਾ ਹਮੇਸ਼ਾ ਵਿਸ਼ਵਾਸ ਰਿਹਾ ਹੈ ਕਿ ਗੇਂਦਬਾਜ਼ ਮੈਚ ਜਿੱਤਦੇ ਹਨ “। ਉਸਨੇ ਆਪਣੀ ਟੀਮ ਦੇ ਹੌਂਸਲੇ ਦੀ ਵੀ ਪ੍ਰਸ਼ੰਸਾ ਕੀਤੀ ਜਿਸ ਨੇ ਉਨ੍ਹਾਂ ਨੂੰ ਟੀ-20I ਸੀਰੀਜ਼ ਵਿੱਚ ਵਾਪਸੀ ਕਰਨ ਦੀ ਇਜਾਜ਼ਤ ਦਿੱਤੀ। ਓਸਨੇ ਕਿਹਾ ਕਿ “ਅਸੀਂ ਦੋ ਮੈਚ ਗੁਆਏ ਪਰ ਪਹਿਲੀ ਗੇਮ ਵਿੱਚ ਇਹ ਸਾਡੀਆਂ ਆਪਣੀਆਂ ਗਲਤੀਆਂ ਸਨ। ਅਸੀਂ ਚੰਗਾ ਕਰ ਰਹੇ ਸੀ ਅਤੇ ਆਖਰੀ ਚਾਰ ਓਵਰਾਂ ਵਿੱਚ ਅਸੀਂ ਫਿਸਲ ਗਏ। ਅਸੀਂ ਇਸ ਬਾਰੇ ਗੱਲ ਕੀਤੀ ਕਿ ਇਸ ਤਰ੍ਹਾਂ ਦੀਆਂ ਖੇਡਾਂ ਸਾਡੇ ਕਿਰਦਾਰ ਨੂੰ ਕਿਵੇਂ ਦਰਸਾਉਂਦੀਆਂ ਹਨ “। ਓਸਨੇ ਅੱਗੇ ਕਿਹਾ ” ਲੜਕਿਆਂ ਨੇ ਇਨਾ ਹਾਰਾਂ ਨੂੰ ਆਪਣੀ ਤਰੱਕੀ ਲਈ ਲਿਆ। ਅਸੀਂ ਜੋ ਦੋ ਮੈਚ (ਪਹਿਲੀਆਂ ਦੋ ਹਾਰਾਂ ਤੋਂ ਬਾਅਦ) ਖੇਡੇ ਉਹ ਦਰਸਾਉਂਦੇ ਹਨ ਕਿ ਅਸੀਂ ਆਪਣੀਆਂ ਜੁਰਾਬਾਂ ਖਿੱਚੀਆਂ ਅਤੇ ਕੁਝ ਚੰਗੀ ਕ੍ਰਿਕਟ ਖੇਡੀ ” । ਇਸੇ ਮੈਦਾਨ ‘ਤੇ ਐਤਵਾਰ ਨੂੰ ਪੰਜਵਾਂ ਅਤੇ ਆਖਰੀ ਟੀ-20 ਮੈਚ ਖੇਡਿਆ ਜਾਵੇਗਾ। ਇਸ ਮੈਚ ਦਾ ਵਿਜੇਤਾ ਹੀ ਇਸ ਸੀਰੀਜ਼ ਨੂੰ ਜਿੱਤ ਜਾਵੇਗਾ।
