Last Updated :
17 January 2026, 04:20 PM IST
ਅੱਜਕੱਲ੍ਹ ਕਾਰਾਂ ਵਿੱਚ ਵੱਡੇ ਟਚਸਕ੍ਰੀਨ ਆਮ ਗੱਲ ਬਣ ਗਏ ਹਨ। ਏਸੀ, ਮਿਊਜ਼ਿਕ, ਨੇਵੀਗੇਸ਼ਨ ਸਭ ਕੁਝ ਸਕ੍ਰੀਨ ਤੋਂ ਚਲਦਾ ਹੈ। ਸਮੱਸਿਆ ਇਹ ਹੈ ਕਿ ਟਚਸਕ੍ਰੀਨ ਵਰਤਦੇ ਸਮੇਂ ਡਰਾਈਵਰ ਨੂੰ ਨਜ਼ਰ ਸੜਕ ਤੋਂ ਹਟਾਉਣੀ ਪੈਂਦੀ ਹੈ। ਕੁਝ ਸਕਿੰਟ ਦੀ ਇਹ ਗਲਤੀ ਵੀ ਵੱਡੇ ਹਾਦਸੇ ਦਾ ਕਾਰਨ ਬਣ ਸਕਦੀ ਹੈ। ਜਦੋਂ ਨਜ਼ਰ ਅੱਗੇ ਦੀ ਟ੍ਰੈਫਿਕ ਤੋਂ ਹਟਦੀ ਹੈ ਤਾਂ ਦਿਮਾਗ ਦੀ ਧਿਆਨ ਸ਼ਕਤੀ ਵੀ ਟੁੱਟਦੀ ਹੈ। ਸਭ ਤੋਂ ਵੱਡਾ ਖਤਰਾ ਹੈ।
ਪੁਰਾਣੀਆਂ ਕਾਰਾਂ ਵਿੱਚ ਫਿਜ਼ੀਕਲ ਬਟਨ ਅਤੇ ਨੌਬ ਹੁੰਦੇ ਸਨ। ਡਰਾਈਵਰ ਉਨ੍ਹਾਂ ਨੂੰ ਬਿਨਾਂ ਵੇਖੇ ਵੀ ਵਰਤ ਸਕਦਾ ਸੀ। ਹੱਥ ਨਾਲ ਬਟਨ ਦੀ ਫੀਲ ਆ ਜਾਂਦੀ ਸੀ। ਟਚਸਕ੍ਰੀਨ ਵਿੱਚ ਇਹ ਸੁਵਿਧਾ ਨਹੀਂ ਹੁੰਦੀ। ਹਰ ਵਾਰੀ ਸਕ੍ਰੀਨ ਵੇਖਣੀ ਪੈਂਦੀ ਹੈ। ਇਸ ਕਰਕੇ ਧਿਆਨ ਵਧੇਰੇ ਭਟਕਦਾ ਹੈ। ਸਾਦੇ ਬਟਨ ਇਸ ਮਾਮਲੇ ਵਿੱਚ ਅਜੇ ਵੀ ਜ਼ਿਆਦਾ ਸੁਰੱਖਿਅਤ ਹਨ।
ਸਵੀਡਨ ਦੀ ਇੱਕ ਕਾਰ ਮੈਗਜ਼ੀਨ ਨੇ ਰਿਸਰਚ ਕੀਤੀ। ਇਸ ਵਿੱਚ ਟਚਸਕ੍ਰੀਨ ਵਾਲੀਆਂ ਨਵੀਆਂ ਕਾਰਾਂ ਅਤੇ ਪੁਰਾਣੀ ਫਿਜ਼ੀਕਲ ਬਟਨ ਵਾਲੀ ਕਾਰ ਦੀ ਤੁਲਨਾ ਕੀਤੀ ਗਈ। 110 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ’ਤੇ ਸਧਾਰਨ ਕੰਮ ਕਰਵਾਏ ਗਏ। ਨਤੀਜਾ ਹੈਰਾਨ ਕਰਨ ਵਾਲਾ ਸੀ। ਟਚਸਕ੍ਰੀਨ ਵਾਲੀਆਂ ਕਾਰਾਂ ਵਿੱਚ ਉਹੀ ਕੰਮ ਦੋ ਗੁਣਾ ਸਮਾਂ ਲੈਂਦਾ ਹੈ। ਇਹ ਸਮਾਂ ਸੜਕ ’ਤੇ ਬਹੁਤ ਕੀਮਤੀ ਹੁੰਦਾ ਹੈ।
ਯੂਰਪ ਦੀ ਮਸ਼ਹੂਰ ਸੁਰੱਖਿਆ ਏਜੰਸੀ Euro NCAP ਨੇ ਵੀ ਟਚਸਕ੍ਰੀਨ ’ਤੇ ਚਿੰਤਾ ਜਤਾਈ ਹੈ। ਏਜੰਸੀ ਕਹਿੰਦੀ ਹੈ ਕਿ ਡਰਾਈਵਿੰਗ ਦੌਰਾਨ ਫਿਜ਼ੀਕਲ ਬਟਨ ਘੱਟ ਧਿਆਨ ਭਟਕਾਉਂਦੇ ਹਨ। ਟਚਸਕ੍ਰੀਨ ਲਈ ਮੀਨੂ ਖੋਲ੍ਹਣੇ ਪੈਂਦੇ ਹਨ। ਇਸ ਨਾਲ ਖਤਰਾ ਵਧਦਾ ਹੈ। ਭਵਿੱਖ ਵਿੱਚ ਸੁਰੱਖਿਆ ਰੇਟਿੰਗ ਲਈ ਬਟਨ ਲਾਜ਼ਮੀ ਹੋ ਸਕਦੇ ਹਨ।
ਟ੍ਰਾਂਸਪੋਰਟ ਰਿਸਰਚ ਲੈਬ ਦੀ ਸਟਡੀ ਦੱਸਦੀ ਹੈ ਕਿ ਟਚਸਕ੍ਰੀਨ ਵਰਤਣ ਨਾਲ ਡਰਾਈਵਰ ਦਾ ਰਿਐਕਸ਼ਨ ਟਾਈਮ 57 ਫੀਸਦੀ ਤੱਕ ਵਧ ਜਾਂਦਾ ਹੈ। ਇਹ ਹਾਲਤ ਨਸ਼ੇ ਵਰਗੀ ਮੰਨੀ ਜਾਂਦੀ ਹੈ। ਇਸਦਾ ਮਤਲਬ ਹੈ ਕਿ ਡਰਾਈਵਰ ਅਚਾਨਕ ਬ੍ਰੇਕ ਜਾਂ ਖਤਰੇ ’ਤੇ ਦੇਰ ਨਾਲ ਪ੍ਰਤੀਕਿਰਿਆ ਕਰੇਗਾ। ਇਹ ਦੇਰ ਕਈ ਵਾਰੀ ਜਾਨ ਲੈ ਸਕਦੀ ਹੈ।
ਭਾਰਤੀ ਬਾਜ਼ਾਰ ਵਿੱਚ ਵੱਡੇ ਟਚਸਕ੍ਰੀਨ ਵਾਲੀਆਂ ਕਾਰਾਂ ਤੇਜ਼ੀ ਨਾਲ ਆ ਰਹੀਆਂ ਹਨ। ਨਵੀਆਂ ਕਾਰਾਂ ਵਿੱਚ ਦਸ ਇੰਚ ਤੋਂ ਵੱਡੀ ਸਕ੍ਰੀਨ ਆਮ ਹੋ ਗਈ ਹੈ। ਕੰਪਨੀਆਂ ਇਸਨੂੰ ਪ੍ਰੀਮੀਅਮ ਫੀਚਰ ਵਜੋਂ ਵੇਚ ਰਹੀਆਂ ਹਨ। ਕੁਝ ਕਾਰਾਂ ਵਿੱਚ ਭੁਗਤਾਨ ਅਤੇ ਹੈਂਡ-ਵੇਵ ਨਾਲ ਦਰਵਾਜ਼ੇ ਖੋਲ੍ਹਣ ਵਰਗੇ ਫੀਚਰ ਵੀ ਹਨ। ਪਰ ਸੁਰੱਖਿਆ ਦੀ ਗੱਲ ਘੱਟ ਹੁੰਦੀ ਹੈ।
ਟਚਸਕ੍ਰੀਨ ਦੇ ਕੁਝ ਫਾਇਦੇ ਵੀ ਹਨ। ਨੇਵੀਗੇਸ਼ਨ ਅਤੇ ਐਂਟਰਟੇਨਮੈਂਟ ਆਸਾਨ ਹੋ ਜਾਂਦਾ ਹੈ। ਪਰ ਸੁਰੱਖਿਆ ਸਭ ਤੋਂ ਪਹਿਲਾਂ ਹੋਣੀ ਚਾਹੀਦੀ ਹੈ। ਮਾਹਿਰ ਕਹਿੰਦੇ ਹਨ ਕਿ ਟਚਸਕ੍ਰੀਨ ਨਾਲ ਫਿਜ਼ੀਕਲ ਬਟਨ ਅਤੇ ਵੌਇਸ ਕਮਾਂਡ ਵੀ ਹੋਣੀ ਚਾਹੀਦੀ ਹੈ। ਜਦੋਂ ਨਜ਼ਰ ਸੜਕ ’ਤੇ ਰਹੇਗੀ, ਤਦ ਹੀ ਸਮਾਰਟ ਕਾਰ ਸੱਚਮੁੱਚ ਸੁਰੱਖਿਅਤ ਬਣੇਗੀ।
