ਹੁੱਕਾ ਪੀਂਦੇ ਦਿਖੇ ਧੋਨੀ, ਕਈਆਂ ਨੇ ਕੀਤਾ ਟ੍ਰੋਲ, ਵੇਖੋ ਵੀਡਿਓ...

ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਕਈ ਲੋਕ ਧੋਨੀ ਨੂੰ ਇਹ ਵੀ ਕਹਿ ਰਹੇ ਹਨ ਕਿ ਉਹ ਜੋ ਵੀ ਕਰ ਰਹੇ ਹਨ ਉਸ ਦਾ ਅਸਰ ਨੌਜਵਾਨਾਂ 'ਤੇ ਪਵੇਗਾ। ਇਸ ਦੇ ਨਾਲ ਹੀ ਕੁਝ ਇਸ ਦਾ ਸਮਰਥਨ ਵੀ ਕਰ ਰਹੇ ਹਨ

ਭਾਰਤੀ ਕ੍ਰਿਕੇਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਅਕਸਰ ਟ੍ਰੈਂਡ ਕਰਦੇ ਰਹਿੰਦੇ ਹਨ। ਹਾਲ ਹੀ 'ਚ ਧੋਨੀ ਨੂੰ ਇਕ ਪਾਰਟੀ 'ਚ ਹੁੱਕਾ ਪੀਂਦੇ ਦੇਖਿਆ ਗਿਆ ਹੈ। ਇਸ ਵੀਡਿਓ ਨੂੰ ਵੇਖ ਕੇ ਪ੍ਰਸ਼ੰਸਕਾਂ ਨੂੰ ਆਪਣੀਆਂ ਅੱਖਾਂ 'ਤੇ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਧੋਨੀ ਹੁੱਕਾ ਪੀ ਸਕਦੇ ਹਨ। ਹਾਲਾਂਕਿ ਹੁਣ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਕਈ ਲੋਕ ਧੋਨੀ ਨੂੰ ਇਹ ਵੀ ਕਹਿ ਰਹੇ ਹਨ ਕਿ ਉਹ ਜੋ ਵੀ ਕਰ ਰਹੇ ਹਨ ਉਸ ਦਾ ਅਸਰ ਨੌਜਵਾਨਾਂ 'ਤੇ ਪਵੇਗਾ। ਇਸ ਦੇ ਨਾਲ ਹੀ ਕੁਝ ਇਸ ਦਾ ਸਮਰਥਨ ਵੀ ਕਰ ਰਹੇ ਹਨ ਅਤੇ ਇੱਥੋਂ ਤੱਕ ਕਹਿ ਰਹੇ ਹਨ ਕਿ ਉਹ ਜੋ ਚਾਹੁਣ ਕਰ ਸਕਦੇ ਹਨ ਕਿਉਂਕਿ ਉਨ੍ਹਾਂ ਦੀ ਆਪਣੀ ਜ਼ਿੰਦਗੀ ਹੈ।

. Dhoni setting a wrong example to youthspic.twitter.com/ZHMTKMI8Mp

— Kolly Censor (@KollyCensor) January 6, 2024

ਸੂਟ ਪਹਨੇ ਆਏ ਨਜ਼ਰ

ਵੀਡੀਓ 'ਚ ਮਾਹੀ ਨੇ ਸੂਟ ਪਾਇਆ ਹੋਇਆ ਹੈ, ਉੱਥੇ ਨੇੜੇ-ਤੇੜੇ ਕੁਝ ਲੋਕ ਹਨ ਅਤੇ ਉਹ ਕਥਿਤ ਤੌਰ 'ਤੇ ਹੁੱਕਾ ਪੀ ਰਹੇ ਹਨ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਧੋਨੀ ਦੇ ਹੱਥ 'ਚ ਹੁੱਕਾ ਪਾਈਪ ਹੈ ਅਤੇ ਉਹ ਹੁੱਕੇ ਨੂੰ ਖਿੱਚ ਕੇ ਧੂੰਆਂ ਛੱਡ ਰਹੇ ਹਨ। ਇਸ ਦੌਰਾਨ ਕੁਝ ਲੋਕ ਧੋਨੀ ਦੇ ਨਾਲ ਨਜ਼ਰ ਆਏ ਤਾਂ ਕਈਆਂ ਨੇ ਸਾਬਕਾ ਭਾਰਤੀ ਕਪਤਾਨ ਨੂੰ ਟ੍ਰੋਲ ਕੀਤਾ। ਰਾਜੀਵ ਨਾਮ ਦੇ ਇੱਕ ਯੂਜ਼ਰ ਨੇ ਉਨ੍ਹਾਂ ਨੂੰ ਵਿਰਾਟ ਕੋਹਲੀ ਤੋਂ ਸਿੱਖਣ ਦੀ ਸਲਾਹ ਦੇ ਦਿੱਤੀ ਹੈ।

 

ਲਾਈਮਲਾਈਟ ਤੋਂ ਰਹਿੰਦੇ ਹਨ ਦੂਰ 

ਅਗਸਤ 2020 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈਣ ਵਾਲੇ ਧੋਨੀ ਨੇ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲਾਈਮਲਾਈਟ ਤੋਂ ਦੂਰ ਰੱਖਿਆ ਹੈ। ਇਸ ਵੀਡਿਓ ਨੇ ਅਚਾਨਕ ਪ੍ਰਸ਼ੰਸਕਾਂ ਵਿੱਚ ਬਹਿਸ ਛੇੜ ਦਿੱਤੀ ਹੈ। ਹਾਲਾਂਕਿ ਵੀਡੀਓ ਦੀ ਰਿਕਾਰਡਿੰਗ ਦੇ ਸਹੀ ਸਮੇਂ ਅਤੇ ਸਥਾਨ ਦੀ ਜਾਨਕਾਰੀ ਨਹੀਂ ਮਿਲ ਸਕੀ ਹੈ। ਧੋਨੀ ਨੇ ਸਪੱਸ਼ਟ ਤੌਰ 'ਤੇ 2020 ਵਿੱਚ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ, ਪਰ ਉਹ ਆਈਪੀਐਲ ਵਿੱਚ ਚੇਨਈ ਸੁਪਰ ਕਿੰਗਜ਼ ਦੀ ਅਗਵਾਈ ਕਰਦੇ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਉਨ੍ਹਾਂ ਦਾ ਆਖਰੀ ਸੀਜ਼ਨ ਹੋਵੇਗਾ।