Last Updated :
02 June 2026, 01:12 PM IST
ਮੁੰਬਈ ਦੇ ਇਸ ਨੌਜਵਾਨ ਦੀ ਕਹਾਣੀ ਨੇ ਹਜ਼ਾਰਾਂ ਲੋਕਾਂ ਨੂੰ ਪ੍ਰੇਰਿਤ ਕੀਤਾ ਹੈ। ਇੰਜੀਨੀਅਰਿੰਗ ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਸ ਨੂੰ ਇੱਕ ਕਾਰਪੋਰੇਟ ਕੰਪਨੀ ਵਿੱਚ ਨੌਕਰੀ ਮਿਲੀ ਸੀ, ਪਰ ਉਸ ਦੀ ਸ਼ੁਰੂਆਤੀ ਤਨਖਾਹ ਸਿਰਫ਼ 30 ਹਜ਼ਾਰ ਰੁਪਏ ਸੀ।
ਉਸ ਦਾ ਮੰਨਣਾ ਸੀ ਕਿ ਇਹ ਆਮਦਨ ਉਸ ਦੇ ਸੁਪਨਿਆਂ ਅਤੇ ਆਰਥਿਕ ਟੀਚਿਆਂ ਲਈ ਕਾਫ਼ੀ ਨਹੀਂ ਸੀ। ਇਸ ਲਈ ਉਸ ਨੇ ਰਵਾਇਤੀ ਨੌਕਰੀ ਦੀ ਥਾਂ ਆਪਣਾ ਕਾਰੋਬਾਰ ਸ਼ੁਰੂ ਕਰਨ ਦਾ ਫ਼ੈਸਲਾ ਕੀਤਾ।
ਇਹ ਕਹਾਣੀ ਉਸ ਵੇਲੇ ਸਾਹਮਣੇ ਆਈ ਜਦੋਂ ਕੈਨੇਡਾ ਦੇ ਕੰਟੈਂਟ ਕ੍ਰੀਏਟਰ ਕੈਲੇਬ ਫ੍ਰੀਸਨ ਨੇ ਇਸ ਕੈਬ ਡਰਾਈਵਰ ਨਾਲ ਹੋਈ ਗੱਲਬਾਤ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਂਝੀ ਕੀਤੀ।
ਵੀਡੀਓ ਵਿੱਚ ਡਰਾਈਵਰ ਨੇ ਆਪਣਾ ਸਫ਼ਰ ਦੱਸਦਿਆਂ ਕਿਹਾ ਕਿ ਘੱਟ ਤਨਖਾਹ ਕਾਰਨ ਉਸ ਨੇ ਆਪਣਾ ਰਾਹ ਖੁਦ ਬਣਾਉਣ ਦਾ ਫ਼ੈਸਲਾ ਕੀਤਾ ਅਤੇ ਕੈਬ ਬਿਜ਼ਨਸ ਵਿੱਚ ਕਦਮ ਰੱਖਿਆ।
ਸ਼ੁਰੂਆਤ ਵਿੱਚ ਉਸ ਕੋਲ ਸਿਰਫ਼ ਇੱਕ ਗੱਡੀ ਸੀ। ਉਸ ਨੇ ਖੁਦ ਮਿਹਨਤ ਕਰਕੇ ਕੈਬ ਚਲਾਈ ਅਤੇ ਹੌਲੀ-ਹੌਲੀ ਆਪਣੇ ਕਾਰੋਬਾਰ ਨੂੰ ਵਧਾਇਆ।
ਸਮੇਂ ਦੇ ਨਾਲ ਉਸ ਦੀ ਮਿਹਨਤ ਰੰਗ ਲਿਆਈ ਅਤੇ ਅੱਜ ਉਸ ਦੇ ਕੋਲ ਆਪਣੀਆਂ ਚਾਰ ਗੱਡੀਆਂ ਹਨ, ਜੋ ਲਗਾਤਾਰ ਆਮਦਨ ਦਾ ਸਰੋਤ ਬਣ ਚੁੱਕੀਆਂ ਹਨ।
Asked a cab driver how much he earns.
— Caleb (@caleb_friesen) June 1, 2026
He told me Rs. 2 lakh.
Then he explained how he makes so much. The answer he gave genuinely gave me goosebumps. pic.twitter.com/JhPnw00XSw
ਡਰਾਈਵਰ ਦੇ ਅਨੁਸਾਰ ਸਾਰੇ ਖਰਚੇ ਕੱਢਣ ਤੋਂ ਬਾਅਦ ਵੀ ਉਹ ਹਰ ਮਹੀਨੇ ਲਗਭਗ 2 ਲੱਖ ਰੁਪਏ ਦੀ ਕਮਾਈ ਕਰ ਲੈਂਦਾ ਹੈ। ਇਹ ਆਮਦਨ ਉਸ ਦੀ ਪਹਿਲੀ ਕਾਰਪੋਰੇਟ ਨੌਕਰੀ ਦੀ ਤਨਖਾਹ ਨਾਲੋਂ ਕਈ ਗੁਣਾ ਵੱਧ ਹੈ। ਇਸ ਕਾਰਨ ਉਸ ਦੀ ਕਹਾਣੀ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ।
ਵੀਡੀਓ ਸਾਂਝੀ ਕਰਦੇ ਹੋਏ ਕੈਲੇਬ ਫ੍ਰੀਸਨ ਨੇ ਲਿਖਿਆ ਕਿ ਜਦੋਂ ਉਸ ਨੇ ਡਰਾਈਵਰ ਤੋਂ ਕਮਾਈ ਬਾਰੇ ਪੁੱਛਿਆ ਅਤੇ ਪੂਰੀ ਕਹਾਣੀ ਸੁਣੀ, ਤਾਂ ਉਹ ਹੈਰਾਨ ਰਹਿ ਗਿਆ। ਸੋਸ਼ਲ ਮੀਡੀਆ ਯੂਜ਼ਰ ਵੀ ਇਸ ਨੌਜਵਾਨ ਦੀ ਹਿੰਮਤ ਅਤੇ ਸੋਚ ਦੀ ਖੂਬ ਤਾਰੀਫ਼ ਕਰ ਰਹੇ ਹਨ। ਕਈ ਲੋਕਾਂ ਨੇ ਇਸ ਨੂੰ ਪ੍ਰੇਰਣਾਦਾਇਕ ਅਤੇ ਹੌਸਲਾ ਵਧਾਉਣ ਵਾਲੀ ਕਹਾਣੀ ਦੱਸਿਆ ਹੈ।
ਇੰਜੀਨੀਅਰ ਨੇ ਮੰਨਿਆ ਕਿ ਇੱਕ ਸੁਰੱਖਿਅਤ ਨੌਕਰੀ ਛੱਡਣਾ ਆਸਾਨ ਨਹੀਂ ਸੀ। ਇਸ ਫ਼ੈਸਲੇ ਵਿੱਚ ਕਾਫ਼ੀ ਜੋਖ਼ਮ ਸੀ ਅਤੇ ਅਸਫਲਤਾ ਦਾ ਡਰ ਵੀ ਸੀ। ਪਰ ਉਸ ਦਾ ਮੰਨਣਾ ਹੈ ਕਿ ਜੇ ਜ਼ਿੰਦਗੀ ਵਿੱਚ ਵੱਡੀ ਸਫਲਤਾ ਅਤੇ ਆਰਥਿਕ ਆਜ਼ਾਦੀ ਹਾਸਲ ਕਰਨੀ ਹੈ ਤਾਂ ਜੋਖ਼ਮ ਲੈਣਾ ਪੈਂਦਾ ਹੈ।
ਅੱਜ ਉਹ ਸਿਰਫ਼ ਆਪਣੀ ਕਮਾਈ ਹੀ ਨਹੀਂ ਵਧਾ ਰਿਹਾ, ਸਗੋਂ ਆਪਣੀਆਂ ਕੈਬਾਂ ਰਾਹੀਂ ਹੋਰ ਲੋਕਾਂ ਨੂੰ ਵੀ ਰੁਜ਼ਗਾਰ ਦੇ ਰਿਹਾ ਹੈ। ਉਸ ਦੀ ਕਹਾਣੀ ਇਹ ਸੰਦੇਸ਼ ਦਿੰਦੀ ਹੈ ਕਿ ਸਹੀ ਯੋਜਨਾ, ਮਿਹਨਤ ਅਤੇ ਆਤਮ-ਵਿਸ਼ਵਾਸ ਨਾਲ ਕੋਈ ਵੀ ਵਿਅਕਤੀ ਆਪਣੀ ਜ਼ਿੰਦਗੀ ਦੀ ਦਿਸ਼ਾ ਬਦਲ ਸਕਦਾ ਹੈ।
