Last Updated :
01 April 2024, 06:20 PM IST
Chinese garlic smuggling : ਚੀਨ ਤੋਂ ਆਏ ਲਸਣ ਨੇ ਭਾਰਤੀ ਕਸਟਮ ਅਧਿਕਾਰੀਆਂ ਨੂੰ ਚੌਕਸ ਕਰ ਦਿੱਤਾ ਹੈ। ਹਾਲ ਹੀ ਵਿੱਚ ਭਾਰਤ ਵਿੱਚ ਚੀਨੀ ਲਸਣ ਦੀ ਵੱਡੀ ਮਾਤਰਾ ਵਿੱਚ ਤਸਕਰੀ ਕੀਤੇ ਜਾਣ ਤੋਂ ਬਾਅਦ ਅਧਿਕਾਰੀਆਂ ਨੇ ਕਸਟਮ ਚੌਕੀਆਂ 'ਤੇ ਨਿਗਰਾਨੀ ਵਧਾ ਦਿੱਤੀ ਹੈ। ਇਕਨਾਮਿਕ ਟਾਈਮਜ਼ ਦੀ ਇਕ ਰਿਪੋਰਟ ਵਿਚ ਇਸ ਮਾਮਲੇ ਨਾਲ ਜੁੜੇ ਲੋਕਾਂ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਕਸਟਮ ਅਧਿਕਾਰੀਆਂ ਨੇ ਥੋਕ ਵਿਕਰੇਤਾਵਾਂ ਅਤੇ ਗੋਦਾਮਾਂ 'ਤੇ ਸੁੰਘਣ ਵਾਲੇ ਕੁੱਤੇ ਤਾਇਨਾਤ ਕੀਤੇ ਹਨ ਅਤੇ ਉਨ੍ਹਾਂ ਦੀ ਸਥਾਨਕ ਖੁਫੀਆ ਜਾਣਕਾਰੀ ਨੂੰ ਸੁਚੇਤ ਕੀਤਾ ਹੈ। ਇਹ ਸਾਰੀ ਕਵਾਇਦ ਨੇਪਾਲ ਅਤੇ ਬੰਗਲਾਦੇਸ਼ ਦੀ ਸਰਹੱਦ ਤੋਂ ਚੀਨੀ ਲਸਣ ਦੀ ਤਸਕਰੀ ਨੂੰ ਰੋਕਣ ਲਈ ਕੀਤੀ ਜਾ ਰਹੀ ਹੈ।
ਫੰਗਸ ਅਤੇ ਕੀਟਨਾਸ਼ਕ ਜ਼ਿਆਦਾ
ਚੀਨੀ ਲਸਣ ਵਿੱਚ ਉੱਲੀ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ, ਇਸ ਵਿਚ ਕੀਟਨਾਸ਼ਕਾਂ ਦੀ ਜ਼ਿਆਦਾ ਮਾਤਰਾ ਹੁੰਦੀ ਹੈ। ਇਹੀ ਕਾਰਨ ਸੀ ਕਿ ਭਾਰਤ ਸਰਕਾਰ ਨੇ ਸਾਲ 2014 ਵਿਚ ਇਸ ਲਸਣ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਰਿਪੋਰਟ 'ਚ ਇਕ ਕਸਟਮ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਖਾਸ ਤੌਰ 'ਤੇ ਬਿਹਾਰ, ਉੱਤਰ ਪ੍ਰਦੇਸ਼ ਅਤੇ ਉੱਤਰ-ਪੂਰਬੀ ਰਾਜਾਂ 'ਚ ਚੀਨੀ ਲਸਣ ਦੀ ਤਸਕਰੀ ਦੇ ਮਾਮਲੇ ਵਧੇ ਹਨ। ਇਸ ਵਿੱਚ ਲਸਣ ਨੂੰ ਨੇਪਾਲ ਰਾਹੀਂ ਲਿਆਂਦਾ ਜਾਂਦਾ ਹੈ। ਭਾਰਤ ਨੇ 2014 'ਚ ਚੀਨੀ ਲਸਣ ਦੇ ਆਯਾਤ 'ਤੇ ਪਾਬੰਦੀ ਲਗਾ ਦਿੱਤੀ ਸੀ। ਲਸਣ ਵਿੱਚ ਉੱਲੀ ਹੋਣ ਦੀਆਂ ਰਿਪੋਰਟਾਂ ਤੋਂ ਬਾਅਦ ਇਹ ਪਾਬੰਦੀ ਲਗਾਈ ਗਈ ਸੀ। ਤਸਕਰੀ ਕੀਤੇ ਲਸਣ ਵਿੱਚ ਕੀਟਨਾਸ਼ਕਾਂ ਦੀ ਜ਼ਿਆਦਾ ਮਾਤਰਾ ਹੋਣ ਦਾ ਵੀ ਸ਼ੱਕ ਹੈ।
ਫੜ੍ਹਿਆ ਸੀ 64,000 ਕਿੱਲੋ ਚੀਨੀ ਲਸਣ
ਪਿਛਲੇ ਮਹੀਨੇ, ਕਸਟਮ ਅਧਿਕਾਰੀਆਂ ਨੇ ਸਿਕਤਾ ਲੈਂਡ ਕਸਟਮ ਪੋਸਟ 'ਤੇ 1.35 ਕਰੋੜ ਰੁਪਏ ਦੀ ਕੀਮਤ ਦੇ 64,000 ਕਿਲੋ ਚੀਨੀ ਲਸਣ ਦੀ ਖੇਪ ਨੂੰ ਰੋਕਿਆ ਸੀ। ਘਰੇਲੂ ਬਾਜ਼ਾਰ ਵਿੱਚ ਲਸਣ ਦੀਆਂ ਕੀਮਤਾਂ ਵਿੱਚ ਵਾਧਾ ਅਤੇ ਬਰਾਮਦ ਵਿੱਚ ਤੇਜ਼ੀ ਨਾਲ ਤਸਕਰੀ ਵਧੀ ਹੈ।
ਵੱਧ ਗਈਆਂ ਕੀਮਤਾਂ
ਉਦਯੋਗ ਦੇ ਅੰਦਰੂਨੀ ਸੂਤਰਾਂ ਦਾ ਅਨੁਮਾਨ ਹੈ ਕਿ ਦੇਸ਼ ਵਿੱਚ ਚੀਨੀ ਲਸਣ ਦਾ ਸਟਾਕ 1,000 ਤੋਂ 1,200 ਟਨ ਹੈ। ਪਿਛਲੇ ਸਾਲ ਨਵੰਬਰ ਤੋਂ, ਕੀਮਤਾਂ ਲਗਭਗ ਦੁੱਗਣੀ ਹੋ ਕੇ 450-500 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈਆਂ ਹਨ। ਪਿਛਲੇ ਕੁਝ ਮਹੀਨਿਆਂ ਵਿੱਚ ਕੀਮਤਾਂ ਵਿੱਚ ਵਾਧੇ ਪਿੱਛੇ ਮੁੱਖ ਕਾਰਨ ਫਸਲਾਂ ਦਾ ਨੁਕਸਾਨ ਅਤੇ ਬਿਜਾਈ ਵਿੱਚ ਦੇਰੀ ਹੈ। ਬਾਜ਼ਾਰ ਵਿੱਚ ਚੀਨੀ ਕਿਸਮ ਦੇ ਲਸਣ ਦੀ ਆਮਦ ਤੋਂ ਬਾਅਦ ਸਥਾਨਕ ਵਪਾਰੀਆਂ ਨੇ ਇਹ ਮੁੱਦਾ ਸਰਕਾਰ ਕੋਲ ਉਠਾਇਆ ਹੈ।
ਚੀਨ ਅਤੇ ਭਾਰਤ ਹਨ ਟਾਪ
ਚੀਨ ਅਤੇ ਭਾਰਤ ਚੋਟੀ ਦੇ ਵਿਸ਼ਵ ਲਸਣ ਉਤਪਾਦਕਾਂ ਵਿੱਚੋਂ ਹਨ। ਪਰ ਕੋਵਿਡ-19 ਤੋਂ ਬਾਅਦ ਖਾਸ ਤੌਰ 'ਤੇ ਅਮਰੀਕਾ, ਪੱਛਮੀ ਏਸ਼ੀਆ, ਬ੍ਰਾਜ਼ੀਲ ਅਤੇ ਏਸ਼ੀਆਈ ਦੇਸ਼ਾਂ 'ਚ ਭਾਰਤੀ ਲਸਣ ਦੀ ਮੰਗ ਵਧੀ ਹੈ। ਸਾਲ 2022-23 ਵਿੱਚ ਭਾਰਤ ਦਾ ਲਸਣ ਦਾ ਨਿਰਯਾਤ 57,346 ਟਨ ਸੀ, ਜਿਸਦੀ ਕੀਮਤ 246 ਕਰੋੜ ਰੁਪਏ ਸੀ।
