ਚੌਥੀ ਜਮਾਤ ਦੀ ਵਿਦਿਆਰਥਣ ਨਾਲ 7 ਲੋਕਾਂ ਨੇ ਕੀਤਾ ਸਮੂਹਿਕ ਬਲਾਤਕਾਰ, ਬੇਹੋਸ਼ੀ ਦੀ ਹਾਲਤ ਵਿੱਚ ਸੁੱਟ ਕੇ ਫਰਾਰ

ਮਾਂ ਦਾ ਆਰੋਪ ਹੈ ਕਿ ਪਹਿਲਾਂ ਉਸਨੂੰ ਪੁਲਿਸ ਵੱਲੋਂ ਜਾਂਚ ਦੇ ਨਾਮ 'ਤੇ ਇੰਤਜ਼ਾਰ ਕਰਵਾਇਆ ਗਿਆ। ਮਾਂ ਦੇ ਅਨੁਸਾਰ, ਉਸਦੀ ਧੀ 2 ਮਈ ਦੀ ਸਵੇਰ ਨੂੰ ਕਿਸੇ ਕੰਮ ਲਈ ਬਾਹਰ ਗਈ ਸੀ। ਰਸਤੇ ਵਿੱਚ ਉਸਦੀ ਸਹੇਲੀ ਮਿਲੀ ਅਤੇ ਦੋਵੇਂ ਗੱਲਾਂ ਕਰਦੇ ਹੋਏ ਆਪਣੀ ਦੋਸਤ ਦੇ ਘਰ ਚਲੇ ਗਏ। ਜਿੱਥੇ ਉਸ ਨਾਲ ਬਲਾਤਕਾਰ ਕੀਤਾ ਗਿਆ।

7 people gang-raped a fourth-grade student : ਪ੍ਰਯਾਗਰਾਜ ਦੇ ਇੰਡਸਟਰੀਅਲ ਏਰੀਆ ਥਾਣੇ ਅਧੀਨ ਆਉਂਦੇ ਇੱਕ ਪਿੰਡ ਵਿੱਚ ਚੌਥੀ ਜਮਾਤ ਦੀ ਵਿਦਿਆਰਥਣ ਨਾਲ ਸਮੂਹਿਕ ਬਲਾਤਕਾਰ ਦੀ ਘਟਨਾ ਸਾਹਮਣੇ ਆਈ ਹੈ। ਪੀੜਤਾ ਦੀ ਮਾਂ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪੰਜ ਨਾਮਜ਼ਦ ਅਤੇ ਤਿੰਨ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ। ਮਾਂ ਦਾ ਆਰੋਪ ਹੈ ਕਿ ਪਹਿਲਾਂ ਉਸਨੂੰ ਪੁਲਿਸ ਵੱਲੋਂ ਜਾਂਚ ਦੇ ਨਾਮ 'ਤੇ ਇੰਤਜ਼ਾਰ ਕਰਵਾਇਆ ਗਿਆ। ਮਾਂ ਦੇ ਅਨੁਸਾਰ, ਉਸਦੀ ਧੀ 2 ਮਈ ਦੀ ਸਵੇਰ ਨੂੰ ਕਿਸੇ ਕੰਮ ਲਈ ਬਾਹਰ ਗਈ ਸੀ। ਰਸਤੇ ਵਿੱਚ ਉਸਦੀ ਸਹੇਲੀ ਮਿਲੀ ਅਤੇ ਦੋਵੇਂ ਗੱਲਾਂ ਕਰਦੇ ਹੋਏ ਆਪਣੀ ਦੋਸਤ ਦੇ ਘਰ ਚਲੇ ਗਏ। ਆਪਣੀ ਸ਼ਿਕਾਇਤ ਵਿੱਚ, ਪੀੜਤਾ ਦੀ ਮਾਂ ਨੇ ਕਿਹਾ ਕਿ ਜਿਵੇਂ ਹੀ ਉਹ ਆਪਣੇ ਦੋਸਤ ਦੇ ਘਰ ਪਹੁੰਚੀ, ਉਸਨੂੰ ਇੱਕ ਕਮਰੇ ਵਿੱਚ ਬੰਦ ਕਰ ਦਿੱਤਾ ਗਿਆ ਜਿੱਥੇ ਪਹਿਲਾਂ ਹੀ ਉੱਥੇ ਬੈਠੇ ਸੱਤ ਨੌਜਵਾਨਾਂ ਨੇ ਉਸ ਨਾਲ ਬਲਾਤਕਾਰ ਕੀਤਾ।

ਸਹੇਲੀ ਵਿਰੁੱਧ ਵੀ ਕੇਸ ਦਰਜ

ਅੱਧੀ ਰਾਤ ਨੂੰ, ਉਸਨੂੰ ਬੇਹੋਸ਼ੀ ਦੀ ਹਾਲਤ ਵਿੱਚ ਘਰ ਤੋਂ ਕੁਝ ਦੂਰ ਸੁੱਟ ਦਿੱਤਾ ਗਿਆ। ਧੀ ਕਿਸੇ ਤਰ੍ਹਾਂ ਆਪਣੇ ਘਰ ਪਹੁੰਚੀ ਅਤੇ ਆਪਣੇ ਪਰਿਵਾਰ ਨੂੰ ਸਾਰੀ ਘਟਨਾ ਬਾਰੇ ਦੱਸਿਆ। ਪਰਿਵਾਰ ਉਸਨੂੰ ਪੁਲਿਸ ਸਟੇਸ਼ਨ ਲੈ ਗਿਆ ਅਤੇ ਦੋਸ਼ੀਆਂ ਵਿਰੁੱਧ ਸ਼ਿਕਾਇਤ ਪੱਤਰ ਸੌਂਪਿਆ। ਪਰ ਜਾਂਚ ਦੇ ਨਾਮ 'ਤੇ, ਪੁਲਿਸ ਉਨ੍ਹਾਂ ਨੂੰ ਤਿੰਨ ਦਿਨ ਖੱਜਲ ਕਰਦੀ ਰਹੀ। ਹੁਣ ਪੁਲਿਸ ਨੇ ਅਤੀਕ ਯਾਦਵ, ਰਾਮ ਯਾਦਵ, ਰਾਮ ਲਖਨ, ਸ਼ਤਰੂਘਨ ਅਤੇ ਉਸਦੀ ਸਹੇਲੀ ਸਮੇਤ ਤਿੰਨ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਕਈ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ।

ਭਾਰਤ ਵਿੱਚ ਵੱਧ ਰਹੇ ਬਲਾਤਕਾਰ ਦੇ ਮਾਮਲੇ 

ਭਾਰਤ ਵਿੱਚ, ਸਾਲ 2021 ਵਿੱਚ ਬਲਾਤਕਾਰ ਦੇ 31,677 ਮਾਮਲੇ ਦਰਜ ਕੀਤੇ ਗਏ ਸਨ। ਇਸ ਤਰ੍ਹਾਂ ਦੇਸ਼ ਵਿੱਚ ਹਰ ਰੋਜ਼ ਔਸਤਨ 86 ਬਲਾਤਕਾਰ ਦੇ ਮਾਮਲੇ ਦਰਜ ਕੀਤੇ ਗਏ। ਦੇਸ਼ ਵਿੱਚ ਅਪਰਾਧਾਂ ਬਾਰੇ ਨਵੀਂ ਸਰਕਾਰੀ ਰਿਪੋਰਟ ਦੇ ਅਨੁਸਾਰ, ਦੇਸ਼ ਵਿੱਚ ਹਰ ਘੰਟੇ ਔਰਤਾਂ ਵਿਰੁੱਧ ਅਪਰਾਧ ਦੇ ਲਗਭਗ 49 ਮਾਮਲੇ ਦਰਜ ਕੀਤੇ ਜਾਂਦੇ ਹਨ। ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ ਦੀ 'ਭਾਰਤ ਵਿੱਚ ਅਪਰਾਧ - 2021' ਰਿਪੋਰਟ ਦੇ ਅਨੁਸਾਰ, ਦੇਸ਼ ਵਿੱਚ ਸਾਲ 2020 ਵਿੱਚ ਦਰਜ ਕੀਤੇ ਗਏ ਬਲਾਤਕਾਰ ਦੇ ਮਾਮਲਿਆਂ ਦੀ ਗਿਣਤੀ 28,046 ਸੀ ਜਦੋਂ ਕਿ 2019 ਵਿੱਚ, 32,033 ਬਲਾਤਕਾਰ ਦੇ ਮਾਮਲੇ ਦਰਜ ਕੀਤੇ ਗਏ ਸਨ। ਐਨਸੀਆਰਬੀ ਕੇਂਦਰੀ ਗ੍ਰਹਿ ਮੰਤਰਾਲੇ ਦੇ ਅਧੀਨ ਕੰਮ ਕਰਦਾ ਹੈ। 

ਰਾਜਸਥਾਨ ਸੱਭ ਤੋਂ ਅੱਗੇ

ਰਾਜ ਦੇ ਹਿਸਾਬ ਨਾਲ, ਰਾਜਸਥਾਨ (6,337) ਇਸ ਸਬੰਧ ਵਿੱਚ ਪਹਿਲੇ ਸਥਾਨ 'ਤੇ ਹੈ। ਇਨ੍ਹਾਂ ਤੋਂ ਬਾਅਦ ਮੱਧ ਪ੍ਰਦੇਸ਼ (2,947), ਉੱਤਰ ਪ੍ਰਦੇਸ਼ (2,845) ਅਤੇ ਮਹਾਰਾਸ਼ਟਰ (2,496) ਦਾ ਨੰਬਰ ਆਉਂਦਾ ਹੈ। ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ, 2021 ਵਿੱਚ ਬਲਾਤਕਾਰ ਦੇ 1250 ਮਾਮਲੇ ਦਰਜ ਕੀਤੇ ਗਏ ਸਨ। NCRB ਦੇ ਅਨੁਸਾਰ, ਬਲਾਤਕਾਰ ਦੇ ਅਪਰਾਧਾਂ ਦੀ ਦਰ (ਪ੍ਰਤੀ ਲੱਖ ਆਬਾਦੀ) ਰਾਜਸਥਾਨ (16.4) ਵਿੱਚ ਸਭ ਤੋਂ ਵੱਧ ਸੀ, ਇਸ ਤੋਂ ਬਾਅਦ ਚੰਡੀਗੜ੍ਹ (13.3), ਦਿੱਲੀ (12.9), ਹਰਿਆਣਾ (12.3) ਅਤੇ ਅਰੁਣਾਚਲ ਪ੍ਰਦੇਸ਼ (11.1) ਦਾ ਨੰਬਰ ਆਉਂਦਾ ਹੈ। ਪੂਰੇ ਭਾਰਤ ਵਿੱਚ ਔਸਤ ਦਰ 4.8 ਸੀ।