Last Updated :
19 August 2023, 04:28 PM IST
ਅਨੁਪਮ ਖੇਰ ਸੰਨੀ ਦਿਓਲ ਦੀ ‘ਗਦਰ 2’ ਨੂੰ ਦੇਖਣ ਅਤੇ ਫਿਲਮ ਦੀ ਸ਼ਲਾਘਾ ਕਰਨ ਵਾਲੀ ਇੱਕ ਹੋਰ ਮਸ਼ਹੂਰ ਹਸਤੀ ਹੈ, ਜੋ ਬਾਕਸ ਆਫਿਸ ‘ਤੇ ਆਪਣੇ ਡਾਇਲਾਗਾਂ ਅਤੇ ਸਾਰਥਕ ਸ਼ਬਦਾਬਲੀ ਕਰਕੇ ਧੂਮ ਮਚਾ ਰਹੀ ਹੈ। ਅਭਿਨੇਤਾ ਨੇ ਮੁੰਬਈ ਦੀ ਗੈਏਟੀ ਗਲੈਕਸੀ ‘ਤੇ ਬਲਾਕਬਸਟਰ ਫਿਲਮ ਦੇਖੀ ਅਤੇ ਫਿਰ ਟਵਿੱਟਰ ‘ਤੇ ਫਿਲਮ ਦੇ ਅਮਲੇ ਦੀ ਵਿਸਤਾਰ ਨਾਲ ਸ਼ਲਾਘਾ ਕੀਤੀ। ਐਕਸ਼ਨ ਡਰਾਮਾ ‘ਗਦਰ 2’ ਨਿਰਦੇਸ਼ਕ ਅਨਿਲ ਸ਼ਰਮਾ ਦੀ 2001 ‘ਚ ਆਈ ਫਿਲਮ ‘ਗਦਰ: ਏਕ ਪ੍ਰੇਮ ਕਥਾ’ ਦਾ ਸੀਕਵਲ ਹੈ।
ਅਨੁਪਮ ਖੇਰ ਨੇ ਥੀਏਟਰ ਦੀ ਤਸਵੀਰ ਅਤੇ ‘ਗਦਰ 2’ ਦਾ ਪੋਸਟਰ ਪੋਸਟ ਕੀਤਾ ਹੈ। ਉਸਨੇ ਫਿਲਮ ਦੀ ਤਾਰੀਫ ਕੀਤੀ ਅਤੇ ਲਿਖਿਆ ਕਿ ਉਹ ਹੁਣੇ ਹੀ ‘ਗਦਰ 2’ ਬਾਂਦਰਾ ਦੇ ਗੈਏਟੀ ਗਲੈਕਸੀ ਥੀਏਟਰ ਵਿੱਚ ਇਹ ਫਿਲਮ ਦੇਖੀ ਹੈ। ਪਿਛਲੀ ਵਾਰ ਜਦੋਂ ਮੈਂ ਇਸ ਸਿੰਗਲ-ਸਕ੍ਰੀਨ ਥੀਏਟਰ ਵਿੱਚ ਗਿਆ ਸੀ ਤਾਂ ਉਹ ਫਿਲਮ ਹਮ ਦੇ ਪ੍ਰੀਮੀਅਰ ਲਈ ਸੀ। ‘ਗਦਰ 2’ ਜਜ਼ਬਿਆਂ ਦੀ ਇੱਕ ਅਜਿਹੀ ਸੁਨਾਮੀ ਹੈ ਜੋ ਨਾ ਸਿਰਫ ਪਰਦੇ ‘ਤੇ ਅਦਾਕਾਰਾਂ ਦੁਆਰਾ ਬਲਕਿ ਥੀਏਟਰ ਵਿੱਚ ਦਰਸ਼ਕਾਂ ਦੁਆਰਾ ਵੀ ਦੇਖਣ ਵਿੱਚ ਮਿਲਦੀ ਹੈ। ਇਹ ਤੁਹਾਨੂੰ ਇੱਕ ਰੋਲਰ ਕੋਸਟਰ ਰਾਈਡ ‘ਤੇ ਲੈ ਜਾਂਦੀ ਹੈ ਅਤੇ ਇੱਕ ਮਾਣਮੱਤਾ ਭਾਰਤੀ ਹੋਣ ਦਾ ਕੀ ਮਤਲਬ ਹੈ ਬਾਰੇ ਦਸਦੀ ਹੈ। ਅਸਲ ਵਿੱਚ, ਇਹ ਸਾਡੇ ਦੇਸ਼ ਦੇ ਬਹੁ-ਸਭਿਆਚਾਰ/ਬਹੁ-ਧਰਮ ਦੇ ਪਹਿਲੂ ਦਾ ਜਸ਼ਨ ਮਨਾਉਂਦੀ ਹੈ।
ਅਨੁਪਮ ਖੇਰ ਨੇ ਮੁੰਬਈ ਦੇ ਸਿੰਗਲ-ਸਕ੍ਰੀਨ ਥੀਏਟਰ ‘ਚ ‘ਗਦਰ 2’ ਦੇਖਦੇ ਦਰਸ਼ਕਾਂ ਦੀ ਪ੍ਰਤੀਕਿਰਿਆ ਨੂੰ ਦੇਖਿਆ। ਭੀੜ ਹਰ ਡਾਇਲਾਗ ‘ਤੇ ਜਬਰਦਸਤ ਕਿਲਕਾਰੀਆਂ ਮਾਰਦੀ ਹੈ। ਸਨੀ ਦਿਓਲ ਹੁਣ ਕੋਈ ਅਭਿਨੇਤਾ ਨਹੀਂ ਹੈ। ਉਹ ਆਪਣੇ ਆਪ ਵਿੱਚ ਕਲਟ ਬਣ ਗਿਆ ਹੈ। ਉਹ ਅਦਾਕਾਰੀ ਜ਼ਰੀਏ ਅੱਗ ਲਗਾ ਰਿਹਾ ਹੈ ਅਤੇ ਤੁਸੀਂ ਇਸ ਅੱਗ ਦੀ ਆਪਣੀ ਰੂਹ ਵਿੱਚ ਗਰਮੀ ਮਹਿਸੂਸ ਕਰਦੇ ਹੋ। ਅਨੁਪਮ ਨੇ ਫਿਲਮ ਨਿਰਮਾਤਾ ਅਨਿਲ ਸ਼ਰਮਾ ਅਤੇ ਹੋਰ ਕਲਾਕਾਰਾਂ ਦੀ ਜਮ ਕੇ ਸ਼ਲਾਘਾ ਕਰਦਾ ਹੈ ਜਿਨ੍ਹਾਂ’ ਨੇ ਫਿਲਮ ਵਿੱਚ ਕਮਾਲ ਦਾ ਕੰਮ ਕੀਤਾ ਹੈ। ਉਸਨੇ ਇਸ ਆਨੰਦਦਾਇਕ ਫਿਲਮ ਲਈ ਸਭ ਦਾ ਧਨਵਾਦ ਵੀ ਅਦਾ ਕੀਤਾ।
ਉਸੇ ਦਿਨ ਰਿਲੀਜ਼ ਹੋਈ ਅਕਸ਼ੈ ਕੁਮਾਰ ਸਟਾਰਰ ‘OMG 2’ ਵੀ ‘ਗਦਰ 2’ ਨੂੰ ਬਾਕਸ ਆਫਿਸ ‘ਤੇ ਚੰਗਾ ਮੁਕਾਬਲਾ ਦੇ ਰਹੀ ਹੈ। ਅਸਲ ਫਿਲਮ, ‘ਗਦਰ: ਏਕ ਪ੍ਰੇਮ ਕਥਾ,’ 2001 ਵਿੱਚ ਰਿਲੀਜ਼ ਹੋਈ, ਇਸਦੀ ਪਿਛੋਕੜ ਵਜੋਂ 1947 ਦੀ ਭਾਰਤ ਵੰਡ ਨੂੰ ਫਿਲਮਾਇਆ ਗਿਆ ਹੈ। ‘ਗਦਰ 2’ ਵਿੱਚ ਸੰਨੀ ਦਿਓਲ ਦੁਆਰਾ ਨਿਭਾਇਆ ਗਿਆ ਤਾਰਾ ਸਿੰਘ ਦਾ ਕਿਰਦਾਰ ਆਪਣੇ ਅਗਵਾ ਹੋਏ ਪੁੱਤਰ ਨੂੰ ਛੁਡਾਉਣ ਲਈ ਇੱਕ ਦਲੇਰਾਨਾ ਕੋਸ਼ਿਸ਼ ਵਿੱਚ ਪਾਕਿਸਤਾਨ ਦੀ ਸਰਹੱਦ ਪਾਰ ਕਰਦਾ ਹੈ। ‘ਗਦਰ 2’ 1971 ਸਮੇਂ ਲਾਹੌਰ ਵਿੱਚ ਵਾਪਰੇ ਵਰਤਾਰੇ ਨੂੰ ਸਫਲਤਾਪੂਰਵਕ ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਵਾਪਰੇ ਜਬਰਦਸਤ ਐਕਸ਼ਨ ਸੀਨ ਅਤੇ ਬੇਤਹਾਸ਼ਾ ਗੁੱਸੇ ਨੂੰ ਪੇਸ਼ ਕਰਦੀ ਫਿਲਮ ਹੈ।
