Last Updated :
26 February 2025, 04:19 PM IST
Courtesy: ਸਿੰਗਾਪੁਰ ਵਿਖੇ ਕਤਲ ਕੇਸ 'ਚ 5 ਜਣਿਆਂ ਨੂੰ ਸਜ਼ਾ ਸੁਣਾਈ ਗਈ
Singapore Bouncer Murder : ਸਿੰਗਾਪੁਰ 'ਚ ਇੱਕ Bouncer ਦੇ ਕਤਲ ਮਾਮਲੇ ਵਿੱਚ ਭਾਰਤੀ ਮੂਲ ਦੇ ਪੰਜ ਲੋਕਾਂ ਨੂੰ ਦੋ ਤੋਂ ਤਿੰਨ ਸਾਲ ਦੀ ਕੈਦ ਅਤੇ ਕੋੜੇ ਮਾਰਨ ਦੀ ਸਜ਼ਾ ਸੁਣਾਈ ਗਈ ਹੈ। ਸ਼੍ਰੀਧਰਨ ਏਲਾਂਗੋਵਨ ਨੂੰ 36 ਮਹੀਨੇ ਦੀ ਕੈਦ ਅਤੇ 6 ਕੋੜੇ, ਮਨੋਜ ਕੁਮਾਰ ਵੇਲਯਨਾਥਮ ਨੂੰ 30 ਮਹੀਨੇ ਦੀ ਕੈਦ ਅਤੇ 4 ਕੋੜੇ, ਸ਼ਸ਼ੀ ਕੁਮਾਰ ਪਕਿਰਸਾਮੀ ਨੂੰ 24 ਮਹੀਨੇ ਦੀ ਕੈਦ ਅਤੇ 2 ਕੋੜੇ, ਪੁਥੇਨਵਿਲਾ ਕੀਥ ਪੀਟਰ ਨੂੰ 26 ਮਹੀਨੇ ਦੀ ਕੈਦ ਅਤੇ 3 ਕੋੜੇ ਅਤੇ ਰਾਜਾ ਰਿਸ਼ੀ ਨੂੰ 30 ਮਹੀਨੇ ਦੀ ਕੈਦ ਅਤੇ 4 ਕੋੜੇ ਦੀ ਸਜ਼ਾ ਸੁਣਾਈ ਗਈ।
ਇੱਕ ਨਿਊਜ਼ ਚੈੱਨਲ ਦੀ ਖ਼ਬਰ ਅਨੁਸਾਰ, ਇਨ੍ਹਾਂ ਸਾਰਿਆਂ ਨੇ 2023 ਵਿੱਚ ਸਿੰਗਾਪੁਰ ਦੇ ਕੌਨਕੋਰਡ ਹੋਟਲ ਅਤੇ ਸ਼ਾਪਿੰਗ ਮਾਲ ਵਿੱਚ ਦੰਗੇ ਕਰਨ ਦੇ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ। ਸ਼੍ਰੀਧਰਨ (30), ਮਨੋਜ ਕੁਮਾਰ (32) ਅਤੇ ਸ਼ਸ਼ੀਕੁਮਾਰ (34) ਇੱਕ ਧੜੇ ਦੇ ਮੈਂਬਰ ਸਨ। 30 ਸਾਲਾ ਅਸ਼ਵਿਨ ਪਚਨ ਪਿੱਲਈ ਸੁਕੁਮਾਰਨ 'ਤੇ ਪਹਿਲਾਂ ਵੀ ਕਤਲ ਦਾ ਦੋਸ਼ ਲਗਾਇਆ ਗਿਆ ਸੀ, ਜਿਸਨੇ ਕਥਿਤ ਤੌਰ 'ਤੇ 29 ਸਾਲਾ ਸਾਬਕਾ ਬਾਊਂਸਰ ਮੁਹੰਮਦ ਇਸ਼ਰਤ ਮੁਹੰਮਦ ਇਸਮਾਈਲ ਦਾ ਕਤਲ ਕੀਤਾ ਸੀ।ਭਾਰਤੀ ਮੂਲ ਦੇ ਇਸ ਵਿਅਕਤੀ ਦਾ ਮਾਮਲਾ ਲੰਬਿਤ ਹੈ।
ਇਸ਼ਰਤ ਅਤੇ ਉਸਦਾ ਦੋਸਤ ਮੁਹੰਮਦ ਸ਼ਾਹਰੁਲ ਨਿਜ਼ਾਮ ਉਸਮਾਨ (30) ਕਲੱਬ ਰੂਮਰਸ' ਵਿੱਚ ਬਾਊਂਸਰ ਸਨ ਅਤੇ ਇੱਕ ਹੋਰ ਗੈਂਗ ਦੇ ਮੈਂਬਰ ਸਨ। 19 ਅਗਸਤ, 2023 ਨੂੰ ਉਪਰੋਕਤ ਮੁਲਜ਼ਮਾਂ ਸਮੇਤ ਲਗਭਗ 10 ਵਿਅਕਤੀ ਕੌਨਕੋਰਡ ਹੋਟਲ ਅਤੇ ਸ਼ਾਪਿੰਗ ਮਾਲ ਦੇ ਕਲੱਬ ਰੂਮਰਸ ਵਿੱਚ ਸ਼ਰਾਬ ਪੀ ਰਹੇ ਸਨ, ਜਦੋਂ ਇਸ਼ਰਤ ਅਤੇ ਸ਼ਾਹਰੂਲ ਨਿਜ਼ਾਮ ਮੁਲਜ਼ਮਾਂ ਦੇ ਸਾਹਮਣੇ ਕਲੱਬ ਦੇ ਪ੍ਰਵੇਸ਼ ਦੁਆਰ ਕੋਲ ਬੈਠੇ ਸਨ। ਇਸ਼ਰਤ ਆਪਣੇ ਵਿਆਹ ਦਾ ਕਾਰਡ ਦੇਣ ਨਿਜ਼ਾਮ ਦੇ ਨਾਲ ਕਲੱਬ ਆਇਆ ਨਿਜ਼ਾਮ ਦੇ ਨਾਲ ਕਲੱਬ ਵਿੱਚ ਉਸਦੇ ਵਿਆਹ ਦਾ ਕਾਰਡ ਦੇਣ ਆਇਆ ਸੀ। ਸਵੇਰੇ ਛੇ ਵਜੇ ਦੇ ਕਰੀਬ ਜਦੋਂ ਕਲੱਬ ਬੰਦ ਹੋ ਰਿਹਾ ਸੀ ਤਾਂ ਇਸ਼ਰਤ ਅਤੇ ਮੁਲਜ਼ਮ ਵਿਚਕਾਰ ਬਹਿਸ ਹੋ ਗਈ। ਇਸ ਸਮੇਂ ਦੌਰਾਨ ਸਾਬਕਾ ਬਾਊਂਸਰ 'ਤੇ ਕਈ ਵਾਰ ਚਾਕੂ ਨਾਲ ਹਮਲਾ ਕੀਤਾ ਗਿਆ। ਇਸ ਤੋਂ ਬਾਅਦ, ਕਲੱਬ ਰੂਮਰਸ ਦੇ ਸਟਾਫ਼ ਨੇ ਇਸ਼ਰਤ ਲਈ ਐਂਬੂਲੈਂਸ ਬੁਲਾਈ। ਉਸ ਦੇ ਸਰੀਰ ਵਿੱਚੋਂ ਬਹੁਤ ਜ਼ਿਆਦਾ ਖੂਨ ਵਹਿਣ ਤੋਂ ਬਾਅਦ ਉਸ ਨੂੰ ਹਸਪਤਾਲ ਵਿੱਚ ਮ੍ਰਿਤਕ ਐਲਾਨ ਦਿੱਤਾ ਗਿਆ।
