Last Updated :
31 July 2023, 02:08 PM IST
ਇੱਕ ਏਅਰਲਾਈਨ ਅਧਿਕਾਰੀ ਦੇ ਅਨੁਸਾਰ, ਐਤਵਾਰ ਸਵੇਰੇ ਇੱਕ ਘੰਟੇ ਤੋਂ ਵੱਧ ਸਮੇਂ ਤੱਕ ਹਵਾ ਵਿੱਚ ਰਹਿਣ ਤੋਂ ਬਾਅਦ ਇੱਕ ਮੈਡੀਕਲ ਐਮਰਜੈਂਸੀ ਕਾਰਨ ਦਿੱਲੀ ਜਾ ਰਹੀ ਏਅਰ ਇੰਡੀਆ ਦੀ ਉਡਾਣ ਮੈਲਬੋਰਨ ਵਾਪਸ ਪਰਤ ਆਈ ਸੀ। ਇਹ ਇੱਕ ਬੋਇੰਗ ਡ੍ਰੀਮਲਾਈਨਰ ਨਾਲ ਸੰਚਾਲਿਤ ਫਲਾਈਟ AI309 ਸੀ ਜਿਸਨੇ ਬੀਮਾਰ ਯਾਤਰੀ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਡੀ ਪਲੈਨ ਕੀਤਾ ਅਤੇ ਇਸ ਤੋਂ ਬਾਅਦ ਭਾਰਤ ਲਈ ਦੁਬਾਰਾ ਉਡਾਣ ਭਰੀ ਜੋ ਕਿ ਬਾਅਦ ਵਿੱਚ ਸ਼ਾਮ ਨੂੰ ਲਗਭਗ 2130 ਵਜੇ ਦਿੱਲੀ ਹਵਾਈ ਅੱਡੇ ‘ਤੇ ਉਤਰੀ।
ਅਧਿਕਾਰੀ ਨੇ ਕਿਹਾ ਕਿ ਇੱਕ ਯਾਤਰੀ ਬਿਮਾਰ ਮਹਿਸੂਸ ਕਰ ਰਿਹਾ ਸੀ ਅਤੇ ਜਹਾਜ਼ ਵਿੱਚ ਮੌਜੂਦ ਇੱਕ ਡਾਕਟਰ ਨੇ ਸੁਝਾਅ ਦਿੱਤਾ ਕਿ ਯਾਤਰੀ ਨੂੰ ਹਸਪਤਾਲ ਵਿੱਚ ਭਰਤੀ ਕਰਨ ਦੀ ਲੋੜ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਕਿਉਂਕਿ ਇਹ ਮੈਡੀਕਲ ਐਮਰਜੈਂਸੀ ਸੀ। ਜਹਾਜ਼ ‘ਤੇ ਸਵਾਰ ਯਾਤਰੀਆਂ ਦੀ ਗਿਣਤੀ ਬਾਰੇ ਵੇਰਵਿਆਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ। ਬੀਮਾਰ ਯਾਤਰੀ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੂੰ ਡੀ-ਪਲਾਨ ਕਰਨ ਤੋਂ ਬਾਅਦ ਇਸਨੇ ਦੁਬਾਰਾ ਉਡਾਣ ਭਰੀ ਅਤੇ ਬਾਅਦ ਵਿੱਚ ਸ਼ਾਮ ਨੂੰ ਲਗਭਗ 9.30 ਵਜੇ ਦਿੱਲੀ ਹਵਾਈ ਅੱਡੇ ‘ਤੇ ਉਤਰੀ।
ਕੀ ਹੁੰਦਾ ਹੈ ਜਦੋਂ ਕਿਸੇ ਨੂੰ ਡਾਕਟਰੀ ਤੁਰੰਤ ਇਲਾਜ਼ ਦੀ ਲੋੜ ਹੁੰਦੀ ਹੈ?
ਪਹਿਲੀ ਕਾਰਵਾਈ ਜੋ ਕਰਨ ਦੀ ਲੋੜ ਹੁੰਦੀ ਹੈ ਉਹ ਇਹ ਹੈ ਕਿ ਕੈਬਿਨ ਕਰੂ ਦੁਆਰਾ ਵਿਅਕਤੀ ਦੀ ਡਾਕਟਰੀ ਤੁਰੰਤ ਇਲਾਜ਼ ਦੀ ਲੋੜ ਸਬੰਧੀ ਪਛਾਣ ਕਰਨਾ। ਇਸ ਮੈਡੀਕਲ ਐਮਰਜੈਂਸੀ ਸਥਿਤੀ ਦੀ ਪਹਿਚਾਣ ਕੈਬਿਨ ਕਰੂ ਆਪਣੇ ਆਪ ਕਰਦਾ ਹੈ, ਪਰ ਅਕਸਰ ਯਾਤਰੀ ਖੁਦ ਵੀ ਜੋ ਉਸ ਬਿਮਾਰ ਵਿਅਕਤੀ ਨਾਲ ਜਾ ਰਿਹਾ ਹੁੰਦਾ ਹੈ, ਜਾਂ ਇੱਕ ਨਜ਼ਦੀਕੀ ਯਾਤਰੀ ਇਸ ਸਥਿਤੀ ਦੀ ਚੇਤਾਵਨੀ ਦਿੰਦਾ ਹੈ।
ਇਸ ਮੌਕੇ ‘ਤੇ, ਕੈਪਟਨ ਸਮੇਤ ਸਾਰੇ ਕੈਬਿਨ ਕਰੂ ਨੂੰ ਸਥਿਤੀ ਤੋਂ ਜਾਣੂ ਕਰਵਾਇਆ ਜਾਂਦਾ ਹੈ। ਮੌਕੇ ‘ਤੇ ਮੌਜੂਦ ਪਹਿਲਾ ਅਮਲਾ ਮੈਂਬਰ ਮਰੀਜ਼ ਦਾ ਮੁਲਾਂਕਣ ਕਰਨਾ ਸ਼ੁਰੂ ਕਰਦਾ ਹੈ ਅਤੇ ਹੋਰਾਂ ਨੂੰ ਫਸਟ ਏਡ ਸਾਜ਼ੋ-ਸਾਮਾਨ ਦੀਆਂ ਢੁਕਵੀਆਂ ਚੀਜ਼ਾਂ ਨੂੰ ਲੈਕੇ ਉਸ ਵਿਅਕਤੀ ਦਾ ਇਲਾਜ਼ ਸ਼ੁਰੂ ਕਰਦਾ ਹੈ ਜਿਸਦੀ ਕਿ ਉਹਨਾਂ ਨੂੰ ਸਿਖਲਾਈ ਦਿੱਤੀ ਗਈ ਹੁੰਦੀ ਹੈ।
ਅਜਿਹੀ ਕਾਰਵਾਈ ਸਥਿਤੀ ਦੀ ਗੰਭੀਰਤਾ ‘ਤੇ ਨਿਰਭਰ ਕਰੇਗੀ। ਕੈਬਿਨ ਕਰੂ ਨੂੰ ਪਹਿਲੇ ਜਵਾਬ ਦੇ ਆਮ ਏ, ਬੀ, ਸੀ (ਏਅਰਵੇਅ, ਸਾਹ ਲੈਣ, ਸਰਕੂਲੇਸ਼ਨ) ਵਿੱਚੋਂ ਲੰਘਣ ਲਈ ਵਿਸੇਸ਼ ਸਿਖਲਾਈ ਦਿੱਤੀ ਗਈ ਹੁੰਦੀ ਹੈ। ਇਹਨਾਂ ਜਾਂਚਾਂ ਦੇ ਨਤੀਜੇ ਇਹ ਨਿਰਧਾਰਤ ਕਰਨਗੇ ਕਿ ਅੱਗੇ ਕਿਹੜੀਆਂ ਕਾਰਵਾਈਆਂ ਕਰਨ ਦੀ ਲੋੜ ਹੈ। ਚਾਲਕ ਦਲ ਦੇ ਮੈਂਬਰ ਵੀ ਅਜਿਹੀਆਂ ਸਥਿਤੀਆਂ ਵਿੱਚ ਸ਼ਾਂਤ ਅਤੇ ਪੇਸ਼ੇਵਰ ਰਹਿਣ ਦੀ ਕੋਸ਼ਿਸ਼ ਕਰਦੇ ਹਨ। ਜੇਕਰ ਸਥਿਤੀ ਹਦੋਂ ਵਧ ਗੰਭੀਰ ਹੋਵੇ ਤਾਂ ਕੈਪਟਨ ਜ਼ਹਾਜ ਨੂੰ ਵਾਪਿਸ ਉਤਾਰ ਸਕਦਾ ਹੈ।
