Last Updated :
12 July 2023, 04:13 PM IST
ਇਮੋਜੀ ਆਨਲਾਈਨ ਲੈਂਡਸਕੇਪ ਦਾ ਇੱਕ ਹਿੱਸਾ ਹਨ। ਗੋਲ ਫੇਸ ਇਮੋਟਿਕੌਨਸ ਦੀ ਵਰਤੋਂ ਟੈਕਸਟ-ਅਧਾਰਿਤ ਸੰਚਾਰ ਵਿੱਚ ਭਾਵਨਾਵਾਂ ਅਤੇ ਗੱਲਬਾਤ ਦੇ ਰੁਖ ਨੂੰ ਪ੍ਰਗਟ ਕਰਨ ਲਈ ਜਾਂ ਟੈਕਸਟ ਟਾਈਪ ਕੀਤੇ ਬਿਨਾਂ ਸ਼ਬਦਾਂ ਨੂੰ ਬਿਆਨ ਕਰਨ ਲਈ ਕੀਤੀ ਜਾਂਦੀ ਹੈ। ਲੋਕ ਅਕਸਰ ਇਮੋਜੀ ਭੇਜਣ ਤੋਂ ਪਹਿਲਾਂ ਬਹੁਤਾ ਸੋਚ-ਵਿਚਾਰ ਨਹੀਂ ਕਰਦੇ, ਬਿਨਾਂ ਸਪੱਸ਼ਟ ਵਿਆਖਿਆ ਦੇ ਅਜਿਹੇ ਛੋਟੇ ਡਿਜੀਟਲ ਆਈਕਨ ਦੀ ਵਰਤੋਂ ਕਰਨ ਦੇ ਨਤੀਜੇ ਵਜੋਂ ਇੱਕ ਕੈਨੇਡੀਅਨ ਕਿਸਾਨ ਨੂੰ 60 ਲੱਖ ਰੁਪਏ ਦਾ ਜੁਰਮਾਨਾ ਕੀਤਾ ਗਿਆ।
ਸਸਕੈਚਵਨ, ਕੈਨੇਡਾ ਦੇ ਇੱਕ ਕਿਸਾਨ ਕ੍ਰਿਸ ਅਚਟਰ ਨੂੰ ਕੈਨੇਡੀਅਨ ਅਦਾਲਤ ਨੇ ਟੈਕਸਟ ਸੁਨੇਹੇ ‘ਤੇ ਖਰੀਦਦਾਰ ਦੁਆਰਾ ਭੇਜੇ ਗਏ ਇਕਰਾਰਨਾਮੇ ਲਈ ਥੰਬਸ ਅੱਪ ਇਮੋਜੀ ਦੀ ਵਰਤੋਂ ਕਰਨ ਲਈ $61,610 ਦੇ ਲਗਭਗ ਦਾ ਜੁਰਮਾਨਾ ਲਗਾਇਆ ਹੈ। ਰਿਪੋਰਟ ਅਨੁਸਾਰ, ਅਚਟਰ ਖਰੀਦਦਾਰ ਨਾਲ ਇੱਕ ਸਮਝੌਤੇ ‘ਤੇ ਚਰਚਾ ਕਰ ਰਿਹਾ ਸੀ ਜੋ 12.73 ਡਾਲਰ ਪ੍ਰਤੀ ਬੁਸ਼ਲ ਦੀ ਕੀਮਤ ‘ਤੇ 86 ਟਨ ਫਲੈਕਸ ਖਰੀਦਣ ਵਿੱਚ ਦਿਲਚਸਪੀ ਰੱਖਦਾ ਸੀ। ਖਰੀਦਦਾਰ ਨੇ ਅਚਟਰ ਨਾਲ ਫੋਨ ‘ਤੇ ਗੱਲਬਾਤ ਕੀਤੀ ਅਤੇ ਨੌਜਵਾਨ ਨੇ ਨਵੰਬਰ ਵਿੱਚ ਫਲੈਕਸ ਡਿਲੀਵਰ ਕਰਨ ਦੇ ਇਕਰਾਰਨਾਮੇ ਦੀ ਤਸਵੀਰ ਸਾਂਝੀ ਕੀਤੀ ਅਤੇ ਉਸਨੂੰ ਇਕਰਾਰਨਾਮੇ ਦੀ ਪੁਸ਼ਟੀ ਕਰਨ ਲਈ ਕਿਹਾ। ਸੁਨੇਹੇ ਦਾ ਜਵਾਬ ਦਿੰਦੇ ਹੋਏ, ਅਚਟਰ ਨੇ ਖਰੀਦਦਾਰ ਨੂੰ ਇੱਕ ਥੰਬਸ ਅੱਪ ਇਮੋਜੀ ਭੇਜਿਆ, ਜਿਸ ਨੂੰ ਉਸਨੇ ਇਕਰਾਰਨਾਮੇ ਦੀ ਹਾਂ ਵਜੋਂ ਸਵੀਕਾਰ ਕਰ ਲਿਆ। ਫਿਰ ਮਹੀਨਿਆਂ ਬਾਅਦ ਕਿਸਾਨ ਨੇ ਵਾਅਦੇ ਅਨੁਸਾਰ ਕੋਈ ਵੀ ਫਲੈਕਸ ਨਹੀਂ ਦਿੱਤਾ ਸੀ। ਫਿਰ ਜਦੋਂ ਖਰੀਦਦਾਰ ਨੇ ਅਚਟਰ ਨਾਲ ਸੰਪਰਕ ਕੀਤਾ ’ਤੇ ਕਿਹਾ ਕਿ ਉਸਨੇ ਇਕਰਾਰਨਾਮੇ ਨੂੰ ਫੋਟੋ ਵਜੋਂ ਸਵੀਕਾਰਦੇ ਹੋਏ ਥੰਬਸ-ਅੱਪ ਇਮੋਜੀ ਭੇਜਿਆ ਸੀ, ਤਾਂ ਉਸਨੇ ਕਿਹਾ ਕਿ ਉਸਦੇ ਥੰਬਸ-ਅੱਪ ਇਮੋਜੀ ਦਾ ਉਦੇਸ਼ ਉਸਨੂੰ ਦਸਤਖਤ ਵਜੋਂ ਮੰਨਣਾ ਜਾਂ ਇਕਰਾਰਨਾਮੇ ਨੂੰ ਸਵੀਕਾਰ ਕਰਨਾ ਨਹੀਂ ਸੀ।
ਇਸ ਮਾਮਲੇ ਨੂੰ ਸੁਲਝਾਉਣ ਲਈ ਅਦਾਲਤ ਵਿੱਚ ਲਿਜਾਇਆ ਗਿਆ। ਸੁਣਵਾਈ ਦੌਰਾਨ, ਖਰੀਦਦਾਰ ਨੇ ਅਚਟਰ ‘ਤੇ ਇਕਰਾਰਨਾਮੇ ਨੂੰ ਪੂਰਾ ਨਾ ਕਰਨ ਦਾ ਦੋਸ਼ ਲਗਾਇਆ ਅਤੇ ਗੱਲਬਾਤ ਦਾ ਸਕ੍ਰੀਨਸ਼ੌਟ ਸਾਂਝਾ ਕਰਕੇ ਆਪਣੀ ਦਲੀਲ ਦਾ ਸਮਰਥਨ ਕੀਤਾ। ਹਾਲਾਂਕਿ, ਅਚਟਰ ਨੇ ਕਿਹਾ ਕਿ ਸੁਨੇਹੇ ਵਿੱਚ ਜੋ ਇਮੋਜੀ ਭੇਜੀ ਸੀ, ਉਸ ਦਾ ਮਤਲਬ ਸਿਰਫ਼ ਇਹ ਸੀ ਕਿ ਉਸ ਨੂੰ ਇਕਰਾਰਨਾਮਾ ਪ੍ਰਾਪਤ ਹੋਇਆ ਹੈ। ਫਿਰ ਦੋਵਾਂ ਧਿਰਾਂ ਨੂੰ ਸੁਣਨ ਤੋਂ ਬਾਅਦ, ਜੱਜ ਨੇ ਖਰੀਦਦਾਰ ਦੇ ਹੱਕ ਵਿੱਚ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਥੰਬਸ-ਅਪ ਇਮੋਜੀ ਦੀ ਵਰਤੋਂ ਡਿਜੀਟਲ ਸੰਚਾਰ ਵਿੱਚ ਸਮਝੌਤੇ, ਪ੍ਰਵਾਨਗੀ ਜਾਂ ਉਤਸ਼ਾਹ ਨੂੰ ਪ੍ਰਗਟ ਕਰਨ ਲਈ ਕੀਤੀ ਜਾਂਦੀ ਹੈ। ਸਿੱਟੇ ਵਜੋਂ, ਕਿਸਾਨ ਨੂੰ ਖਰੀਦਦਾਰ ਦੁਆਰਾ ਇਕਰਾਰਨਾਮੇ ’ਤੇ ਖਰ੍ਹਾ ਨਾ ਉਤਰਨ ਲਈ C$82,000 ਦੇ ਭੁਗਤਾਨ ਦਾ ਹੁਕਮ ਸੁਣਾਇਆ।
