ਭਾਰਤ–ਅਮਰੀਕਾ ਵਪਾਰ ਸਮਝੌਤਾ ਕਿਸਾਨੀ ਹਿਤਾਂ ਦੀ ਬਣਿਆ ਮਜ਼ਬੂਤ ਢਾਲ

ਭਾਰਤ–ਅਮਰੀਕਾ ਵਪਾਰ ਸਮਝੌਤੇ ’ਤੇ ਵਿਰੋਧ ਦੇ ਸ਼ੋਰ ਵਿਚ ਕੇਂਦਰੀ ਖੇਤੀ ਮੰਤਰੀ ਨੇ ਸਾਫ਼ ਕਿਹਾ ਕਿ ਕਿਸਾਨੀ, ਡੈਅਰੀ ਅਤੇ ਅਨਾਜ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ।

Last Updated : 06 February 2026, 12:49 PM IST

ਕੇਂਦਰੀ ਖੇਤੀ ਤੇ ਕਿਸਾਨ ਭਲਾਈ ਮੰਤਰੀ Shivraj Singh Chouhan ਨੇ ਦਿੱਲੀ ਵਿੱਚ ਮੀਡੀਆ ਨਾਲ ਗੱਲ ਕਰਦਿਆਂ ਸਾਫ਼ ਕੀਤਾ ਕਿ ਭਾਰਤ–ਅਮਰੀਕਾ ਵਪਾਰ ਸਮਝੌਤਾ ਕਿਸਾਨਾਂ ਦੇ ਖ਼ਿਲਾਫ਼ ਨਹੀਂ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਪਹਿਲੇ ਦਿਨ ਤੋਂ ਹੀ ਸਪਸ਼ਟ ਕਰ ਦਿੱਤਾ ਸੀ ਕਿ ਕਿਸਾਨੀ ਹਿਤਾਂ ’ਤੇ ਕੋਈ ਵੀ ਸਮਝੌਤਾ ਨਹੀਂ ਹੋਵੇਗਾ। ਇਸ ਸਮਝੌਤੇ ਨਾਲ ਨਾ ਤਾਂ ਕਿਸਾਨੀ ਡੁੱਬੇਗੀ ਨਾ ਹੀ ਮਾਰਕੀਟ ਖੁੱਲ੍ਹੇਗੀ। ਛੋਟੇ ਤੋਂ ਵੱਡੇ ਕਿਸਾਨ ਤੱਕ ਹਰ ਕਿਸੇ ਦੀ ਰੱਖਿਆ ਕੀਤੀ ਗਈ ਹੈ। ਸਰਕਾਰ ਦੇ ਮੁਤਾਬਕ ਇਹ ਡਰ ਨਹੀਂ ਮੌਕੇ ਲੈ ਕੇ ਆਇਆ ਹੈ। ਗਲਤ ਪ੍ਰਚਾਰ ਕਰਕੇ ਕਿਸਾਨਾਂ ਨੂੰ ਭੜਕਾਇਆ ਜਾ ਰਿਹਾ ਹੈ। ਅਸਲ ਹਕੀਕਤ ਇਸ ਤੋਂ ਬਿਲਕੁਲ ਵੱਖਰੀ ਹੈ।

ਕੀ ਅਨਾਜ ਤੇ ਡੈਅਰੀ ਉੱਤੇ ਵਿਦੇਸ਼ੀ ਦਬਾਅ ਆਵੇਗਾ?

ਮੰਤਰੀ ਨੇ ਸਾਫ਼ ਕਿਹਾ ਕਿ ਚਾਵਲ, ਕਣਕ, ਦਾਲਾਂ, ਮਿਲਟਸ, ਫਲ ਅਤੇ ਦੁੱਧ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ। ਕੋਈ ਵੀ ਵਿਦੇਸ਼ੀ ਉਤਪਾਦ ਅਚਾਨਕ ਭਾਰਤੀ ਮਾਰਕੀਟ ਵਿੱਚ ਨਹੀਂ ਆਵੇਗਾ। ਡੈਅਰੀ ਖੇਤਰ ਨੂੰ ਖੋਲ੍ਹਣ ਦੀ ਕੋਈ ਯੋਜਨਾ ਨਹੀਂ ਹੈ। ਕਿਸਾਨਾਂ ਦੀ ਰੋਜ਼ੀ-ਰੋਟੀ ਨਾਲ ਖਿਲਵਾੜ ਨਹੀਂ ਹੋਵੇਗਾ। ਹਰ ਮੁੱਖ ਫਸਲ ’ਤੇ ਸੁਰੱਖਿਆ ਦੀ ਢਾਲ ਹੈ। ਸਰਕਾਰ ਨੇ ਇਹ ਗੱਲ ਦੋ ਟੁੱਕ ਕਹੀ ਹੈ।ਕਿਸਾਨਾਂ ਨੂੰ ਡਰਣ ਦੀ ਲੋੜ ਨਹੀਂ।

ਛੋਟੇ ਕਿਸਾਨਾਂ ਬਾਰੇ ਸਰਕਾਰ ਦੀ ਸੋਚ ਕੀ ਹੈ?

ਵਿਰੋਧੀ ਧਿਰ ਛੋਟੇ ਕਿਸਾਨਾਂ ਨੂੰ ਲੈ ਕੇ ਸਵਾਲ ਖੜੇ ਕਰ ਰਹੀ ਹੈ। ਇਸ ’ਤੇ ਮੰਤਰੀ ਨੇ ਕਿਹਾ ਕਿ ਸਮਝੌਤਾ ਬਣਾਉਂਦੇ ਸਮੇਂ ਛੋਟਾ ਕਿਸਾਨ ਕੇਂਦਰ ਵਿੱਚ ਸੀ। ਕੋਈ ਵੀ ਅਜਿਹਾ ਖੇਤਰ ਨਹੀਂ ਖੋਲ੍ਹਿਆ ਗਿਆ ਜੋ ਕਿਸਾਨ ਨੂੰ ਨੁਕਸਾਨ ਦੇਵੇ। ਭਾਰਤ ਦੀ ਵੱਡੀ ਅਬਾਦੀ ਕਿਸਾਨੀ ਨਾਲ ਜੁੜੀ ਹੋਈ ਹੈ। ਇਸ ਸੱਚ ਨੂੰ ਸਰਕਾਰ ਅਣਡਿੱਠਾ ਨਹੀਂ ਕਰ ਸਕਦੀ। ਇਸ ਲਈ ਹਰ ਫੈਸਲਾ ਸੋਚ ਸਮਝ ਕੇ ਲਿਆ ਗਿਆ। ਕਿਸਾਨੀ ਹਿਤ ਪਹਿਲਾਂ ਹਨ। ਇਹੀ ਨੀਤੀ ਅੱਗੇ ਵੀ ਰਹੇਗੀ।

ਅਮਰੀਕੀ ਬਿਆਨ ਨਾਲ ਭਰਮ ਕਿਉਂ ਪੈਦਾ ਹੋਇਆ?

ਅਮਰੀਕਾ ਦੇ ਖ਼ਜ਼ਾਨਾ ਸਕੱਤਰ ਦੇ ਇੱਕ ਬਿਆਨ ਤੋਂ ਬਾਅਦ ਭਰਮ ਪੈਦਾ ਹੋਇਆ। ਮੰਤਰੀ ਨੇ ਕਿਹਾ ਕਿ ਇਸ ਬਾਰੇ ਵਪਾਰ ਮੰਤਰੀ ਸੰਸਦ ਵਿੱਚ ਸਪਸ਼ਟੀਕਰਨ ਦੇ ਚੁੱਕੇ ਹਨ। ਭਾਰਤ ਨੇ ਆਪਣੇ ਬਾਜ਼ਾਰਾਂ ’ਤੇ ਕੋਈ ਦਬਾਅ ਨਹੀਂ ਆਉਣ ਦਿੱਤਾ। ਖੇਤੀ ਉਤਪਾਦਾਂ ਲਈ ਸੁਰੱਖਿਆ ਜਿਉਂ ਦੀ ਤਿਉਂ ਹੈ। ਸੋਸ਼ਲ ਮੀਡੀਆ ’ਤੇ ਅਧੂਰੀ ਗੱਲਾਂ ਫੈਲਾਈਆਂ ਗਈਆਂ। ਹਕੀਕਤ ਨੂੰ ਤੋੜ ਮਰੋੜ ਕੇ ਪੇਸ਼ ਕੀਤਾ ਗਿਆ। ਕਿਸਾਨਾਂ ਨੂੰ ਘਬਰਾਉਣ ਦੀ ਲੋੜ ਨਹੀਂ।

ਚਾਵਲ ਤੇ ਮਸਾਲਿਆਂ ਦੀ ਨਿਰਯਾਤ ਕਿਵੇਂ ਵਧੇਗੀ?

ਮੰਤਰੀ ਨੇ ਕਿਹਾ ਕਿ ਭਾਰਤ ਪਹਿਲਾਂ ਹੀ ਕਈ ਦੇਸ਼ਾਂ ਨੂੰ ਚਾਵਲ ਨਿਰਯਾਤ ਕਰਦਾ ਹੈ। ਅਮਰੀਕਾ ਵੀ ਉਨ੍ਹਾਂ ਵਿੱਚ ਸ਼ਾਮਲ ਹੈ।ਹਾਲੀਆ ਸਮੇਂ ’ਚ ਚਾਵਲ ਨਿਰਯਾਤ ਕਰੀਬ 63 ਹਜ਼ਾਰ ਕਰੋੜ ਰੁਪਏ ਤੱਕ ਪਹੁੰਚੀ। ਟੈਰਿਫ ਘਟਣ ਨਾਲ ਚਾਵਲ ਤੇ ਮਸਾਲਿਆਂ ਦੀ ਮੰਗ ਹੋਰ ਵਧੇਗੀ। ਇਸ ਨਾਲ ਕਿਸਾਨਾਂ ਨੂੰ ਸਿੱਧਾ ਲਾਭ ਮਿਲੇਗਾ। ਨਵੇਂ ਬਾਜ਼ਾਰ ਖੁੱਲ੍ਹਣਗੇ। ਇਹ ਸਮਝੌਤਾ ਕਿਸਾਨੀ ਲਈ ਰਸਤਾ ਬਣਦਾ ਹੈ।

ਟੈਕਸਟਾਈਲ ਨਿਰਯਾਤ ਨਾਲ ਕਪਾਹ ਕਿਸਾਨ ਨੂੰ ਕੀ ਮਿਲੇਗਾ?

ਟੈਕਸਟਾਈਲ ਖੇਤਰ ਨੂੰ ਇਸ ਸਮਝੌਤੇ ਨਾਲ ਵੱਡਾ ਫ਼ਾਇਦਾ ਮਿਲੇਗਾ। ਕਪਾਹ ਉਗਾਉਣ ਵਾਲੇ ਲੱਖਾਂ ਕਿਸਾਨਾਂ ਦੀ ਆਮਦਨ ਵਧੇਗੀ। ਟੈਰਿਫ ਘਟਣ ਨਾਲ ਭਾਰਤੀ ਕੱਪੜਾ ਉਦਯੋਗ ਮਜ਼ਬੂਤ ਹੋਵੇਗਾ। ਇਸ ਦਾ ਅਸਰ ਸਿੱਧਾ ਪਿੰਡਾਂ ’ਚ ਦਿਖੇਗਾ। ਰੋਜ਼ਗਾਰ ਦੇ ਨਵੇਂ ਮੌਕੇ ਬਣਣਗੇ। ਪਿੰਡਾਂ ਦੀ ਅਰਥਵਿਵਸਥਾ ਮਜ਼ਬੂਤ ਹੋਵੇਗੀ। ਇਹ ਪੱਖ ਵੀ ਸਮਝੌਤੇ ਦੀ ਵੱਡੀ ਤਾਕਤ ਹੈ।

ਕਿਸਾਨਾਂ ਲਈ ਸਰਕਾਰ ਦਾ ਸਿੱਧਾ ਸੰਦੇਸ਼ ਕੀ ਹੈ?

ਮੰਤਰੀ ਨੇ ਭਾਵੁਕ ਲਹਿਜ਼ੇ ’ਚ ਕਿਹਾ ਕਿ ਕਿਸਾਨ ਅੰਨਦਾਤਾ ਹਨ।ਉਨ੍ਹਾਂ ਦੀ ਸੇਵਾ ਇਬਾਦਤ ਵਰਗੀ ਹੈ।ਪ੍ਰਧਾਨ ਮੰਤਰੀ Narendra Modi ਦੀ ਅਗਵਾਈ ਹੇਠ ਕਿਸਾਨੀ ਹਿਤਾਂ ’ਤੇ ਕੋਈ ਸਮਝੌਤਾ ਨਹੀਂ ਹੋਵੇਗਾ।ਸਰਕਾਰ ਹਰ ਕਦਮ ’ਤੇ ਕਿਸਾਨਾਂ ਨਾਲ ਖੜੀ ਰਹੇਗੀ।ਡਰ ਅਤੇ ਭਰਮ ਫੈਲਾਉਣ ਵਾਲਿਆਂ ਤੋਂ ਸਾਵਧਾਨ ਰਹਿਣ ਦੀ ਲੋੜ ਹੈ।ਕਿਸਾਨ ਦਾ ਭਲਾ ਦੇਸ਼ ਦਾ ਭਲਾ ਹੈ।ਇਹੀ ਸਰਕਾਰ ਦੀ ਸਪਸ਼ਟ ਨੀਤੀ ਹੈ।

Tags :