Last Updated :
15 November 2023, 07:42 AM IST
ਲੁਧਿਆਣਾ ਦੇ ਬਾਜਵਾ ਨਗਰ ਪੁਲੀ ਇਲਾਕੇ 'ਚ ਰੰਜਿਸ਼ ਦੇ ਚੱਲਦਿਆਂ ਬਦਮਾਸ਼ਾਂ ਨੇ ਇਕ ਵਿਅਕਤੀ 'ਤੇ ਲੋਹੇ ਦੇ ਕੜਾ ਨਾਲ ਹਮਲਾ ਕਰ ਦਿੱਤਾ। ਥਾਣਾ ਡਿਵੀਜ਼ਨ ਨੰਬਰ 4 ਦੀ ਪੁਲਿਸ ਨੇ ਮੁਲਜ਼ਮ ਗੈਂਗਸਟਰ ਸਚਿਨ ਧੀਂਗਾਨ, ਮੋਹਨੀ ਗਾਗਟ ਅਤੇ ਤਿੰਨ ਤੋਂ ਚਾਰ ਅਣਪਛਾਤੇ ਵਿਅਕਤੀਆਂ ਖ਼ਿਲਾਫ਼ ਕੁੱਟਮਾਰ ਦੀਆਂ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ।
ਸ਼ਮਸ਼ਾਨਘਾਟ ਜਾਣ ਲੱਗਿਆ ਵਾਪਰੀ ਘਟਨਾ
ਪੀੜਤ ਸੰਨੀ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਇੱਕ ਸਮਾਜ ਸੇਵੀ ਹੈ। 13 ਨਵੰਬਰ ਨੂੰ ਉਹ ਆਪਣੇ ਦੋਸਤ ਅਜੇ ਪਾਲ ਦੀ ਮਾਂ ਦੇ ਅੰਤਿਮ ਸੰਸਕਾਰ 'ਤੇ ਗਿਆ ਸੀ। ਇੱਥੇ ਜਦੋਂ ਉਹ ਸ਼ਮਸ਼ਾਨਘਾਟ ਜਾਣ ਲੱਗਾ ਤਾਂ ਦੋਸ਼ੀ ਸਚਿਨ ਨੇ ਉਸ ਨੂੰ ਬੁਲਾ ਲਿਆ। ਜਦੋਂ ਉਹ ਉਸ ਦੇ ਨੇੜੇ ਗਿਆ ਤਾਂ ਮੁਲਜ਼ਮ ਮੋਹਨੀ ਗਾਗਟ ਵੀ ਉਸਦੇ ਪਿੱਛਾ ਆ ਗਿਆ। ਪੁਰਾਣੀ ਰੰਜਿਸ਼ ਕਾਰਨ ਉਨ੍ਹਾਂ ਨੇ ਉਸ ਦੀ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ। ਮੋਹਨੀ ਨੇ ਉਸ ਦੇ ਸਿਰ 'ਤੇ ਲੋਹੇ ਦੇ ਕੜੇ ਨਾਲ ਕਈ ਵਾਰ ਕੀਤੇ। ਜਿਸ ਕਾਰਨ ਉਸ ਦੇ ਸਿਰ 'ਚੋਂ ਖੂਨ ਨਿਕਲਣ ਲੱਗਾ।
