Last Updated :
05 February 2025, 05:20 PM IST
Courtesy: ਬਠਿੰਡਾ ਦੇ ਨਵੇਂ ਮੇਅਰ ਪਦਮਜੀਤ ਮਹਿਤਾ
ਨਗਰ ਨਿਗਮ ਬਠਿੰਡਾ ਦੇ ਮੇਅਰ ਦੀ ਕਰੀਬ ਸਵਾ ਸਾਲ ਬਾਅਦ ਅੱਜ ਚੋਣ ਹੋਈ। ਇਸ ਵਿੱਚ ਸੂਬੇ ਦੀ ਸੱਤਾਧਾਰੀ ਪਾਰਟੀ ਆਮ ਆਦਮੀ ਪਾਰਟੀ ਨੇ ਬਾਜ਼ੀ ਮਾਰੀ। ਵਾਰਡ ਨੰਬਰ 48 ਤੋਂ ਉਪ-ਚੋਣ ਜਿੱਤ ਕੇ ਕੌਂਸਲਰ ਬਣੇ ਆਪ ਦੇ ਪਦਮਜੀਤ ਮਹਿਤਾ ਨੂੰ 50 ਵਿੱਚੋਂ 35 ਮਿਲੀਆਂ ਜਿਸ ਕਾਰਨ ਉਹ ਨਵੇਂ ਮੇਅਰ ਚੁਣੇ ਗਏ। ਉਹ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੇ ਪ੍ਰਧਾਨ ਅਮਰਜੀਤ ਮਹਿਤਾ ਦੇ ਸਪੁੱਤਰ ਹਨ। ਉਹ ਇੰਗਲੈਂਡ ਯੂਨੀਵਰਸਿਟੀ ਤੋਂ ਉੱਚ-ਵਿਦਿਅਕ ਹਾਸਿਲ ਹਨ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਹਿਤਾ ਪੰਜਾਬ ਨਹੀਂ ਸਗੋਂ ਭਾਰਤ ਅੰਦਰ ਸਭ ਤੋਂ ਘੱਟ ਉਮਰ ਦੇ ਮੇਅਰ ਬਣੇ ਹਨ।
ਆਮ ਆਦਮੀ ਪਾਰਟੀ ਨੇ ਬਠਿੰਡਾ ਤੋਂ ਪਹਿਲਾਂ ਸੂਬੇ ਦੀਆਂ ਹੋਰਨਾਂ ਨਗਰ ਨਿਗਮਾਂ ਅੰਦਰ ਵੀ ਆਪਣੀ ਪਾਰਟੀ ਦਾ ਮੇਅਰ ਬਣਾਉਣ 'ਚ ਸਫਲਤਾ ਹਾਸਲ ਕੀਤੀ ਹੈ। ਨਗਰ ਨਿਗਮ ਚੋਣਾਂ ਹੋਣ ਮਗਰੋਂ ਪਟਿਆਲਾ ਵਿਖੇ ਮੇਅਰ ਬਣਾਇਆ ਗਿਆ। ਫਿਰ ਜਲੰਧਰ ਵਿਖੇ ਆਪ ਦਾ ਮੇਅਰ ਬਣਿਆ। ਲੁਧਿਆਣਾ 'ਚ ਲੰਬੇ ਜੋੜ ਤੋੜ ਮਗਰੋਂ ਆਪ ਮੇਅਰ ਬਣਾਉਣ 'ਚ ਸਫਲ ਰਹੀ। ਥੋੜ੍ਹੇ ਦਿਨ ਪਹਿਲਾਂ ਅੰਮ੍ਰਿਤਸਰ ਤੇ ਫਗਵਾੜਾ ਚ ਮੇਅਰ ਚੁਣੇ ਗਏ। ਹਾਲਾਂਕਿ, ਅੰਮ੍ਰਿਤਸਰ ਤੇ ਫਗਵਾੜਾ 'ਚ ਵਿਰੋਧੀ ਧਿਰਾਂ ਨੇ ਆਪ ਖਿਲਾਫ ਰੋਸ ਵੀ ਜਾਹਿਰ ਕੀਤਾ ਸੀ ਤੇ ਮੇਅਰ ਦੀ ਚੋਣ ਨੂੰ ਧੱਕੇਸ਼ਾਹੀ ਦੱਸਿਆ ਸੀ। ਪ੍ਰੰਤੂ ਕੁੱਲ ਮਿਲਾ ਕੇ ਪੰਜਾਬ ਅੰਦਰ ਆਪਣੇ ਮੇਅਰ ਬਣਾਉਣ ਚ ਆਪ ਕਾਮਯਾਬ ਰਹੀ।
