Last Updated :
08 April 2024, 07:39 AM IST
Punjab News: ਕੈਂਸਰ ਨਾਲ ਜੰਗ ਲੜ ਰਹੇ ਸਾਬਕਾ ਕ੍ਰਿਕਟਰ ਅਤੇ ਕਾਂਗਰਸ ਨੇਤਾ ਨਵਜੋਤ ਸਿੰਘ ਸਿੱਧੂ ਦੀ ਪਤਨੀ ਨੂੰ ਯਮੁਨਾਨਗਰ ਦੇ ਹਸਪਤਾਲ ਤੋਂ ਅਪਰੇਸ਼ਨ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ। ਉਹ ਖੁਦ ਚਲ ਕੇ ਹਸਪਤਾਲ ਤੋਂ ਬਾਹਰ ਆ ਗਈ। ਇਹ ਜਾਣਕਾਰੀ ਨਵਜੋਤ ਸਿੰਘ ਸਿੱਧੂ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸਾਂਝੀ ਕੀਤੀ ਹੈ।
ਉਨ੍ਹਾਂ ਨੇ ਪੋਸਟ ਵਿੱਚ ਲਿਖਿਆ- "ਆਪਣੇ ਪੈਰਾਂ 'ਤੇ ਵਾਪਿਸ... ਹਸਪਤਾਲ ਤੋਂ ਛੁੱਟੀ ਮਿਲ ਗਈ... 25 ਰੇਡੀਏਸ਼ਨ ਸੈਸ਼ਨਾਂ ਤੋਂ ਪਹਿਲਾਂ ਇੱਕ ਮਹੀਨੇ ਦਾ ਰਿਕਵਰੀ ਟਾਈਮ... ਡਾ ਰੁਪਿੰਦਰ ਅਤੇ ਸਟਾਫ਼ ਦਾ ਬਹੁਤ ਬਹੁਤ ਧੰਨਵਾਦ... ਸਦਾ ਰਿਣੀ ਰਹਾਂਗੇ।" .
Back on her feet … discharged from Hospital … one month recovery time before 25 radiation session’s … Big thank you to Dr Rupinder and the staff … indebted forever 🙏 pic.twitter.com/YKEW64wbmk
— Navjot Singh Sidhu (@sherryontopp) April 7, 2024
ਸਾਢੇ 3 ਘੰਟੇ ਤੱਕ ਚੱਲਿਆ ਸੀ ਅਪਰੇਸ਼ਨ
ਤਿੰਨ ਦਿਨ ਪਹਿਲਾਂ ਡਾਕਟਰ ਨਵਜੋਤ ਕੌਰ ਨੂੰ ਯਮੁਨਾਨਗਰ ਦੇ ਡਾ: ਵਰਿਆਮ ਸਿੰਘ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਸੀ। ਵੀਰਵਾਰ ਸ਼ਾਮ ਉਨ੍ਹਾਂ ਦਾ ਸਫਲ ਅਪਰੇਸ਼ਨ ਹੋਇਆ। ਇਹ ਅਪਰੇਸ਼ਨ ਕਰੀਬ ਸਾਢੇ ਤਿੰਨ ਘੰਟੇ ਚੱਲਿਆ। ਸ਼ਾਮ ਪੰਜ ਵਜੇ ਉਨ੍ਹਾਂ ਦਾ ਅਪਰੇਸ਼ਨ ਸ਼ੁਰੂ ਹੋਇਆ।
ਆਪਰੇਸ਼ਨ ਤੋਂ ਬਾਅਦ ਉਹ ਠੀਕ ਹੈ। ਉਹ ਪਿਛਲੇ 11 ਮਹੀਨਿਆਂ ਤੋਂ ਇਸੇ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹੈ। ਇਸ ਦੌਰਾਨ, ਸਿੱਧੂ ਨੇ ਕਿਹਾ ਸੀ ਕਿ ਦੁਰਲੱਭ ਮੈਟਾਸਟੈਸੀਜ਼ ਲਈ - ਸਾਢੇ ਤਿੰਨ ਘੰਟੇ ਚੱਲਿਆ, ਪ੍ਰਭਾਵਿਤ ਚਮੜੀ ਨੂੰ ਹਟਾ ਦਿੱਤਾ ਗਿਆ ਅਤੇ ਇੱਕ ਫਲੈਪ ਨਾਲ ਦੁਬਾਰਾ ਬਣਾਇਆ ਗਿਆ... ਉਸਦਾ ਸੰਕਲਪ ਮਜ਼ਬੂਤ ਹੈ, ਉਸਦੇ ਚਿਹਰੇ ਤੋਂ ਮੁਸਕਰਾਹਟ ਕਦੇ ਵੀ ਫਿੱਕੀ ਨਹੀਂ ਪੈਂਦੀ।
