Last Updated :
16 January 2024, 12:52 PM IST
ਜੇਕਰ ਤੁਸੀਂ ਬੈਂਕ ਤੋਂ ਆਪਣੀ ਕਾਰ ਦੇ Fastag ਦਾ ਕੇਵਾਈਸੀ ਅਪਡੇਟ ਨਹੀਂ ਕੀਤਾ ਹੈ ਤਾਂ 31 ਜਨਵਰੀ ਤੱਕ ਇਸ ਨੂੰ ਕਰਵਾ ਲਓ। ਬੈਂਕ KYC ਦੇ ਬਿਨਾਂ ਫਾਸਟੈਗ ਨੂੰ ਬੰਦ ਜਾਂ ਬਲੈਕਲਿਸਟ ਕਰ ਦੇਣਗੇ। ਇਸ ਤੋਂ ਬਾਅਦ ਫਾਸਟੈਗ 'ਚ ਬੈਲੇਂਸ ਹੋਣ ਦੇ ਬਾਵਜੂਦ ਭੁਗਤਾਨ ਨਹੀਂ ਹੋਵੇਗਾ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਨੇ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। NHAI ਨੇ ਫਾਸਟੈਗ ਗਾਹਕਾਂ ਨੂੰ ਭਾਰਤੀ ਰਿਜ਼ਰਵ ਬੈਂਕ ਦੇ ਨਿਯਮਾਂ ਅਨੁਸਾਰ ਫਾਸਟੈਗ ਲਈ ਕੇਵਾਈਸੀ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਕਿਹਾ ਹੈ, ਤਾਂ ਜੋ ਫਾਸਟੈਗ ਦੀ ਸਹੂਲਤ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਦਿੱਤੀ ਜਾ ਸਕੇ। ਗਾਹਕ ਹੁਣ ਇੱਕ ਵਾਹਨ ਵਿੱਚ ਸਿਰਫ਼ ਇੱਕ ਫਾਸਟੈਗ ਦੀ ਵਰਤੋਂ ਕਰ ਸਕਣਗੇ। NHAI ਨੇ ਆਪਣੇ ਬਿਆਨ ਵਿੱਚ ਕਿਹਾ ਹੈ ਕਿ ਫਾਸਟੈਗ ਉਪਭੋਗਤਾਵਾਂ ਨੂੰ 'ਇੱਕ ਵਾਹਨ, ਇੱਕ ਫਾਸਟੈਗ' ਨੀਤੀ ਦੀ ਪਾਲਣਾ ਕਰਨੀ ਪਵੇਗੀ ਅਤੇ ਪਹਿਲਾਂ ਜਾਰੀ ਕੀਤੇ ਗਏ ਸਾਰੇ ਫਾਸਟੈਗ ਆਪਣੇ ਸਬੰਧਤ ਬੈਂਕਾਂ ਨੂੰ ਵਾਪਸ ਕਰਨੇ ਪੈਣਗੇ। ਹੁਣ ਸਿਰਫ ਨਵੇਂ ਫਾਸਟੈਗ ਖਾਤੇ ਹੀ ਐਕਟਿਵ ਰਹਿਣਗੇ।
NHAI ਨੇ ਕਿਉਂ ਚੁੱਕਿਆ ਇਹ ਕਦਮ?
NHAI ਨੇ ਫਾਸਟੈਗ ਰਾਹੀਂ ਟੋਲ ਇਕੱਠਾ ਕਰਨ ਲਈ ਟੋਲ ਪਲਾਜ਼ਾ 'ਤੇ ਪਾਰਦਰਸ਼ਤਾ ਲਿਆਉਣ ਅਤੇ ਉਡੀਕ ਸਮੇਂ ਨੂੰ ਘਟਾਉਣ ਲਈ 'ਇੱਕ ਵਾਹਨ, ਇੱਕ ਫਾਸਟੈਗ' ਮੁਹਿੰਮ ਸ਼ੁਰੂ ਕੀਤੀ ਹੈ। ਕਿਹਾ ਜਾਂਦਾ ਹੈ ਕਿ NHAI ਨੇ ਇਹ ਪਹਿਲਕਦਮੀ ਇੱਕ ਵਾਹਨ ਲਈ ਕਈ ਫਾਸਟੈਗ ਜਾਰੀ ਕਰਨ ਦੀਆਂ ਤਾਜ਼ਾ ਰਿਪੋਰਟਾਂ ਦੇ ਜਵਾਬ ਵਿੱਚ ਕੀਤੀ ਹੈ ਅਤੇ RBI ਨਿਯਮਾਂ ਦੀ ਉਲੰਘਣਾ ਵਿੱਚ ਕੇਵਾਈਸੀ ਤੋਂ ਬਿਨਾਂ ਫਾਸਟੈਗ ਜਾਰੀ ਕੀਤੇ ਜਾ ਰਹੇ ਹਨ।
