ਰੋਡਵੇਜ਼ ਵਾਲਿਆਂ ਦੀ ਬਦਮਾਸ਼ੀ, ਥਾਣੇਦਾਰ ਕੁੱਟਿਆ

ਸਹੀ ਤਰੀਕੇ ਨਾਲ ਬੱਸ ਚਲਾਉਣ ਦੀ ਸਲਾਹ ਦੇਣ ਗਿਆ ਸੀ ਪੁਲਿਸ ਅਧਿਕਾਰੀ। ਡਰਾਈਵਰ-ਕੰਡਕਟਰਾਂ ਨੇ ਮਿਲ ਕੇ ਬੁਰੀ ਤਰ੍ਹਾਂ ਕੀਤੀ ਕੁੱਟਮਾਰ।

ਏਐਸਆਈ ਜਸਵੰਤ ਸਿੰਘ ਨੇ ਦੱਸਿਆ ਉਹ ਆਪਣੀ ਪਤਨੀ ਨੂੰ ਬੱਸ ਚੜ੍ਹਾਉਣ ਲਈ ਗਿਆ ਸੀ। ਪਤਨੀ ਨੇ ਜਲਾਲਾਬਾਦ ਜਾਣਾ ਸੀ। ਜਦੋਂ ਉਸਦੀ ਪਤਨੀ ਬੱਸ ਚੜ੍ਹਨ ਲੱਗੀ ਤਾਂ ਡਰਾਈਵਰ ਨੇ ਬੱਸ ਚਲਾ ਦਿੱਤੀ। ਜਿਸ ਕਾਰਨ ਉਸਦੀ ਪਤਨੀ ਥੱਲੇ ਡਿੱਗ ਗਈ। ਉਸਦੀ ਪਤਨੀ ਬੱਸ ਦੇ ਪਿਛਲੇ ਟਾਇਰ ਥੱਲੇ ਆਉਣ ਤੋਂ ਮਸਾਂ ਬਚੀ। ਇਸ ਦੌਰਾਨ ਡਰਾਈਵਰ ਬੱਸ ਭਜਾ ਲੈ ਗਿਆ ਸੀ। ਉਹ ਦੂਜੇ ਦਿਨ ਕੰਡਕਟਰ ਨਾਲ ਗੱਲਬਾਤ ਕਰਨ ਲਈ ਬੱਸ ਸਟੈਂਡ ਪਹੁੰਚਿਆ। ਉਸਨੇ ਸਿਰਫ ਬੱਸ ਸਹੀ ਤਰੀਕੇ ਨਾਲ ਚਲਾਉਣ ਦੀ ਗੱਲ ਆਖੀ।  ਇੰਨੇ 'ਚ ਕੰਡਕਟਰ ਹੱਥੋਪਾਈ ਕਰਨ ਲੱਗਾ। ਉਸਦੇ ਸਾਥੀ ਵੀ ਆ ਗਏ ਅਤੇ ਉਸ ਨਾਲ ਕੁੱਟਮਾਰ ਕੀਤੀ ਗਈ।