Last Updated :
14 February 2024, 05:37 PM IST
Sports Uodate: ਚਾਰ ਮਹੀਨਿਆਂ ਦੀ ਸੱਟ ਤੋਂ ਬਾਅਦ ਵਾਪਸੀ ਕਰਦਿਆਂ ਬੈਡਮਿੰਟਨ ਖਿਡਾਰਨ ਪੀਵੀ ਸਿੰਧੂ ਨੇ ਕੀਤੀ ਸ਼ਾਨਦਾਰ ਜਿੱਤ ਦਰਜ ਕੀਤੀ ਹੈ। ਉਸਨੇ ਪਿਛਲੇ ਬਿਹਤਰ ਰੈਂਕਿੰਗ ਵਾਲੀ ਚੀਨ ਦੀ ਹਾਨ ਯੂ ਨੂੰ 40 ਮਿੰਟਾਂ ਵਿੱਚ 21-17, 21-15 ਨਾਲ ਹਰਾ ਕੇ ਭਾਰਤ ਨੂੰ 1-0 ਦੀ ਬੜ੍ਹਤ ਦਿਵਾਈ। ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਸਿੰਧੂ ਦੀ ਵਿਸ਼ਵ ਰੈਂਕਿੰਗ 11 ਹੈ, ਜਦਕਿ ਹੇਨ ਯੂਈ ਕੀ ਵਿਸ਼ਵ ਵਿੱਚ ਅੱਠਵੇਂ ਨੰਬਰ 'ਤੇ ਹੈ। ਇਸ ਜਿੱਤ ਦੇ ਨਾਲ ਭਾਰਤ ਨੇ ਬੈਡਮਿੰਟਨ ਏਸ਼ੀਆ ਟੀਮ ਚੈਂਪੀਅਨਸ਼ਿਪ ਦੇ ਮਹਿਲਾ ਮੁਕਾਬਲੇ ਵਿੱਚ ਚੀਨ ਦੀ ਮਜ਼ਬੂਤ ਟੀਮ ਨੂੰ 3-2 ਨਾਲ ਹਰਾ ਦਿੱਤਾ ਹੈ। ਗਰੁੱਪ ਡਬਲਯੂ ਵਿੱਚ ਸਿਰਫ਼ ਦੋ ਟੀਮਾਂ ਹੋਣ ਕਾਰਨ ਪਹਿਲੇ ਮੈਚ ਤੋਂ ਪਹਿਲਾਂ ਹੀ ਨਾਕਆਊਟ ਵਿੱਚ ਭਾਰਤ ਦੀ ਜਿੱਤ ਯਕੀਨੀ ਸੀ, ਪਰ ਟੀਮ ਨੇ ਚੋਟੀ ਦਾ ਦਰਜਾ ਪ੍ਰਾਪਤ ਚੀਨ ਨੂੰ ਹਰਾ ਕੇ ਨਾਕਆਊਟ ਵਿੱਚ ਪ੍ਰਵੇਸ਼ ਕੀਤਾ ਹੈ।
ਤਿੰਨ ਮੈਚਾਂ ਤੋਂ ਬਾਅਦ 1-2 ਨਾਲ ਪਿੱਛੇ ਸੀ ਭਾਰਤ
ਤਨਿਸ਼ਾ ਕ੍ਰਾਸਟੋ ਅਤੇ ਅਸ਼ਵਨੀ ਪੋਨੱਪਾ ਦੀ ਜੋੜੀ ਨੂੰ ਫਿਰ ਲਿਊ ਸ਼ੇਂਗ ਸ਼ੂ ਅਤੇ ਤਾਨ ਨਿੰਗ ਦੀ ਜੋੜੀ ਤੋਂ 19-21, 16-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਦਕਿ ਅਸਮਿਤਾ ਚਲੀਹਾ ਵੀ ਵਿਸ਼ਵ ਦੇ ਨੌਵੇਂ ਨੰਬਰ ਦੇ ਖਿਡਾਰੀ ਵਾਂਗ ਸ਼ੀ ਯੀ ਤੋਂ 13-21, 15-21 ਨਾਲ ਹਾਰ ਗਈ। ਭਾਰਤ ਤਿੰਨ ਮੈਚਾਂ ਤੋਂ ਬਾਅਦ 1-2 ਨਾਲ ਪਿੱਛੇ ਰਹਿ ਗਿਆ ਸੀ। ਤ੍ਰਿਸ਼ਾ ਜੌਲੀ ਅਤੇ ਗਾਇਤਰੀ ਗੋਪੀਚੰਦ ਨੇ ਲੀ ਯੀ ਜਿੰਗ ਅਤੇ ਲੁਓ ਸ਼ੂ ਮਿਨ ਦੀ ਜੋੜੀ ਨੂੰ ਇੱਕ ਘੰਟੇ ਨੌਂ ਮਿੰਟ ਵਿੱਚ 10-21, 21-18, 21-17 ਨਾਲ ਹਰਾ ਕੇ ਭਾਰਤ ਨੂੰ ਬਰਾਬਰੀ ਦਿਵਾਈ।
ਪੁਰਸ਼ ਟੀਮ ਹਾਂਗਕਾਂਗ ਨਾਲ ਭਿੜੇਗੀ
ਫੈਸਲਾਕੁੰਨ ਮੈਚ 'ਚ ਦੁਨੀਆ ਦੇ 472ਵੇਂ ਨੰਬਰ ਦੇ ਖਿਡਾਰੀ ਅਨਮੋਲ ਖਰਬ ਨੇ 149ਵੇਂ ਨੰਬਰ ਦੇ ਖਿਡਾਰੀ ਵੂ ਲਿਓ ਯੂ ਨੂੰ ਇਕ ਘੰਟੇ 17 ਮਿੰਟ 'ਚ 22-20, 14-21, 21-18 ਨਾਲ ਹਰਾ ਕੇ ਭਾਰਤ ਦੀ ਜਿੱਤ ਯਕੀਨੀ ਬਣਾਈ। ਭਾਰਤੀ ਪੁਰਸ਼ ਟੀਮ ਬੁੱਧਵਾਰ ਨੂੰ ਗਰੁੱਪ ਏ ਦੇ ਲੀਗ ਮੈਚ ਵਿੱਚ ਹਾਂਗਕਾਂਗ ਨਾਲ ਭਿੜੇਗੀ।
