ਅਲਟੀਮੇਟ ਖੋ-ਖੋ ਦੇ ਦੂਜੇ ਸੀਜ਼ਨ ਵਿੱਚ ਗੁਜਰਾਤ ਜਾਇੰਟਸ ਦੀ ਬੱਲੇ-ਬੱਲੇ

ਪ੍ਰਣਬ ਅਡਾਨੀ ਨੇ ਗੁਜਰਾਤ ਟੀਮ ਨੂੰ ਜਿੱਤ ਲਈ ਵਧਾਈ ਦਿੱਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਟੀਮ ਦੇ ਕੋਚ ਸੰਜੀਵ ਸ਼ਰਮਾ ਅਤੇ ਸਹਾਇਕ ਕੋਚ ਮਹੇਸ਼ ਨੂੰ ਵੀ ਵਧਾਈ ਦਿੱਤੀ।

ਗੁਜਰਾਤ ਜਾਇੰਟਸ ਨੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ 'ਚ ਖੇਡੇ ਗਏ ਅਲਟੀਮੇਟ ਖੋ-ਖੋ ਦੇ ਦੂਜੇ ਸੀਜ਼ਨ ਦੇ ਫਾਈਨਲ 'ਚ ਚੇਨਈ ਕਵਿੱਕ ਗਨਜ਼ ਨੂੰ 31-26 ਦੇ ਫਰਕ ਨਾਲ ਹਰਾ ਦਿੱਤਾ ਹੈ। ਇਸ ਜਿੱਤ ਦੇ ਹੀਰੋ ਸੰਕੇਤ ਕਦਮ ਰਹੇ। ਗੁਜਰਾਤ ਨੇ ਪਹਿਲੀ ਵਾਰ ਚੈਂਪੀਅਨ ਬਣਨ ਦਾ ਮਾਣ ਹਾਸਲ ਕੀਤਾ ਹੈ। ਚੇਨਈ ਨੇ ਅੰਤਿਮ ਸਮੇਂ 'ਚ ਆਪਣੀ ਟੀਮ ਨੂੰ ਜਿੱਤ ਦਿਵਾਉਣ ਲਈ ਪੂਰੀ ਕੋਸ਼ਿਸ਼ ਕੀਤੀ, ਪਰ ਸੰਕੇਤ ਨੇ ਅਹਿਮ ਪੜਾਅ 'ਤੇ ਇਕ ਤੋਂ ਬਾਅਦ ਇਕ ਤਿੰਨ ਦੌੜਾਂ ਬਣਾ ਕੇ ਆਪਣੀ ਟੀਮ ਨੂੰ ਖਿਤਾਬੀ ਜਿੱਤ ਦਿਵਾਈ। ਹਾਲਾਂਕਿ, ਗੁਜਰਾਤ ਨੇ ਪਹਿਲਾਂ 8-0 ਦੀ ਲੀਡ ਲੈ ਲਈ ਪਰ ਦੂਜੇ ਬੈਚ ਨੇ ਚੇਨਈ ਦਾ ਖਾਤਾ ਖੋਲ੍ਹਿਆ। ਹਾਲਾਂਕਿ ਇਹ ਵਾਰੀ 14-1 ਨਾਲ ਗੁਜਰਾਤ ਦੇ ਨਾਂ ਰਹੀ। ਪ੍ਰਣਬ ਅਡਾਨੀ ਨੇ ਗੁਜਰਾਤ ਟੀਮ ਨੂੰ ਜਿੱਤ ਲਈ ਵਧਾਈ ਦਿੱਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਟੀਮ ਦੇ ਕੋਚ ਸੰਜੀਵ ਸ਼ਰਮਾ ਅਤੇ ਸਹਾਇਕ ਕੋਚ ਮਹੇਸ਼ ਨੂੰ ਵੀ ਵਧਾਈ ਦਿੱਤੀ।

 

ਪਹਿਲੇ ਬੈਚ ਨੂੰ 3.18 ਮਿੰਟ ਵਿੱਚ ਕੀਤਾ ਆਊਟ

ਦੀਪਕ ਦੇ ਆਊਟ ਹੋਣ ਤੋਂ ਬਾਅਦ ਸੁਯਸ਼ ਨੇ ਦੋ ਹੋਰ ਦੌੜਾਂ ਪੂਰੀਆਂ ਕਰਕੇ ਆਪਣੀ ਟੀਮ ਨੂੰ ਕਾਫੀ ਮਜ਼ਬੂਤ ​​ਸਥਿਤੀ 'ਚ ਪਹੁੰਚਾ ਦਿੱਤਾ। ਵਾਰੀ 'ਚ ਅਜੇ 1.54 ਮਿੰਟ ਬਾਕੀ ਸਨ ਅਤੇ ਗੁਜਰਾਤ ਨੇ 19-7 ਦੇ ਸਕੋਰ ਨਾਲ ਆਪਣਾ ਦਬਦਬਾ ਕਾਇਮ ਕਰ ਲਿਆ। ਹੁਣ ਗੁਜਰਾਤ 'ਤੇ ਹਮਲੇ ਦੀ ਵਾਰੀ ਸੀ। ਆਦਰਸ਼, ਕੈਪਟਨ ਅਮਿਤ ਅਤੇ ਆਕਾਸ਼ ਮੈਟ 'ਤੇ ਸਨ। ਸ਼ਿਵਮ ਨੇ 1.44 ਮਿੰਟ 'ਚ ਆਦਰਸ਼ ਨੂੰ ਹਟਾ ਕੇ ਸਕੋਰ 21-7 ਕਰ ਦਿੱਤਾ ਪਰ ਇਸ ਦੌਰਾਨ ਆਕਾਸ਼ ਨੇ ਡ੍ਰੀਮ ਦੌੜ ਪੂਰੀ ਕਨ ਲਈ। ਗੁਜਰਾਤ ਨੇ ਚੇਨਈ ਦੇ ਪਹਿਲੇ ਬੈਚ ਨੂੰ 3.18 ਮਿੰਟ ਵਿੱਚ ਆਊਟ ਕਰਕੇ 25-8 ਦੀ ਬੜ੍ਹਤ ਬਣਾਈ।