Last Updated :
02 August 2026, 02:46 PM IST
Courtesy: X@Imrishav108
ਨਵੀਂ ਦਿੱਲੀ: ਸਟਾਰ ਭਾਰਤੀ ਕ੍ਰਿਕਟਰ ਹਾਰਦਿਕ ਪਾਂਡਿਆ ਅਕਸਰ ਪ੍ਰੇਮਿਕਾ ਮਾਹਿਕਾ ਸ਼ਰਮਾ ਦੇ ਨਾਲ ਆਪਣੇ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਨੂੰ ਗਰਲਫ੍ਰੇਂਡ ਦੇ ਨਾਲ ਆਂਧਰਾ ਪ੍ਰਦੇਸ਼ ਦੇ ਤਿਰੂਮਾਲਾ ਵਿੱਚ ਭਗਵਾਨ ਸ਼੍ਰੀ ਵੈਂਕਟੇਸ਼ਵਰ ਸਵਾਮੀ ਮੰਦਰ ਦੇ ਦਰਸ਼ਨ ਕਰਦੇ ਦੇਖਿਆ ਗਿਆ। ਇਸ ਦੌਰਾਨ ਦੀਆਂ ਕਪਲ ਦੀਆਂ ਫੋਟੋਆਂ ਅਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਹਾਰਦਿਕ ਦੇ ਬਦਲੇ ਹੋਏ ਰੂਪ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਉਨ੍ਹਾਂ ਦੇ ਲੁਕ ਨੂੰ ਦੇਖ ਪ੍ਰਸ਼ੰਸਕ ਹੈਰਾਨ ਰਹਿ ਗਏ।
2 ਅਗਸਤ ਦੀ ਸਵੇਰ ਨੂੰ ਹਾਰਦਿਕ ਪਾਂਡਿਆ ਪ੍ਰੇਮਿਕਾ ਮਾਹਿਕਾ ਦੇ ਨਾਲ ਭਗਵਾਨ ਵੈਂਕਟੇਸ਼ਵਰ ਤੋਂ ਅਸ਼ੀਰਵਾਦ ਲੈਣ ਪਹੁੰਚੇ, ਜਿੱਥੇ ਉਨ੍ਹਾਂ ਨੇ ਪੂਰੀ ਸ਼ਰਧਾ ਨਾਲ ਮੱਥਾ ਟੇਕਿਆ ਅਤੇ ਸੁਪ੍ਰਭਾਤਮ ਸੇਵਾ ਵਿੱਚ ਹਿੱਸਾ ਲਿਆ। ਇਸ ਮੌਕੇ ਦੋਵੇਂ ਪ੍ਰਾਰਥਨਾ ਵਿੱਚ ਲੀਨ ਦਿਖਾਈ ਦਿੱਤੇ।
ਮੱਥਾ ਟੇਕਣ ਤੋਂ ਬਾਅਦ ਮੰਦਰ ਤੋਂ ਬਾਹਰ ਆਏ ਕਪਲ ਨੇ ਮੀਡੀਆ ਨੂੰ ਇੱਕਠਿਆਂ ਪੋਜ਼ ਦਿੱਤੇ। ਇਸ ਦੌਰਾਨ ਹਾਰਦਿਕ ਆਪਣਾ ਸਿਰ ਮੁੰਨਵਾਏ ਨਜ਼ਰ ਆਏ। ਉਨ੍ਹਾਂ ਦੇ ਗੰਜੇ ਰੂਪ ਨੂੰ ਦੇਖ ਫੈਨਜ਼ ਹੈਰਾਨ ਰਹਿ ਗਏ।
ਮੰਦਰ ਦੀ ਯਾਤਰਾ ਦੌਰਾਨ, ਹਾਰਦਿਕ ਨੂੰ ਰਵਾਇਤੀ ਚਿੱਟਾ ਕੁੜਤਾ-ਪਜਾਮਾ ਅਤੇ ਗਲੇ ਵਿੱਚ ਲਾਲ ਸ਼ਾਲ ਲਪੇਟਿਆ ਹੋਇਆ ਦੇਖਿਆ ਗਿਆ। ਮੱਥੇ 'ਤੇ ਤਿਲਕ ਲਗਾ ਕੇ, ਉਹ ਸ਼ਰਧਾ ਵਿੱਚ ਲੀਨ ਦਿੱਖੇ। ਮੰਦਰ ਤੋਂ ਬਾਹਰ ਨਿਕਲਦੇ ਸਮੇਂ ਉਨ੍ਹਾਂ ਨੂੰ ਪ੍ਰਸਾਦ ਖਾਂਦਿਆ ਦੇਖਿਆ ਗਿਆ। ਪ੍ਰਸ਼ੰਸਕ ਉਨ੍ਹਾਂ ਨੂੰ ਇਸ ਅਵਤਾਰ ਵਿੱਚ ਦੇਖ ਕੇ ਬਹੁਤ ਖੁਸ਼ ਹੋਏ।
ਇਸ ਦੌਰਾਨ, ਹਾਰਦਿਕ ਪੰਡਯਾ ਦੀ ਪ੍ਰੇਮਿਕਾ ਮਾਹਿਕਾ ਸ਼ਰਮਾ ਨੂੰ ਵੀ ਸਲਵਾਰ ਸੂਟ ਪਹਿਨੇ ਦੇਖਿਆ ਗਿਆ। ਉਹ ਆਪਣੇ ਮੱਥੇ 'ਤੇ ਤਿਲਕ ਲਗਾਏ ਦਿਖਾਈ ਦਿੱਤੀ। ਖੁੱਲ੍ਹੇ ਬਾਲ ਅਤੇ ਨੋ ਮੇਕਅਪ ਲੁਕ 'ਚ ਮਾਹਿਕਾ ਨੇ ਆਪਣੀ ਸਾਦਗੀ ਨਾਲ ਪ੍ਰਸ਼ੰਸਕਾਂ ਨੂੰ ਜਿੱਤ ਲਿਆ।
ਹਾਰਦਿਕ ਪਾਂਡਿਆ ਦੀ ਗੱਲ ਕਰੀਏ ਤਾਂ, ਉਹ ਅਕਸਰ ਆਪਣੇ ਕ੍ਰਿਕਟ ਕਰੀਅਰ ਦੇ ਨਾਲ-ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਲਈ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਨਤਾਸਾ ਸਟੈਨਕੋਵਿਕ ਤੋਂ ਤਲਾਕ ਤੋਂ ਬਾਅਦ, ਹਾਰਦਿਕ ਮਾਹਿਕਾ ਨਾਲ ਰਿਸ਼ਤੇ ਵਿੱਚ ਹਨ। ਜਦੋਂ ਤੋਂ ਉਨ੍ਹਾਂ ਨੇ ਆਪਣੇ ਰਿਸ਼ਤੇ ਨੂੰ ਅਧਿਕਾਰਤ ਕੀਤਾ ਹੈ, ਇਹ ਜੋੜਾ ਹਰ ਜਗ੍ਹਾ ਇਕੱਠੇ ਦੇਖਿਆ ਜਾਂਦਾ ਹੈ। ਪ੍ਰਸ਼ੰਸਕ ਹੁਣ ਕਪਲ ਦੇ ਵਿਆਹ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਕਰਿਅਰ ਦੀ ਗੱਲ ਕਰੀਏ ਤਾਂ ਹਾਰਦਿਕ ਪਾਂਡਿਆ ਨੂੰ ਆਖਰੀ ਬਾਰ 2026 ਦੇ ਟੀ-20 ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਪ੍ਰਦਰਸ਼ਨ ਕਰਦੇ ਦੇਖਿਆ ਗਿਆ ਸੀ। ਸੱਟ ਕਾਰਨ ਕੁੱਝ ਪਿਛਲੀਆਂ ਸੀਰੀਜ਼ਾਂ ਤੋਂ ਉਹ ਖੁੰਝ ਗਏ ਸਨ। ਹੁਣ ਸਾਰਿਆਂ ਦੀਆਂ ਨਜ਼ਰਾਂ ਉਸਦੀ ਵਾਪਸੀ 'ਤੇ ਹਨ। ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਫਿਟਨੈਸ ਟੈਸਟ ਪਾਸ ਕਰਨ ਦੇ ਨਾਲ ਉਹ ਸਤੰਬਰ ਵਿੱਚ ਹੋਣ ਵਾਲੀ ਸੀਮਤ ਓਵਰਾਂ ਦੀ ਲੜੀ ਵਿੱਚ ਸ਼ਾਮਲ ਹੋ ਸਕਦਾ ਹੈ।
