Last Updated :
06 August 2024, 01:53 AM IST
Paris Olympic 2024: ਭਾਰਤ ਦੇ ਲਕਸ਼ਯ ਸੇਨ ਨੇ ਸੋਮਵਾਰ ਨੂੰ ਕਾਂਸੀ ਦੇ ਤਗਮੇ ਦੇ ਪਲੇਆਫ ਵਿੱਚ ਮਲੇਸ਼ੀਆ ਦੇ ਲੀ ਜੀ ਜੀਆ ਖ਼ਿਲਾਫ਼ ਪਹਿਲੀ ਗੇਮ 21-13 ਨਾਲ ਜਿੱਤੀ। ਹੁਣ ਉਸ ਦੀਆਂ ਨਜ਼ਰਾਂ ਓਲੰਪਿਕ ਤਮਗਾ ਜਿੱਤਣ ਵਾਲੇ ਪਹਿਲੇ ਭਾਰਤੀ ਪੁਰਸ਼ ਸ਼ਟਲਰ ਬਣਨ 'ਤੇ ਹਨ।
ਲੀ ਜੀਆ ਨੇ ਪਹਿਲਾ ਸੈੱਟ ਗੁਆਉਣ ਤੋਂ ਬਾਅਦ ਜ਼ਬਰਦਸਤ ਵਾਪਸੀ ਕੀਤੀ
ਪਹਿਲਾ ਸੈੱਟ ਗੁਆਉਣ ਤੋਂ ਬਾਅਦ ਮਲੇਸ਼ੀਆ ਦੇ ਖਿਡਾਰੀ ਨੇ ਦੂਜੇ ਸੈੱਟ ਵਿੱਚ ਜ਼ੋਰਦਾਰ ਵਾਪਸੀ ਕੀਤੀ। ਲਕਸ਼ੈ ਸੇਨ ਨੇ ਦੂਜੇ ਸੈੱਟ ਵਿੱਚ ਵੀ 8-2 ਦੀ ਬੜ੍ਹਤ ਬਣਾ ਲਈ ਸੀ ਪਰ ਮਲੇਸ਼ੀਆ ਦੇ ਖਿਡਾਰੀ ਨੇ ਉਥੋਂ ਵਾਪਸੀ ਕੀਤੀ ਅਤੇ ਦੂਜੇ ਸੈੱਟ ਵਿੱਚ ਭਾਰਤ ਦੇ ਲਕਸ਼ੈ ਸੇਨ ਨੂੰ 21-16 ਨਾਲ ਹਰਾਇਆ।
ਤੀਜੇ ਸੈੱਟ ਵਿੱਚ ਵੀ ਲੀ ਜੀਆ ਨੇ ਆਪਣੀ ਬੜ੍ਹਤ ਬਰਕਰਾਰ ਰੱਖੀ ਅਤੇ ਲਕਸ਼ੈ ਸੇਨ ਨੂੰ ਵਾਪਸੀ ਕਰਨ ਤੋਂ ਰੋਕ ਦਿੱਤਾ। ਲਕਸ਼ੈ ਨੇ ਤੀਜੇ ਸੈੱਟ 'ਚ ਮੁਕਾਬਲਾ ਯਕੀਨੀ ਤੌਰ 'ਤੇ ਦਿੱਤਾ ਪਰ ਲੀ ਜੀਆ ਨੇ ਉਸ ਨੂੰ 21-11 ਨਾਲ ਹਰਾ ਕੇ ਕਾਂਸੀ ਦਾ ਤਗਮਾ ਜਿੱਤਿਆ। ਭਾਰਤ ਦੇ ਲਕਸ਼ਯ ਸੇਨ ਨੂੰ ਵੀ ਇਸ ਦੌਰਾਨ ਸੱਜੇ ਹੱਥ 'ਤੇ ਸੱਟ ਲੱਗੀ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਨੇ ਪੂਰੀ ਲੜਾਈ ਲੜੀ।
ਇਸ ਤੋਂ ਪਹਿਲਾਂ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕਾਂਸੀ ਤਮਗਾ ਜੇਤੂ ਲਕਸ਼ਯ ਸੇਨ ਨੂੰ 54 ਮਿੰਟ ਤੱਕ ਚੱਲੇ ਸੈਮੀਫਾਈਨਲ ਮੁਕਾਬਲੇ 'ਚ ਦੋ ਵਾਰ ਦੇ ਵਿਸ਼ਵ ਚੈਂਪੀਅਨ ਐਕਸਲਸਨ ਤੋਂ 20-22, 14-21 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਨਾਲ ਭਾਰਤ ਦਾ ਬੈਡਮਿੰਟਨ 'ਚ ਤਮਗਾ ਜਿੱਤਣ ਦਾ ਸੁਪਨਾ ਵੀ ਖਤਮ ਹੋ ਗਿਆ।
ਭਾਰਤ ਨੇ ਓਲੰਪਿਕ ਦੇ ਇਤਿਹਾਸ ਵਿੱਚ ਬੈਡਮਿੰਟਨ ਵਿੱਚ ਕਦੇ ਵੀ ਓਲੰਪਿਕ ਸੋਨ ਤਮਗਾ ਨਹੀਂ ਜਿੱਤਿਆ ਹੈ, ਪੀ.ਵੀ. ਸਿੰਧੂ ਨੇ ਰੀਓ ਅਤੇ ਟੋਕੀਓ ਓਲੰਪਿਕ ਵਿੱਚ ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ ਸਨ। ਸਾਇਨਾ ਨੇਹਵਾਲ ਨੇ ਲੰਡਨ ਓਲੰਪਿਕ 'ਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
