Last Updated :
07 May 2024, 07:18 PM IST
IPL 2024: ਆਈਪੀਐਲ 2024 ਵਿੱਚ ਹੁਣ ਤੱਕ 55 ਮੈਚ ਪੂਰੇ ਹੋ ਚੁੱਕੇ ਹਨ। ਇੰਨੇ ਮੈਚਾਂ ਤੋਂ ਬਾਅਦ ਵੀ ਕੋਈ ਟੀਮ ਪਲੇਆਫ 'ਚ ਪ੍ਰਵੇਸ਼ ਨਹੀਂ ਕਰ ਸਕੀ ਹੈ। ਹਾਲਾਂਕਿ, ਰਾਜਸਥਾਨ ਰਾਇਲਜ਼ ਅਤੇ ਕੇਕੇਆਰ ਜਿੱਤ ਨਾਲ ਹੀ ਕੁਆਲੀਫਾਈ ਕਰਨਗੇ। 6 ਮਈ ਨੂੰ ਹੋਏ ਮੈਚ 'ਚ ਮੁੰਬਈ ਇੰਡੀਅਨਜ਼ ਨੇ 7 ਵਿਕਟਾਂ ਨਾਲ ਸ਼ਾਨਦਾਰ ਜਿੱਤ ਦਰਜ ਕੀਤੀ ਅਤੇ ਅੰਕ ਸੂਚੀ ਦੇ ਪੂਰੇ ਸਮੀਕਰਨ ਹੀ ਬਦਲ ਦਿੱਤੇ। ਹੁਣ SRH ਲਈ ਸਿਖਰ 4 ਵਿੱਚ ਜਗ੍ਹਾ ਬਣਾਉਣਾ ਥੋੜ੍ਹਾ ਮੁਸ਼ਕਲ ਹੋ ਗਿਆ ਹੈ, ਜਦੋਂ ਕਿ ਚੇਨਈ ਸੁਪਰ ਕਿੰਗਜ਼, ਲਖਨਊ ਸੁਪਰ ਜਾਇੰਟਸ ਅਤੇ ਦਿੱਲੀ ਕੈਪੀਟਲਸ ਨੇ ਰਾਹਤ ਦਾ ਸਾਹ ਲਿਆ ਹੈ।
ਦਰਅਸਲ, ਚੋਟੀ ਦੇ 4 ਵਿੱਚ ਕੇਕੇਆਰ ਅਤੇ ਆਰਆਰ ਦਾ ਸਥਾਨ ਲਗਭਗ ਤੈਅ ਹੈ। ਬਾਕੀ 2 ਸਲਾਟਾਂ ਲਈ 4 ਟੀਮਾਂ ਯਾਨੀ ਚੇਨਈ ਸੁਪਰ ਕਿੰਗਜ਼, ਸਨਰਾਈਜ਼ਰਸ ਹੈਦਰਾਬਾਦ, ਲਖਨਊ ਸੁਪਰ ਜਾਇੰਟਸ ਅਤੇ ਦਿੱਲੀ ਕੈਪੀਟਲਸ ਦੌੜ ਵਿੱਚ ਹਨ। CSK, SRH, LSG ਦੇ 12-12 ਅੰਕ ਹਨ। ਜਦੋਂ ਕਿ ਦਿੱਲੀ ਅਜੇ ਵੀ 10 ਅੰਕਾਂ ਨਾਲ ਪਲੇਆਫ ਵਿੱਚ ਬਰਕਰਾਰ ਹੈ। ਇਨ੍ਹਾਂ ਸਾਰੀਆਂ ਟੀਮਾਂ ਨੇ ਅਜੇ ਆਪਣੇ ਬਾਕੀ 3 ਮੈਚ ਖੇਡਣੇ ਹਨ। ਜੇਕਰ ਕੋਈ ਵੀ ਟੀਮ ਇੱਕ ਮੈਚ ਹਾਰ ਜਾਂਦੀ ਹੈ ਤਾਂ ਉਸ ਦਾ ਸਫਰ ਲਗਭਗ ਖਤਮ ਹੋ ਜਾਵੇਗਾ, ਜਦੋਂਕਿ ਸਾਰੇ ਮੈਚ ਜਿੱਤਣ ਵਾਲੀ ਟੀਮ ਪਲੇਆਫ ਵਿੱਚ ਪ੍ਰਵੇਸ਼ ਕਰੇਗੀ।
CSK, LSG, DC ਦੇ ਫੈਂਸ ਕਾਫੀ ਖੁਸ਼ ਹਨ ਹੋਣਗੇ
ਜੇਕਰ ਮੁੰਬਈ ਦੀ ਟੀਮ ਨੇ ਹੈਦਰਾਬਾਦ ਨੂੰ ਨਾ ਹਰਾਇਆ ਹੁੰਦਾ ਤਾਂ ਦਿੱਲੀ, ਲਖਨਊ ਅਤੇ ਚੇਨਈ ਦੀਆਂ ਮੁਸ਼ਕਲਾਂ ਵਧਣੀਆਂ ਸਨ, ਕਿਉਂਕਿ ਚੌਥੇ ਨੰਬਰ 'ਤੇ ਮੌਜੂਦ ਹੈਦਰਾਬਾਦ ਦੇ 12 ਅੰਕ ਸਨ, ਜੋ ਜਿੱਤ ਨਾਲ ਵਧ ਕੇ 14 ਹੋ ਜਾਣੇ ਸਨ। ਅਜਿਹੇ 'ਚ ਇਹ ਅੰਕ ਸੂਚੀ 'ਚ ਤੀਜੇ ਸਥਾਨ 'ਤੇ ਪਹੁੰਚ ਜਾਣਾ ਸੀ, ਹਾਲਾਂਕਿ ਸੂਰਿਆ ਦੇ ਤੂਫਾਨੀ ਸੈਂਕੜੇ ਦੇ ਦਮ 'ਤੇ ਮੁੰਬਈ ਨੇ ਇਸ ਨੂੰ ਇਕਤਰਫਾ ਤਰੀਕੇ ਨਾਲ ਹਰਾ ਦਿੱਤਾ। ਅਜਿਹੇ 'ਚ CSK, LSG, DC ਦੇ ਪ੍ਰਸ਼ੰਸਕ ਬਹੁਤ ਖੁਸ਼ ਹੋਣਗੇ।
ਇਨ੍ਹਾਂ ਟੀਮਾਂ ਦਾ ਸਫਰ ਕਰੀਬ ਖਤਮ
ਇਸ ਸੀਜ਼ਨ 'ਚ RCB, ਪੰਜਾਬ ਕਿੰਗਜ਼, ਮੁੰਬਈ ਇੰਡੀਅਨਜ਼ ਅਤੇ ਗੁਜਰਾਤ ਟਾਈਟਨਸ ਦਾ ਸਫਰ ਲਗਭਗ ਖਤਮ ਹੋ ਗਿਆ ਹੈ। ਇਹ ਆਖਰੀ 5 ਟੀਮਾਂ ਹਨ, ਜਿਨ੍ਹਾਂ ਨੇ ਆਪਣੇ ਪ੍ਰਦਰਸ਼ਨ ਨਾਲ ਸਾਰਿਆਂ ਨੂੰ ਨਿਰਾਸ਼ ਕੀਤਾ ਹੈ। ਸਾਰੀਆਂ ਟੀਮਾਂ ਦੇ 8 ਅੰਕ ਹਨ। ਜੇਕਰ ਇਹ ਟੀਮਾਂ ਬਾਕੀ ਸਾਰੇ ਮੈਚ ਜਿੱਤ ਵੀ ਲੈਂਦੀਆਂ ਹਨ ਤਾਂ ਵੀ ਉਨ੍ਹਾਂ ਦੇ ਸਿਰਫ਼ 14 ਅੰਕ ਹੀ ਰਹਿ ਸਕਣਗੇ ਜਦਕਿ ਕੁਆਲੀਫਾਈ ਕਰਨ ਲਈ 16 ਅੰਕ ਜ਼ਰੂਰੀ ਹਨ।
