Last Updated :
16 December 2025, 06:10 PM IST
OnePlus ਨੇ ਪੁਸ਼ਟੀ ਕੀਤੀ ਹੈ ਕਿ OnePlus 15R ਭਾਰਤ ਵਿੱਚ 17 ਦਸੰਬਰ ਨੂੰ ਲਾਂਚ ਕੀਤਾ ਜਾਵੇਗਾ। ਇਹ ਫੋਨ R-ਸੀਰੀਜ਼ ਦਾ ਸਭ ਤੋਂ ਐਡਵਾਂਸ ਮਾਡਲ ਦੱਸਿਆ ਜਾ ਰਿਹਾ ਹੈ। ਕੰਪਨੀ ਨੇ ਲਾਂਚ ਤੋਂ ਪਹਿਲਾਂ ਇਸਦੇ ਕਈ ਫੀਚਰ ਖੁਦ ਸਾਹਮਣੇ ਰੱਖੇ ਹਨ। OnePlus ਦੇ ਫੈਨਜ਼ ਇਸ ਫੋਨ ਦਾ ਕਾਫੀ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਸਨ। ਲਾਂਚ ਇਵੈਂਟ ਨੂੰ ਆਨਲਾਈਨ ਵੀ ਵੇਖਿਆ ਜਾ ਸਕੇਗਾ। OnePlus 15R ਨੂੰ ਪ੍ਰੀਮੀਅਮ ਮਿਡ-ਰੇਂਜ ਸੈਗਮੈਂਟ ਵਿੱਚ ਰੱਖਿਆ ਜਾਵੇਗਾ। ਕੀਮਤ ਵੀ ਇਸੇ ਹਿਸਾਬ ਨਾਲ ਹੋਣ ਦੀ ਉਮੀਦ ਹੈ।
OnePlus 15R ਵਿੱਚ 7,400mAh ਦੀ ਵੱਡੀ ਬੈਟਰੀ ਦਿੱਤੀ ਜਾ ਰਹੀ ਹੈ। ਇਹ R-ਸੀਰੀਜ਼ ਵਿੱਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਬੈਟਰੀ ਹੈ। ਫੋਨ 80W SUPERVOOC ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰੇਗਾ। ਕੰਪਨੀ ਦਾ ਦਾਅਵਾ ਹੈ ਕਿ ਫੋਨ ਘੱਟ ਸਮੇਂ ਵਿੱਚ ਤੇਜ਼ੀ ਨਾਲ ਚਾਰਜ ਹੋ ਜਾਵੇਗਾ। ਲੰਬੀ ਬੈਟਰੀ ਲਾਈਫ਼ ਗੇਮਿੰਗ ਅਤੇ ਵੀਡੀਓ ਸਟ੍ਰੀਮਿੰਗ ਲਈ ਫਾਇਦਾਮੰਦ ਰਹੇਗੀ। ਦਿਨ ਭਰ ਫੋਨ ਚਾਰਜ ਕਰਨ ਦੀ ਟੈਂਸ਼ਨ ਘੱਟ ਹੋਵੇਗੀ। ਇਹ ਬੈਟਰੀ ਯੂਜ਼ਰਜ਼ ਲਈ ਵੱਡਾ ਅਪਗ੍ਰੇਡ ਮੰਨਿਆ ਜਾ ਰਿਹਾ ਹੈ।
OnePlus 15R 4K ਰੈਜ਼ੋਲੂਸ਼ਨ ‘ਤੇ 120fps ਵੀਡੀਓ ਰਿਕਾਰਡਿੰਗ ਕਰਨ ਦੇ ਸਮਰਥ ਹੋਵੇਗਾ। ਇਹ ਫੀਚਰ ਪਹਿਲਾਂ ਸਿਰਫ਼ ਫਲੈਗਸ਼ਿਪ ਮਾਡਲ ਵਿੱਚ ਮਿਲਦਾ ਸੀ। ਫੋਨ ਵਿੱਚ 32 ਮੇਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਜਾਵੇਗਾ। ਇਹ ਪਿਛਲੇ ਮਾਡਲ ਦੇ 16MP ਕੈਮਰੇ ਨਾਲੋਂ ਵੱਡਾ ਅਪਗ੍ਰੇਡ ਹੈ। Ultra Clear Mode ਅਤੇ Clear Night Engine ਵਰਗੇ ਫੀਚਰ ਮਿਲਣਗੇ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਦਾ ਅਨੁਭਵ ਬਿਹਤਰ ਹੋਵੇਗਾ। ਕੰਟੈਂਟ ਕ੍ਰੀਏਟਰਾਂ ਲਈ ਇਹ ਫੋਨ ਕਾਫੀ ਆਕਰਸ਼ਕ ਹੋ ਸਕਦਾ ਹੈ।।
OnePlus 15R ਵਿੱਚ Qualcomm Snapdragon 8 Gen 5 ਚਿਪਸੈੱਟ ਮਿਲੇਗਾ। ਇਹ ਨਵੀਂ ਜਨਰੇਸ਼ਨ ਦਾ ਤਗੜਾ ਪ੍ਰੋਸੈਸਰ ਹੈ। ਫੋਨ ਵਿੱਚ OnePlus ਦਾ G2 Wi-Fi ਚਿਪ ਵੀ ਦਿੱਤਾ ਗਿਆ ਹੈ। ਇਸ ਨਾਲ ਇੰਟਰਨੈੱਟ ਕਨੈਕਟਿਵਟੀ ਹੋਰ ਸਟੇਬਲ ਹੋਵੇਗੀ। Touch Response Chip ਨਾਲ ਟਚ ਰਿਸਪਾਂਸ ਹੋਰ ਤੇਜ਼ ਹੋਵੇਗਾ। ਗੇਮਿੰਗ ਅਤੇ ਮਲਟੀਟਾਸਕਿੰਗ ਦੌਰਾਨ ਲੈਗ ਨਹੀਂ ਆਵੇਗਾ। OnePlus ਇਸ ਫੋਨ ਨੂੰ ਪਰਫਾਰਮੈਂਸ ਲਵਰਜ਼ ਲਈ ਤਿਆਰ ਕਰ ਰਿਹਾ ਹੈ।
OnePlus 15R ਵਿੱਚ 165Hz ਰਿਫ੍ਰੈਸ਼ ਰੇਟ ਵਾਲਾ 1.5K AMOLED ਡਿਸਪਲੇਅ ਮਿਲੇਗਾ। ਡਿਸਪਲੇਅ ਦੀ ਬ੍ਰਾਈਟਨੈੱਸ 1800 ਨਿਟਸ ਤੱਕ ਹੋਵੇਗੀ। 450ppi ਪਿਕਸਲ ਡੈਂਸਿਟੀ ਨਾਲ ਸਕ੍ਰੀਨ ਕਾਫੀ ਸ਼ਾਰਪ ਦਿਖੇਗੀ। TÜV Rheinland Eye Care ਸਰਟੀਫਿਕੇਸ਼ਨ ਵੀ ਦਿੱਤਾ ਗਿਆ ਹੈ। ਲੰਬੇ ਸਮੇਂ ਤੱਕ ਫੋਨ ਵਰਤਣ ‘ਤੇ ਅੱਖਾਂ ‘ਤੇ ਘੱਟ ਜ਼ੋਰ ਪਵੇਗਾ। ਵੀਡੀਓ ਅਤੇ ਗੇਮਿੰਗ ਦੌਰਾਨ ਵਿਜ਼ੂਅਲ ਅਨੁਭਵ ਕਾਫੀ ਸਮੂਥ ਰਹੇਗਾ। ਇਹ ਡਿਸਪਲੇਅ ਫੋਨ ਦੀ ਵੱਡੀ ਖੂਬੀ ਮੰਨੀ ਜਾ ਰਹੀ ਹੈ।
OnePlus 15R ਵਿੱਚ ਨਵਾਂ Plus Mind AI ਫੀਚਰ ਦਿੱਤਾ ਜਾਵੇਗਾ। ਇਸ ਲਈ ਫੋਨ ਵਿੱਚ ਵੱਖਰਾ Plus Key ਹੋਵੇਗਾ। ਯੂਜ਼ਰ ਸਕ੍ਰੀਨ ‘ਤੇ ਦਿਖ ਰਹੇ ਕਿਸੇ ਵੀ ਕੰਟੈਂਟ ਨੂੰ ਸੇਵ ਕਰ ਸਕੇਗਾ। ਇਹ ਫੀਚਰ ਡੇਲੀ ਯੂਜ਼ ਲਈ ਕਾਫੀ ਲਾਭਦਾਇਕ ਹੋ ਸਕਦਾ ਹੈ। ਨੋਟਸ, ਆਈਡੀਆ ਜਾਂ ਜਰੂਰੀ ਜਾਣਕਾਰੀ ਸੌਖੇ ਤਰੀਕੇ ਨਾਲ ਸਟੋਰ ਹੋਵੇਗੀ। OnePlus AI ਨੂੰ ਯੂਜ਼ਰ ਫ੍ਰੈਂਡਲੀ ਬਣਾਉਣ ‘ਤੇ ਧਿਆਨ ਦੇ ਰਿਹਾ ਹੈ। ਇਹ ਫੀਚਰ ਫੋਨ ਨੂੰ ਹੋਰ ਸਮਾਰਟ ਬਣਾਉਂਦਾ ਹੈ।
