Last Updated :
06 June 2026, 05:14 PM IST
Courtesy: Ai Image
ਦੇਸ਼ ਵਿੱਚ ਇਨ੍ਹਾਂ ਦਿਨਾਂ 'ਚ ਕਾਕਰੋਚ ਜਨਤਾ ਪਾਰਟੀ ਕਾਫ਼ੀ ਸੁਰਖੀਆਂ ਵਿੱਚ ਹੈ, ਉੱਥੇ ਹੀ ਆਸਟ੍ਰੇਲੀਆ ਦੇ ਕਾਕਰੋਚ ਵੀ ਚਰਚਾ ਵਿੱਚ ਆ ਗਏ ਹਨ। ਵਿਦੇਸ਼ 'ਚ ਹਾਲ ਹੀ 'ਚ ਇੱਕ ਲੱਖ ਤੋਂ ਜ਼ਿਆਦਾ ਜਿੰਦਾ ਕਾਕਰੋਚ ਪਾਏ ਗਏ ਹਨ। ਆਸਟ੍ਰੇਲੀਆਈ ਅਧਿਕਾਰੀਆਂ ਨੇ ਇੱਕ ਵੱਡੀ ਕਾਰਵਾਈ ਦੌਰਾਨ ਇੱਕ ਲੱਖ ਤੋਂ ਵੱਧ ਜਿਉਂਦੇ ਵਿਦੇਸ਼ੀ ਕਾਕਰੋਚਾਂ ਨੂੰ ਬਰਾਮਦ ਕੀਤਾ। ਇਹ ਕਾਰਵਾਈ ਪੱਛਮੀ ਸਿਡਨੀ ਦੇ ਬਾਥਰਸਟ ਖੇਤਰ ਵਿੱਚ ਕੀਤੀ ਗਈ, ਜਿੱਥੇ ਇਹਨਾਂ ਕੀੜਿਆਂ ਦੀ ਗੈਰ-ਕਾਨੂੰਨੀ ਤੌਰ 'ਤੇ ਪਾਲਣਾ ਅਤੇ ਵਪਾਰ ਕੀਤੇ ਜਾਣ ਦੇ ਸ਼ੱਕ 'ਤੇ ਛਾਪਾ ਮਾਰਿਆ ਗਿਆ।
ਦੋ ਕਰੋੜ ਤੋਂ ਵੱਧ ਕਾਕਰੋਚਾਂ ਦੀ ਕੀਮਤ
ਸਿਹਤ ਲਈ ਬਣ ਸਕਦੇ ਖ਼ਤਰਨਾਕ
ਜਾਂਚ ਦੌਰਾਨ ਡੁਬੀਆ ਕਾਕਰੋਚ ਅਤੇ ਮੈਡਾਗਾਸਕਰ ਹਿਸਿੰਗ ਕਾਕਰੋਚ ਵਰਗੀਆਂ ਵਿਦੇਸ਼ੀ ਪ੍ਰਜਾਤੀਆਂ ਮਿਲੀਆਂ। ਆਸਟ੍ਰੇਲੀਆ ਦੇ ਨਿਯਮਾਂ ਅਨੁਸਾਰ, ਇਨ੍ਹਾਂ ਕਾਕਰੋਚਾਂ ਨੂੰ ਦੇਸ਼ ਵਿੱਚ ਲਿਆਉਣਾ, ਪਾਲਣਾ ਜਾਂ ਵੇਚਣਾ ਕਾਨੂੰਨੀ ਤੌਰ 'ਤੇ ਮਨ੍ਹਾਂ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਜੇ ਤੱਕ ਇਨ੍ਹਾਂ ਪ੍ਰਜਾਤੀਆਂ ਦੇ ਵਾਤਾਵਰਣ 'ਤੇ ਪੈਣ ਵਾਲੇ ਪੂਰੇ ਪ੍ਰਭਾਵ ਦਾ ਅਧਿਐਨ ਨਹੀਂ ਕੀਤਾ ਗਿਆ, ਪਰ ਇਹਨਾਂ ਦਾ ਹੋਣਾ ਰੋਗ ਫੈਲਾ ਸਕਦਾ ਹੈ। ਇਹ ਸਥਾਨਕ ਜੀਵ-ਜੰਤੂਆਂ, ਖੇਤੀਬਾੜੀ ਅਤੇ ਸਿਹਤ ਲਈ ਖ਼ਤਰਾ ਬਣ ਸਕਦੇ ਹਨ।
ਕਾਕਰੋਚਾਂ ਨੂੰ ਕੀਤਾ ਜਾਵੇਗਾ ਨਸ਼ਟ
ਵਿਭਾਗ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਇਹ ਵਿਦੇਸ਼ੀ ਕਾਕਰੋਚ ਬਿਮਾਰੀਆਂ ਫੈਲਾਉਣ ਦੇ ਨਾਲ-ਨਾਲ ਪੂਰੇ ਪਰਿਆਵਰਣ ਸੰਤੁਲਨ ਨੂੰ ਵੀ ਪ੍ਰਭਾਵਿਤ ਕਰ ਸਕਦੇ ਹਨ। ਇਸ ਕਾਰਨ ਬਰਾਮਦ ਕੀਤੇ ਗਏ ਸਾਰੇ ਕਾਕਰੋਚਾਂ ਨੂੰ ਨਸ਼ਟ ਕਰਨ ਦੀ ਪ੍ਰਕਿਰਿਆ ਅਪਣਾਈ ਜਾਵੇਗੀ।
ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਆਸਟ੍ਰੇਲੀਆ ਆਪਣੀ ਵਿਲੱਖਣ ਜੈਵਿਕ ਵਿਭਿੰਨਤਾ ਦੀ ਸੁਰੱਖਿਆ ਨੂੰ ਬਹੁਤ ਗੰਭੀਰਤਾ ਨਾਲ ਲੈਂਦਾ ਹੈ। ਇਸ ਲਈ ਰਾਸ਼ਟਰੀ ਵਾਤਾਵਰਣ ਕਾਨੂੰਨਾਂ ਦੀ ਉਲੰਘਣਾ ਕਰਨ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਪਾਲਤੂ ਜੀਵਾਂ ਦੇ ਵਪਾਰ ਨਾਲ ਜੁੜੇ ਲੋਕਾਂ ਅਤੇ ਸ਼ੌਕੀਨ ਮਾਲਕਾਂ ਨੂੰ ਚੇਤਾਵਨੀ ਦਿੱਤੀ ਕਿ ਜੇਕਰ ਉਹ ਗੈਰ-ਕਾਨੂੰਨੀ ਵਿਦੇਸ਼ੀ ਕਾਕਰੋਚਾਂ ਦੀ ਪਾਲਣਾ ਜਾਂ ਵਪਾਰ ਕਰਦੇ ਪਾਏ ਗਏ ਤਾਂ ਉਨ੍ਹਾਂ ਦੇ ਜੀਵ ਜ਼ਬਤ ਕਰ ਲਏ ਜਾਣਗੇ।
