Last Updated :
01 March 2025, 10:20 AM IST
Trending News : ਇਹ ਅਮਰੀਕਾ ਦੇ ਸ਼ਿਕਾਗੋ ਦੀ ਰਹਿਣ ਵਾਲੀ ਕੈਲੀ ਕੋਜ਼ੀਰਾ ਦੀ ਕਹਾਣੀ ਹੈ, ਜੋ ਨਸ਼ੇ ਦੀ ਲਤ ਦੇ ਗੰਭੀਰ ਪ੍ਰਭਾਵਾਂ ਨੂੰ ਉਜਾਗਰ ਕਰਦੀ ਹੈ। ਔਰਤ ਦੀ ਕਹਾਣੀ ਦਰਸਾਉਂਦੀ ਹੈ ਕਿ ਨਸ਼ੇ ਦੀ ਲਤ ਕਿਵੇਂ ਕਾਬੂ ਤੋਂ ਬਾਹਰ ਹੋ ਸਕਦੀ ਹੈ, ਅਤੇ ਇਸਦੇ ਕਿਹੜੇ ਭਿਆਨਕ ਨਤੀਜੇ ਹੋ ਸਕਦੇ ਹਨ। ਚੰਗੀ ਗੱਲ ਇਹ ਹੈ ਕਿ ਔਰਤ ਨੇ ਆਪਣੀ ਲਤ 'ਤੇ ਕਾਬੂ ਪਾ ਲਿਆ ਹੈ ਅਤੇ ਇੱਕ ਨਵੀਂ ਜ਼ਿੰਦਗੀ ਸ਼ੁਰੂ ਕਰ ਦਿੱਤੀ ਹੈ। ਪਰ ਕੈਲੀ ਦੀ ਕਹਾਣੀ ਦੂਜਿਆਂ ਲਈ ਪ੍ਰੇਰਨਾ ਅਤੇ ਚੇਤਾਵਨੀ ਦੋਵੇਂ ਹੈ, ਕਿਉਂਕਿ ਰਿਕਵਰੀ ਸੰਭਵ ਹੈ, ਪਰ ਤੁਸੀਂ ਇਹ ਜਾਣ ਕੇ ਹੈਰਾਨ ਰਹਿ ਜਾਓਗੇ ਕਿ ਨਸ਼ੇ ਨੇ ਕੈਲੀ ਨਾਲ ਕੀ ਕੀਤਾ।
38 ਸਾਲਾ ਕੋਜੀਰਾ ਨੇ 2017 ਵਿੱਚ ਦੋਸਤਾਂ ਨਾਲ ਰਾਤ ਕੱਟਣ ਤੋਂ ਬਾਅਦ ਪਹਿਲੀ ਵਾਰ ਕੋਕੀਨ ਸੁੰਘਣੀ ਸ਼ੁਰੂ ਕੀਤੀ ਅਤੇ ਜਲਦੀ ਹੀ ਇਸਦੀ ਆਦੀ ਹੋ ਗਈ। ਉਸਨੇ ਕਿਹਾ ਕਿ ਉਸਦੀ ਰੋਜ਼ਾਨਾ ਕੋਕੀਨ ਦੀ ਆਦਤ ਕਾਰਨ ਉਸਦਾ ਸੈਪਟਮ (ਨੱਕ ਨੂੰ ਵੱਖ ਕਰਨ ਵਾਲੀ ਹੱਡੀ ਅਤੇ ਕਾਰਟੀਲੇਜ ਦੀ ਪਤਲੀ ਕੰਧ) ਵਿਗੜ ਗਈ, ਜਿਸ ਨਾਲ ਉਸਦੇ ਚਿਹਰੇ ਦੇ ਬਾਹਰ ਇੱਕ ਛੇਕ ਹੋ ਗਿਆ।
ਡੇਲੀ ਮੇਲ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਕੋਜੀਰਾ ਕਹਿੰਦੀ ਹੈ ਕਿ ਸ਼ੁਰੂ ਵਿੱਚ ਉਸਨੇ ਸੋਚਿਆ ਕਿ ਇਹ ਠੀਕ ਹੈ, ਪਰ ਇਸ ਲਤ ਦੇ ਮਾੜੇ ਪ੍ਰਭਾਵ ਉਸਦੇ ਸਰੀਰ 'ਤੇ ਤੁਰੰਤ ਦਿਖਾਈ ਦੇਣ ਲੱਗੇ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਉਸਨੇ ਦੋ ਸਾਲਾਂ ਤੋਂ ਵੀ ਘੱਟ ਸਮੇਂ ਵਿੱਚ ਕੋਕੀਨ 'ਤੇ ਲਗਭਗ $80,000 (70 ਲੱਖ ਰੁਪਏ ਤੋਂ ਵੱਧ) ਖਰਚ ਕਰ ਦਿੱਤੇ।
ਪਰ ਕੋਕੀਨ ਨੇ ਉਸਦੀ ਨੱਕ ਨੂੰ ਵੱਖ ਕਰਨ ਵਾਲੀ ਹੱਡੀ ਅਤੇ ਉਪਾਸਥੀ ਦੀ ਪਤਲੀ ਕੰਧ ਨੂੰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤਾ। ਕੋਜੀਰਾ ਦੇ ਚਿਹਰੇ ਦੇ ਬਾਹਰ ਇੱਕ ਛੇਕ ਹੋ ਗਿਆ ਜੋ ਇੱਕ ਸਿੱਕੇ ਦੇ ਆਕਾਰ ਦਾ ਹੋ ਗਿਆ। ਪਰ ਇਸ ਤੋਂ ਬਾਅਦ ਵੀ ਉਸਨੇ ਕੋਕੀਨ ਲੈਣੀ ਬੰਦ ਨਹੀਂ ਕੀਤੀ। ਉਹ ਆਪਣੀ ਛੋਟੀ ਉਂਗਲੀ ਨਾਲ ਕੋਕੀਨ ਨੂੰ ਆਪਣੇ ਨੱਕ ਵਿੱਚ ਧੱਕਦੀ ਸੀ ਤਾਂ ਜੋ ਇਹ ਵੱਡੇ ਛੇਕ ਰਾਹੀਂ ਬਾਹਰ ਨਾ ਆਵੇ। ਕੋਜੀਰਾ ਕਹਿੰਦੀ ਹੈ, ਮੈਂ ਲੋਕਾਂ ਨੂੰ ਝੂਠ ਬੋਲਦੀ ਰਹੀ ਕਿ ਇਹ ਸਾਈਨਸ ਇਨਫੈਕਸ਼ਨ ਕਾਰਨ ਸੀ, ਪਰ ਜਿਸ ਤਰੀਕੇ ਨਾਲ ਮੈਂ ਇਸ ਤੋਂ ਪੀੜਤ ਸੀ, ਉਸ ਤੋਂ ਮੈਂ ਬਹੁਤ ਡਰ ਗਈ ਸੀ। ਉਸਨੇ ਦੱਸਿਆ ਕਿ ਉਸਨੇ 2021 ਵਿੱਚ ਨਸ਼ੇ ਲੈਣਾ ਛੱਡ ਦਿੱਤਾ ਸੀ ਅਤੇ ਉਦੋਂ ਤੋਂ ਨਸ਼ੇ ਤੋਂ ਦੂਰ ਹੈ। ਉਸ ਦੇ ਨੱਕ 'ਤੇ ਹੁਣ ਤੱਕ 15 ਸਰਜਰੀਆਂ ਹੋ ਚੁੱਕੀਆਂ ਹਨ, ਪਰ ਇਹ ਅਜੇ ਵੀ ਠੀਕ ਨਹੀਂ ਹੋਈਆਂ ਹਨ।
