Last Updated :
06 February 2025, 09:28 AM IST
Viral Video : ਵਿਆਹ ਵਿੱਚ, ਲਾੜੇ ਦੇ ਬਰਾਤੀਆਂ ਦੀ ਨਜਰ ਹੋਣ ਵਾਲੀ ਦੁਲਹਨ 'ਤੇ ਰਹਿੰਦੀ ਹੈ। ਜਦੋਂ ਦੁਲਹਨ ਵਿਆਹ ਵਾਲੇ ਹਾਲ ਵਿੱਚ ਦਾਖਲ ਹੁੰਦੀ ਹੈ, ਤਾਂ ਮਾਹੌਲ ਬਿਲਕੁਲ ਸ਼ਾਂਤ ਹੋ ਜਾਂਦਾ ਹੈ ਅਤੇ ਸਾਰਿਆਂ ਦੀਆਂ ਨਜ਼ਰਾਂ ਉਸ 'ਤੇ ਟਿਕ ਜਾਂਦੀਆਂ ਹਨ । ਬਹੁਤ ਸਾਰੇ ਮਹਿਮਾਨ ਖਾਣਾ ਛੱਡ ਕੇ ਦੁਲਹਨ ਦੀ ਐਂਟਰੀ ਦੇਖਣ ਪਹੁੰਚ ਜਾਂਦੇ ਹਨ। ਇਸਦਾ ਕਾਰਨ ਇਹ ਹੈ ਕਿ ਅੱਜਕੱਲ੍ਹ ਵਿਆਹ ਵਿੱਚ ਦੁਲਹਨ ਦੀ ਐਂਟਰੀ ਇੱਕ ਖਾਸ ਤਰੀਕੇ ਨਾਲ ਹੋ ਰਹੀ ਹੈ। ਹੁਣ ਦੁਲਹਨ ਦੀ ਐਂਟਰੀ ਪਹਿਲਾਂ ਵਰਗੀ ਬਿਲਕੁਲ ਨਹੀਂ ਰਹੀ। ਹੁਣ ਜਦੋਂ ਤੱਕ ਦੁਲਹਨ ਕੁਝ ਗਾਣਿਆਂ ਤੇ ਡਾਂਸ ਨ ਕਰ ਲਏ ਉਹ ਆਪਣੇ ਵਿਆਹ ਨੂੰ ਅਧੂਰਾ ਮੰਨਦੀ ਹੈ। ਸਰਦੀਆਂ ਦੇ ਵਿਆਹ ਦੇ ਸੀਜ਼ਨ ਵਿੱਚ ਦੁਲਹਨ ਦੀ ਐਂਟਰੀ ਦਾ ਇੱਕ ਬਹੁਤ ਹੀ ਵੱਖਰਾ ਨਜ਼ਾਰਾ ਦੇਖਣ ਨੂੰ ਮਿਲਿਆ ।
ਵੀਡੀਓ ਵਿੱਚ, ਤੁਸੀਂ ਦੇਖੋਗੇ ਕਿ ਦੁਲਹਨ ਲਾਲ ਰੰਗ ਦੀ ਡਰੈੱਸ ਪਹਿਨ ਕੇ ਆਪਣੇ ਸਿਰ 'ਤੇ ਇੱਕ ਵੱਡਾ ਘੁੰਡ ਲੈ ਕੇ ਐਂਟਰੀ ਕਰ ਰਹੀ ਹੈ ਅਤੇ ਉਸਦੇ ਸਾਹਮਣੇ, ਇੱਕ ਔਰਤ 'ਮਿਥਿਲਾ ਕਾ ਕਣ ਕਣ ਖਿਲਾ ਜਮਾਈ ਰਾਜਾ ਰਾਮ ਮਿਲਾ' ਗੀਤ 'ਤੇ ਨੱਚ ਰਹੀ ਹੈ। ਵੀਡੀਓ ਦੇ ਨਾਲ ਲਿਖੇ ਕੈਪਸ਼ਨ ਦੇ ਅਨੁਸਾਰ, ਦੁਲਹਨ ਦੇ ਸਾਹਮਣੇ ਨੱਚ ਰਹੀ ਔਰਤ ਉਸਦੀ ਭਾਬੀ ਹੈ। ਜਿਵੇਂ-ਜਿਵੇਂ ਨੱਚਦੀ ਔਰਤ ਅੱਗੇ ਵਧ ਰਹੀ ਹੈ, ਦੁਲਹਨ ਵੀ ਆਪਣੇ ਪੈਰ ਅੱਗੇ ਵਧਾ ਰਹੀ ਹੈ। ਹੁਣ ਦੁਲਹਨ ਦੀ ਇਸ ਅਨੋਖੀ ਐਂਟਰੀ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਨੂੰ 45 ਹਜ਼ਾਰ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ।
ਦੁਲਹਨ ਦੀ ਐਂਟਰੀ 'ਤੇ ਇੱਕ ਯੂਜ਼ਰ ਨੇ ਲਿਖਿਆ ਹੈ, 'ਮੈਂ ਪਹਿਲੀ ਵਾਰ ਦੁਲਹਨ ਦੀ ਐਂਟਰੀ 'ਤੇ ਅਜਿਹਾ ਦ੍ਰਿਸ਼ ਦੇਖਿਆ ਹੈ'। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, 'ਦੁਲਹਨ ਨੂੰ ਵੀ ਥੋੜ੍ਹਾ ਜਿਹਾ ਨੱਚਣਾ ਚਾਹੀਦਾ ਸੀ।' ਤੀਜਾ ਯੂਜ਼ਰ ਲਿਖਦਾ ਹੈ, 'ਇਸ ਔਰਤ ਦੇ ਡਾਂਸ ਨੇ ਦੁਲਹਨ ਦੀ ਐਂਟਰੀ ਦੀ ਸੁੰਦਰਤਾ ਨੂੰ ਹੋਰ ਵਧਾ ਦਿੱਤਾ।' ਚੌਥਾ ਲਿਖਦਾ ਹੈ, 'ਤੁਹਾਨੂੰ ਦੁਲਹਨ ਦੇ ਦਾਖਲੇ ਲਈ ਅਜਿਹੇ ਵਿਚਾਰ ਕਿੱਥੋਂ ਮਿਲਦੇ ਹਨ?' ਇਸ ਦੇ ਨਾਲ ਹੀ, ਕੁਝ ਯੂਜ਼ਰਸ ਅਜਿਹੇ ਵੀ ਹਨ ਜੋ ਉਨ੍ਹਾਂ ਨੂੰ ਟ੍ਰੋਲ ਕਰ ਰਹੇ ਹਨ। ਇਸ 'ਤੇ ਇੱਕ ਯੂਜ਼ਰ ਨੇ ਲਿਖਿਆ ਹੈ, 'ਮੈਨੂੰ ਨਹੀਂ ਪਤਾ ਕਿ ਭਾਰਤ ਵਿੱਚ ਦੁਲਹਨ ਦੀ ਐਂਟਰੀ ਨੂੰ ਇੰਨਾ ਬਕਵਾਸ ਕਿਉਂ ਕੀਤਾ ਗਿਆ ਹੈ।' ਇੱਕ ਹੋਰ ਯੂਜ਼ਰ ਲਿਖਦਾ ਹੈ, 'ਵਿਆਹ ਵਿੱਚ ਜਿੰਨੇ ਜ਼ਿਆਦਾ ਦਿਖਾਵੇ ਹੁੰਦੇ ਹਨ, ਓਨੀ ਹੀ ਜਲਦੀ ਉਹ ਵਿਆਹ ਟੁੱਟਦਾ ਹੈ।'
