Last Updated :
27 March 2024, 12:47 PM IST
Viral Video: ਪਬਲਿਕ ਟਰਾਂਸਪੋਰਟ ਰਾਹੀਂ ਸਫਰ ਕਰਦੇ ਸਮੇਂ ਕਈ ਵਾਰ ਅਜਿਹੀ ਸਥਿਤੀ ਪੈਦਾ ਹੋ ਜਾਂਦੀ ਹੈ ਕਿ ਲੋਕ ਸੀਟਾਂ ਨੂੰ ਲੈ ਕੇ ਆਪਸ ਵਿੱਚ ਲੜਨ ਲੱਗ ਪੈਂਦੇ ਹਨ। ਪਰ ਕਈ ਵਾਰ ਇਸ ਦੇ ਉਲਟ ਕੁਝ ਅਜਿਹਾ ਦੇਖਣ ਨੂੰ ਮਿਲਦਾ ਹੈ ਜਿਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਜਾਂਦਾ ਹੈ। ਜਿਵੇਂ ਕਿ ਇਸ ਸਮੇਂ ਵਾਇਰਲ ਹੋ ਰਿਹਾ ਇਸ ਮਾਮਲੇ 'ਚ ਦੇਖਣ ਨੂੰ ਮਿਲ ਰਿਹਾ ਹੈ। ਜਿੱਥੇ ਇੱਕ ਬੱਸ ਕੰਡਕਟਰ ਨੇ ਸਫ਼ਰ ਕਰ ਰਹੀ ਇੱਕ ਮਹਿਲਾ ਯਾਤਰੀ ਨੂੰ ਥੱਪੜ ਮਾਰ ਦਿੱਤਾ। ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ 'ਚ ਸੜਕਾਂ 'ਤੇ ਭਾਰੀ ਆਵਾਜਾਈ ਦਿਖਾਈ ਦੇ ਰਹੀ ਹੈ। ਇਸ ਕਾਰਨ ਲੋਕ ਜ਼ਿਆਦਾਤਰ ਪਬਲਿਕ ਟਰਾਂਸਪੋਰਟ ਦੀ ਵਰਤੋਂ ਕਰਦੇ ਹਨ। ਇਸ ਦੌਰਾਨ ਬੈਂਗਲੁਰੂ BMTC ਬੱਸ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਵਾਇਰਲ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਬੱਸ 'ਚ ਕਈ ਯਾਤਰੀ ਮੌਜੂਦ ਸਨ। ਫਿਰ ਟਿਕਟ ਨੂੰ ਲੈ ਕੇ ਇਕ ਔਰਤ ਅਤੇ ਬੱਸ ਕੰਡਕਟਰ ਵਿਚਕਾਰ ਬਹਿਸ ਸ਼ੁਰੂ ਹੋ ਜਾਂਦੀ ਹੈ। ਪਲਾਂ ਵਿੱਚ ਹੀ ਔਰਤ ਨੇ ਬੱਸ ਕੰਡਕਟਰ ਨੂੰ ਥੱਪੜ ਮਾਰ ਦਿੱਤਾ। ਬਦਲੇ ਵਿੱਚ ਬੱਸ ਕੰਡਕਟਰ ਨੇ ਔਰਤ ਨੂੰ ਥੱਪੜ ਮਾਰ ਦਿੱਤਾ।
ਟਿਕਟ ਨੂੰ ਲੈ ਕੇ ਮਹਿਲਾ ਨਾਲ ਹੋਈ ਲੜਾਈ
ਦੱਸਿਆ ਜਾ ਰਿਹਾ ਹੈ ਕਿ ਔਰਤ ਬਿਲੇਕਾ ਹੱਲੀ ਤੋਂ ਸ਼ਿਵਾਜੀ ਨਗਰ ਜਾ ਰਹੀ ਸੀ। ਜਿਸ ਲਈ ਔਰਤ ਨੇ ਟਿਕਟ ਮੰਗੀ ਅਤੇ ਕੰਡਕਟਰ ਨੇ ਕੁਝ ਸਮੇਂ ਬਾਅਦ ਟਿਕਟ ਦੇਣ ਲਈ ਕਿਹਾ। ਪਰ ਜਦੋਂ ਬੱਸ ਡੇਅਰੀ ਸਰਕਲ ਪਹੁੰਚੀ ਤਾਂ ਔਰਤ ਨੇ ਦੁਬਾਰਾ ਟਿਕਟ ਮੰਗੀ। ਜਿਸ ਤੋਂ ਬਾਅਦ ਮਹਿਲਾ ਅਤੇ ਬੱਸ ਕੰਡਕਟਰ ਵਿਚਕਾਰ ਬਹਿਸ ਸ਼ੁਰੂ ਹੋ ਗਈ।
A #BMTC bus conductor assaulted a woman passenger after she slapped him over a dispute about buying a ticket in in #Bengaluru's #Siddapura police limits on Tuesday. The incident was recorded on a mobile phone camera and the conductor has since been suspended.
— Hate Detector 🔍 (@HateDetectors) March 26, 2024
The woman… pic.twitter.com/sgVjGtCVyO
ਯੂਜਰ ਬੋਲੇ- ਕੰਡਕਟਰ ਬਣ ਰਿਹਾ ਸੀ ਤੇਜ਼
ਘਟਨਾ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ, ਬੀਐਮਟੀਸੀ ਨੇ ਇੱਕ ਪ੍ਰੈਸ ਬਿਆਨ ਜਾਰੀ ਕਰਕੇ ਕਿਹਾ ਕਿ ਬੱਸ ਕੰਡਕਟਰ ਨੂੰ ਉਸਦੀ ਹਰਕਤ ਕਾਰਨ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਜਿਸ ਦਾ ਵੀਡੀਓ @HateDetectors ਨਾਮ ਦੇ ਯੂਜ਼ਰ ਨੇ ਸ਼ੇਅਰ ਕੀਤਾ ਹੈ। ਜਿਸ ਨੂੰ ਦੇਖਣ ਤੋਂ ਬਾਅਦ ਕਈ ਯੂਜ਼ਰਸ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਹੈ ਕਿ ਅਜਿਹਾ ਇਸ ਲਈ ਦੇਖਿਆ ਗਿਆ ਕਿਉਂਕਿ ਬੱਸ ਕੰਡਕਟਰ ਤੇਜ਼ ਬਣ ਰਿਹਾ ਸੀ।
