Last Updated :
16 July 2026, 03:56 PM IST
Courtesy: Credit: OpenAI
ਰਿਪੋਰਟਾਂ ਮੁਤਾਬਕ Volkswagen ਦੀ ਇਹ ਨਵੀਂ SUV Skoda Kylaq ਦੇ ਪਲੇਟਫਾਰਮ 'ਤੇ ਤਿਆਰ ਕੀਤੀ ਜਾਵੇਗੀ। ਹਾਲਾਂਕਿ ਇਸ ਦਾ ਡਿਜ਼ਾਈਨ, ਸਟਾਈਲ ਅਤੇ ਬ੍ਰਾਂਡ ਪਛਾਣ ਪੂਰੀ ਤਰ੍ਹਾਂ Volkswagen ਦੀ ਹੋਵੇਗੀ। ਕੰਪਨੀ ਇਸ ਨੂੰ ਆਪਣੀ ਸਭ ਤੋਂ ਛੋਟੀ ਅਤੇ ਕਿਫਾਇਤੀ SUV ਵਜੋਂ ਪੇਸ਼ ਕਰ ਸਕਦੀ ਹੈ।
ਨਵੀਂ SUV ਦਾ ਐਕਸਟੀਰੀਅਰ Kylaq ਤੋਂ ਵੱਖਰਾ ਹੋਵੇਗਾ। ਇਸ ਵਿੱਚ Volkswagen ਦੀ ਸਿਗਨੇਚਰ ਫਰੰਟ ਗ੍ਰਿਲ, ਨਵਾਂ ਬੰਪਰ, Taigun ਤੋਂ ਪ੍ਰੇਰਿਤ ਸਲਿਮ LED ਹੈੱਡਲੈਂਪ ਅਤੇ LED DRLs ਦਿੱਤੇ ਜਾ ਸਕਦੇ ਹਨ। ਇਸ ਤੋਂ ਇਲਾਵਾ ਮਜ਼ਬੂਤ ਬਾਡੀ ਲਾਈਨਾਂ ਅਤੇ ਪਿੱਛੇ ਕਨੈਕਟਡ LED ਟੇਲ ਲਾਈਟਾਂ ਇਸ ਨੂੰ ਹੋਰ ਆਕਰਸ਼ਕ ਬਣਾਉਣਗੀਆਂ।
ਕੁਝ ਰਿਪੋਰਟਾਂ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਕੰਪਨੀ GT Line ਵੇਰੀਐਂਟ ਵੀ ਲਿਆ ਸਕਦੀ ਹੈ, ਜਿਸ ਵਿੱਚ ਬਲੈਕ ਥੀਮ, ਸਪੋਰਟੀ ਐਲਿਮੈਂਟਸ ਅਤੇ ਵੱਖਰਾ ਸਟਾਈਲ ਦੇਖਣ ਨੂੰ ਮਿਲੇਗਾ।
ਨਵੀਂ SUV ਦਾ ਇੰਟੀਰੀਅਰ ਕਾਫੀ ਹੱਦ ਤੱਕ Skoda Kylaq ਵਰਗਾ ਹੋ ਸਕਦਾ ਹੈ, ਪਰ ਸੀਟਾਂ ਦੀ ਡਿਜ਼ਾਈਨ ਅਤੇ ਕੇਬਿਨ ਫਿਨਿਸ਼ ਵਿੱਚ Volkswagen ਆਪਣੀ ਵੱਖਰੀ ਪਛਾਣ ਦੇਵੇਗੀ।
ਫੀਚਰਾਂ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 10 ਇੰਚ ਦਾ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਵਾਇਰਲੈੱਸ Android Auto ਅਤੇ Apple CarPlay, ਡਿਜ਼ੀਟਲ ਇੰਸਟਰੂਮੈਂਟ ਕਲੱਸਟਰ, ਵਾਇਰਲੈੱਸ ਫੋਨ ਚਾਰਜਰ, ਵੈਂਟੀਲੇਟਿਡ ਫਰੰਟ ਸੀਟਾਂ, 6-ਵੇ ਪਾਵਰਡ ਡਰਾਈਵਰ ਸੀਟ, USB Type-C ਪੋਰਟ, ਕਨੈਕਟਡ ਕਾਰ ਟੈਕਨਾਲੋਜੀ, ਕੀਲੈੱਸ ਐਂਟਰੀ, ਆਟੋ ਡਿਮਿੰਗ IRVM ਅਤੇ ਸਨਰੂਫ ਵਰਗੇ ਫੀਚਰ ਮਿਲ ਸਕਦੇ ਹਨ।
Volkswagen ਆਪਣੀਆਂ ਗੱਡੀਆਂ ਦੀ ਸੁਰੱਖਿਆ ਲਈ ਜਾਣੀ ਜਾਂਦੀ ਹੈ ਅਤੇ ਇਸ ਨਵੀਂ SUV ਵਿੱਚ ਵੀ ਕਈ ਆਧੁਨਿਕ ਸੇਫਟੀ ਫੀਚਰ ਮਿਲਣ ਦੀ ਉਮੀਦ ਹੈ। ਇਸ ਵਿੱਚ 6 ਏਅਰਬੈਗ, Electronic Stability Control (ESC), ਟ੍ਰੈਕਸ਼ਨ ਕੰਟਰੋਲ, ABS ਨਾਲ EBD, ਰੀਅਰ ਪਾਰਕਿੰਗ ਸੈਂਸਰ, ISOFIX ਚਾਈਲਡ ਸੀਟ ਮਾਊਂਟ, ਹਰ ਸੀਟ ਲਈ 3-ਪੌਇੰਟ ਸੀਟ ਬੈਲਟ ਅਤੇ ਐਡਜਸਟੇਬਲ ਹੈਡਰੈਸਟ ਵਰਗੇ ਫੀਚਰ ਸਟੈਂਡਰਡ ਹੋ ਸਕਦੇ ਹਨ।
ਇਸ SUV ਵਿੱਚ 1.0 ਲੀਟਰ, 3 ਸਿਲਿੰਡਰ ਟਰਬੋ ਪੈਟਰੋਲ ਇੰਜਣ ਮਿਲਣ ਦੀ ਸੰਭਾਵਨਾ ਹੈ। ਇਹ ਇੰਜਣ ਲਗਭਗ 115 bhp ਦੀ ਪਾਵਰ ਜਨਰੇਟ ਕਰ ਸਕਦਾ ਹੈ। ਟ੍ਰਾਂਸਮਿਸ਼ਨ ਲਈ 8-ਸਪੀਡ ਟਾਰਕ ਕੰਵਰਟਰ ਆਟੋਮੈਟਿਕ ਗੀਅਰਬਾਕਸ ਦਿੱਤਾ ਜਾ ਸਕਦਾ ਹੈ, ਜੋ ਡਰਾਈਵਿੰਗ ਨੂੰ ਹੋਰ ਸੁਵਿਧਾਜਨਕ ਬਣਾਏਗਾ।
ਕੀਮਤ ਦੀ ਗੱਲ ਕਰੀਏ ਤਾਂ ਨਵੀਂ Volkswagen SUV ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ ਕਰੀਬ 7.5 ਲੱਖ ਰੁਪਏ ਤੋਂ ਸ਼ੁਰੂ ਹੋ ਸਕਦੀ ਹੈ, ਜਦਕਿ ਟਾਪ ਵੇਰੀਐਂਟ ਦੀ ਕੀਮਤ 13 ਲੱਖ ਰੁਪਏ ਤੱਕ ਜਾ ਸਕਦੀ ਹੈ।
ਇਸ ਦਾ ਸਿੱਧਾ ਮੁਕਾਬਲਾ Tata Nexon, Maruti Suzuki Brezza, Hyundai Venue, Kia Sonet ਅਤੇ Mahindra XUV 3XO ਵਰਗੀਆਂ SUVਜ਼ ਨਾਲ ਹੋਵੇਗਾ। ਜੇ Volkswagen ਮੁਕਾਬਲੇਬਾਜ਼ ਕੀਮਤ ਅਤੇ ਪ੍ਰੀਮੀਅਮ ਫੀਚਰਾਂ ਨਾਲ ਇਸ ਮਾਡਲ ਨੂੰ ਪੇਸ਼ ਕਰਦੀ ਹੈ, ਤਾਂ ਇਹ ਭਾਰਤੀ ਕੰਪੈਕਟ SUV ਸੈਗਮੈਂਟ ਵਿੱਚ ਇੱਕ ਮਜ਼ਬੂਤ ਦਾਅਵੇਦਾਰ ਸਾਬਤ ਹੋ ਸਕਦੀ ਹੈ।
