Last Updated :
08 April 2025, 11:22 AM IST
ਉੱਤਰ ਪ੍ਰਦੇਸ਼ ਦੇ ਫਤਿਹਪੁਰ ਵਿੱਚ ਮੰਗਲਵਾਰ ਸਵੇਰੇ ਟ੍ਰਿਪਲ ਮਰਡਰ ਹੋਣ ਨਾਲ ਇਲਾਕੇ ਵਿੱਚ ਸਨਸਨੀ ਫੈਲ ਗਈ ਹੈ। ਹਥਗਾਮ ਥਾਣਾ ਖੇਤਰ ਦੇ ਤਾਹਿਰਾਪੁਰ ਚੌਰਾਹੇ ਨੇੜੇ ਟਰੈਕਟਰ ਸਵਾਰ ਹਮਲਾਵਰਾਂ ਨੇ ਗੋਲੀਆਂ ਮਾਰ ਕੇ ਕਿਸਾਨ ਆਗੂ ਪੱਪੂ ਸਿੰਘ (50), ਉਨ੍ਹਾਂ ਦੇ ਪੁੱਤਰ ਅਭੈ ਸਿੰਘ (22) ਅਤੇ ਛੋਟੇ ਭਰਾ ਰਿੰਕੂ ਸਿੰਘ (40) ਦੀ ਹੱਤਿਆ ਕਰ ਦਿੱਤੀ। ਮ੍ਰਿਤਕ ਬਾਈਕ ਤੇ ਸਵਾਰ ਕੇ ਕਿੱਤੇ ਜਾ ਰਹੇ ਸਨ। ਪਿੰਡ ਦੇ ਸਾਬਕਾ ਮੁਖੀ ਮੁੰਨੂ ਸਿੰਘ ਅਤੇ ਉਸਦੇ ਸਾਥੀਆਂ 'ਤੇ ਇਸ ਘਟਨਾ ਨੂੰ ਅੰਜਾਮ ਦੇਣ ਦਾ ਦੋਸ਼ ਲਗਾਏ ਜਾ ਰਹੇ ਹਨ।
ਜਿਵੇਂ ਉਕਤ ਘਟਨਾ ਵਾਪਰੀ ਤੋਂ ਇਲਾਕੇ ਵਿੱਚ ਸਨਸਨੀ ਫੈਲ ਗਈ। ਹਰ ਕੋਈ ਇਸ ਘਟਨਾ ਨੂੰ ਲੈ ਕੇ ਦਹਿਸ਼ਤ ਵਿੱਚ ਹੈ। ਉਧਰ ਹਥਗਾਮ ਹੁਸੈਨਗੰਜ ਅਤੇ ਸੁਲਤਾਨਪੁਰ ਘੋਸ਼ ਪੁਲਿਸ ਸਟੇਸ਼ਨ ਤੋਂ ਪੁਲਿਸ ਫੋਰਸ ਮੌਕੇ 'ਤੇ ਪਹੁੰਚੀ। ਜਿਨ੍ਹਾਂ ਵੱਲੋਂ ਲਾਸ਼ਾਂ ਨੂੰ ਕਬਜੇ ਵਿੱਚ ਲੈ ਕੇ ਅਗਲੀ ਕਾਰਵਾਈ ਕੀ ਜਾ ਰਹੀ ਹੈ।
ਕਿਸਾਨ ਆਗੂ ਪੱਪੂ ਸਿੰਘ ਦੀ ਮਾਂ ਰਾਮਦੁਲਾਰੀ ਸਿੰਘ ਇਸ ਸਮੇਂ ਪਿੰਡ ਦੀ ਮੁਖੀ ਹੈ। ਪਿੰਡ ਵਾਸੀਆਂ ਨੇ ਪੁਲਿਸ ਨੂੰ ਲਾਸ਼ ਚੁੱਕਣ ਤੋਂ ਰੋਕ ਦਿੱਤਾ। ਮੌਕੇ 'ਤੇ ਇਕੱਠੀ ਹੋਈ ਭੀੜ ਨੇ ਮੰਗ ਕੀਤੀ ਕਿ ਫਰਾਰ ਕਤਲ ਦੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕੀਤਾ ਜਾਵੇ ਅਤੇ ਉਸ ਤੋਂ ਬਾਅਦ ਹੀ ਉਹ ਲਾਸ਼ ਨੂੰ ਚੁੱਕਣ ਦੀ ਇਜਾਜ਼ਤ ਦੇਣਗੇ।
ਖਬਰ ਨੂੰ ਅਪਡੇਟ ਕੀਤਾ ਜਾ ਰਿਹਾ ਹੈ
